GALATI 3:28 - Lai (Hakha) Common Language Bible 2006

²⁸ Cucaah Judah mi le Jentail mi, sal le luatmi, nu le pa karah zeihmanh thleidannak a um ti lo, Khrih Jesuh he nan i pehtlaihnak thawngin pakhat nan si dih cang.

Laibaibal Thiang (BSI)

²⁸ Cuka ah Judah siseh, Grik siseh um khawh a si lo. Cuka ah sal siseh, miluat siseh um khawh a si lo, pa le nu zong an um kho hlei lo. Krih Jesuh ah nan dik lakin pumkhat nan si.

GALATI 3:28 Խաչաձեւ Հղումներ

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

GALATI 5:6

Khrih Jesuh he kan i pehtlaih ahcun cuarpartan cu kan caah sullam zeihmanh a ngei lo, tan lo zong zeihmanh a ngei hlei lo; biapi a simi cu, dawtnak in rian a ṭuanmi zumhnak kha a si.

JOHAN 10:16

Hi tuurun chung i a um lomi ka ta a simi tuu dang an um. Annih zong kha ka ratpi ve hrimhrim hna lai; ka aw kha an ngaih lai i tuukhal pakhat tangah tuurun run khat ah an cang lai.

EFESA 4:4

Pathian nih an kawh hna tikah ruahchannak pakhat a um a ti bantukte khan pum cu pakhat lawng a um i Thlarau pakhat lawng a um.

ROM 9:24

Cucu Hosea cauk chung i rak chimmi kha a si. Zeitindah a ti tiah: “Ka mi a rak si lomi kha, ‘Ka mi,’ ka ti hna lai. Ka rak dawt lomi miphun kha, ‘Ka dawtmi,’ ka ti hna lai.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

1 KORIN 7:19

Zeicahtiah cuarpartan le tan lo cu zeihmanh an si lo. Biapi a simi cu Pathian nawl zulh kha a si.

JOHAN 11:52

anmah Judah mi ca lawngah si loin Pathian fale aa ṭhekmi vialte hmunkhat i pumh dih awk zongah khan a thih cu a si lai tinak a rak chimchung kha a si.

JOHAN 17:11

Atu cu kei cu na sinah ka ra cang lai; vawlei ah hin ka um ti lai lo; sihmanhsehlaw annih cu an um rih lai. A Thiangmi ka Pa, nangmah le keimah cu pakhat kan si bantuk hin pakhat an si khawh ve nakhnga, na ka pekmi hna cu na min ṭhawnnak in huppheng ko hna.

1 KORIN 7:14

Zeicahtiah a zummi a si lomipa cu a nupi he an i pehtlaihnak thawng khan Pathian cohlan awk tlak ah a cang i zumtu a si lomi nu cu a va Khrihfa a simi he an i pehtlaihnak thawngin Pathian cohlan awk tlak ah a cang. Hitihin rak si hlah seh law an fale cu lawkih fale bantuk an rak si hnga; asinain atu cu Pathian cohlan awk tlakmi an si.

JOEL 2:29

Khi ni ah cun, salpa hna le sal nu hna hmanh kha, ka thlarau ka toih hna lai.

ROM 3:22

Cu lam, Pathian he i remnak lam cu Jesuh Khrih zumhnak thawngin a si i Jesuh Khrih a zummi ca paoh ah a si dih. Ahohmanh i thleidan ding a si lo,

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

GALATI 3:14

Hi thil vialte nih aa tinhmi cu, Pathian nih Abraham sinah a kammi thluachuahnak kha Khrih Jesuh thawngin Jentail mi sinah pek si seh ti kha a si i cucaah kannih zong nih zumhnak thawngin Pathian kamhmi Thlarau cu kan hmuh ve nakhnga caah a si.

GALATI 3:26

Khrih Jesuh pehtlaihnak thawngin Pathian fa nan dihlak in nan si cu zumhnak thawngin a si.

GALATI 4:14

Sihmanhsehlaw zeirello in nan rak ka um lo i a dawnh zong nan rak ka dawn lo. Ka pumsa umtuning kha nan caah thil har a rak si nain Pathian vancungmi bantukin nan rak ka cohlan; Khrih Jesuh bantukin nan rak ka cohlan.

GALATI 5:24

Cun Khrih Jesuh ta a simi nih cun a minung sinak kha tuah a duh tawnmi thil le a pumsa duhnak he khan a thah.

EFESA 1:1

Pathian duhnak in Khrih Jesuh lamkaltu a simi keimah Paul nih, Efesa khua i a ummi Pathian mi hna, Khrih Jesuh chung i nan nunnak ah zumh awk tlak in khua a sami hna, ca kan kuat hna.

FILIPI 1:1

Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

KOLOSE 1:4

Zeicahtiah Khrih Jesuh nan zumhnak le Pathian mi nan dawtnak hna kong kha kan rak theih.

1TIMOTE 1:12

Ka rianṭuannak ah thazang a ka petu kan Bawipa Khrih Jesuh cu ka lawmh. Amah rianṭuantu ah ser awk tlak i a ka ruah caah a cungah kaa lawm.

2TIMOTE 1:1

Khrih Jesuh he kan i pehtlaihnak thawngin Pathian nih a kan kamhmi nunnak kan hmuhmi kong chim awkah thlahmi keimah Paul, Pathian duhning in Khrih Jesuh lamkaltu a simi nih,