GALATI 4:14 - Lai (Hakha) Common Language Bible 2006

¹⁴ Sihmanhsehlaw zeirello in nan rak ka um lo i a dawnh zong nan rak ka dawn lo. Ka pumsa umtuning kha nan caah thil har a rak si nain Pathian vancungmi bantukin nan rak ka cohlan; Khrih Jesuh bantukin nan rak ka cohlan.

Laibaibal Thiang (BSI)

¹⁴ Ka taksa cung i hneksaknâk a ummi kha nan zomhtaih lo i nan hlaw fawn lo. Pathian vanmi hna le, Jesuh Krih bantukin nanka cohlan kha.

GALATI 4:14 Խաչաձեւ Հղումներ

MATTHAI 10:40

“Nannih an conglawmhtu hna paoh nih keimah an ka conglawmh a si i keimah a ka conglawmhtu paoh nih a ka thlahtu a conglawmh a si.

1THESALON 2:13

Cun kan Pathian sin i kan i lawmhnak zong a dang a um rih: Pathian bia nan sin kan phakpi tikah khan minung bia bantukin si loin Pathian bia bantukin nan rak cohlan — Pathian bia cu a si taktak, nan sin kan phakpimi cu. Cuticun zeitindah a si khawh tiah, Pathian nih a zummi nan lakah rian a ṭuan caah a si.

HEBRU 13:2

Khualtlung kha daw hna u. Khualtlung a dawmi cu an hngalh loin vancungmi nih khan an tlun tawn hna.

2 KORIN 5:20

Cucaah Khrih lamkaltu bantukin kannih cu kan ra. Kannih nih kan in nawl hna hi Pathian nih an nawl hna bantuk a si: Pathian he i rem ko u, tiah Khrih min in kan in nawl hna.

MALAKHI 2:7

Tlangbawi cu Ralkapbu Bawipa lamkaltu a si caah a bia kha mi nih an i tlaih i fimnak le cawnpiaknak kha amah sinin an kawl.

ZEKHARIAH 12:8

Khi ni ah cun Bawipa nih Jerusalem khuami hna cu phaw a chonkanh hna lai; khi ni ah cun an lak i a der bik kha David tluk a si lai i David tefa hna kha Pathian bantuk an si lai, an hmai i a kalmi Bawipa vanmi tluk an si lai.

2 SAMUEL 19:27

Cun na sal cu siangpahrang sinah a ka thangchiat cang. Sihmanhsehlaw siangpahrang ka bawipa cu Pathian vancungmi bantuk a si ko; cucaah nangmah nih a ṭha na timi paoh tuah ko.

2 SAMUEL 14:17

Cun na salnu nih hin, ‘Siangpahrang ka bawipa bia nih cun dinhnak a ka pek lai, tiah ka ruah; zeitintiah siangpahrang ka bawipa hi a chia le a ṭha thleidan khawh leiah Pathian vancungmi bantuk a si. Bawipa na Pathian cu na sinah um ko seh!” tiah a ti.

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

GALATI 4:13

Zei ruangah dah thawngṭha kha ka rak in chimh hna ti cu nan hngalh: ka zawt caah pei a si kha.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

1 KORIN 1:28

Vawlei nih thil pipa i a ruahmi kha hrawh awkah vawlei nih a nautatmi le zei i a rel lomi le pakpalawng i a ruahmi hna a thim hnanak cu a si.

JOHAN 13:20

Biatak kan chimh hna: Rian ka fialmi tluninn a rak onhtu paoh nih keimah an ka onh a si, keimah tluninn a ka onhtu paoh nih a ka thlahtu tluninn a onh a si,” tiah a ti.

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 18:5

Cun ngakchia hi bantuk pakhatkhat kha ka min in nan conglawmh hna ahcun, keimah nan ka conglawmh a si.”

PHUNGCHIMTU 9:16

Kei nih cun fimnak cu ṭhawnnak nakin a ṭha deuh, ka ti, sihmanhsehlaw kha misifak pate kha ahohmanh nih a ruah in an ruat lo i a chimmi kha zei ah an rel lo.

SALM 119:141

Kei cu santlailo le zeirello mi ka si, sihmanhsehlaw na nawlbia cu ka daithlanh hna lo.

JOB 12:5

Harnak nan tong lo i nan ka nihsawh, a ril dengmangmi kha nan ka ṭhuat chih,

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

GALATI 3:28

Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

GALATI 4:15

Nan rak i lawm tuk ko kha ta. Atu hi nan zeidah a ti? Si kho seh law cu, nan mitmu hmanh nan rak i khoih hnga i nan rak ka pek hnga. Cucu keimah hrimhrim nih ka chim ngam.