GALATI 4:25 - Lai (Hakha) Common Language Bible 2006

²⁵ Hagar cu Arabia ram Sinai Tlang kha a si i atu Jerusalem le a chung i a ummi a fale vialte, sal sinak chung i khua a sami hna aiawhtu hi a si.

Laibaibal Thiang (BSI)

²⁵ Cuticun Hagar hi Arabia ram i Sinai tlâng a si i atu lio Jerusalem sining he â khatmi a si, a fa le he salah an um.

GALATI 4:25 Խաչաձեւ Հղումներ

HEBRU 12:18

Nannih nih nan phakmi tlang cu Israel mi nih an phakmi tlang, tawngh khawhmi tlang Sinai Tlang kha a si lo; kha tlang ah khan cun a alh hluahmahmi mei le minmei nak pipi le muihnak le ṭotho le

GALATI 1:17

keimah hlan i lamkaltu a rak simi hna ton awk zongah khan Jerusalem ah ka va kal lo. Arabia ram tu ah khan ka kal zau i cuka cun Damaskas khua ah ka ra kir.

LAMKALTU 1:11

“Galilee mi hna, zeicahdah van lei zoh in nan dir ko? Nan sinin van ah a kaimi Jesuh hi, van ah a kai nan hmuh bantukte hin a ra kir ṭhan lai,” tiah an ti hna.

LUKA 19:44

Nangmah le na vampang kulh chung i a ummi minung hna cu an in hrawh dih cikcek hna lai: Pathian cu nangmah khamh awkah a rat caan kha na hngalh lo caah cuka hmun ah cun aa chonhmi lung pakhat hmanh leh loin an kaltakmi a um lai lo.”

LUKA 13:34

“Maw Jerusalem, Jerusalem, profet kha na thah hna i Pathian nih na sinah lamkaltu a rak thlahmi kha lung in na rak cheh hna. Arpi nih a fale cu a thla tangah a huh hna bantukin voi zeizat te dik na chung mi cu ka kut in huh kan timh hna i na duh lo.

MATTHAI 23:37

“Maw Jerusalem, Jerusalem, Profet kha na rak thah hna i nangmah sinah Pathian nih a run thlahmi lamkaltu hna kha lung in na rak den hna. Arpi nih a fale cu a thla tangah a huh hna bantukin na fale cu voi zeizat dik ka kut in huh ka timh hna i an duh lo.

SALM 68:17

A ṭhawngmi a rangleng thong tampi he Bawipa cu Sinai Tlang in a ra i a hmunthiang ah cun a lut.

SALM 68:8

vawlei cu aa hnin i van in ruahpi a sur; cu bantukin a si cu Sinai Tlang Pathian a rat ca le Israel Pathian a rat ruangah a si.

BIACEIHTU 5:5

Bawipa hmaiah tlang hna cu an i hnin, Bawipa, Israel Pathian, hmaiah cun khi Sinai tlang cu aa hnin.

DEUTERONOMI 33:2

Amah nih, “Sinai in Bawipa cu a ra, Seir in kan cungah a rung tlang, Paran Tlang in a rung ceu, Mithiang thong hra hna sinin a ra, A orhlei kut in a alhmi mei aa put i a ra.

GALATI 4:24

Mah hihi tahchunhnak ah lak khawh a si lai: nu pahnih hi biakamnak pahnih an si. Biakamnak pakhat, Hagar kha, Sinai Tlang in a rami a si i a fale cu sal in hrinmi an si.

GALATI 4:26

Sihmanhsehlaw vancung Jerusalem cu a luatmi nu kha a si i amah cu kan nu cu a si.