GALATI 3:15 - Lai (Hakha) Common Language Bible 2006

¹⁵ Ka u le ka nau hna, nifate i kan ton lengmangmi thil pakhat tahchunhnak ah ka hman tuah lai: mi pahnih nih biakamnak an tuah tikah cu biakamnak cu pakhat lawng nih an hrawk kho in an chap kho lo.

Laibaibal Thiang (BSI)

¹⁵ Unau hna, minung phungin ka chim. minung biakam zong sihmanhsehlaw, fehter cangmi cu an phoih ballo i an chap bal fawn lo.

GALATI 3:15 Խաչաձեւ Հղումներ

ROM 6:19

Hi bantukin tahchunhnak bia ka hman hi, nannih nih nan hngalh khawh deuh nakhnga ka duh caah a si. Hlanah cun a ṭha lomi thil tuah awkah thurhnawmhnak le ṭhat lonak sal nan rak si. Cu bantuk ṭhiamṭhiam in atu cu a thiangmi thil tuah awkah dinnak sal nan si awk a si.

ROM 3:5

Ahmaan lomi thil kan tuahmi nih ahmaanmi thil Pathian nih a tuahnak fiang chinchin in a langhter ah tah, zeitin? Zeidah kan chim khawh lai? Pathian nih kannih cu dan a kan tat tikah a palh a si maw? (Minung biachim in hei chim ko ning law.)

1 KORIN 15:32

Cun Efesa khua i “sahrang” he kan rak i sual kha minung ruahnak lawnglawng in rak si seh law zeital ka miakmi a um hnga maw? Mithi cu nunnak i thawhter an si lo tham ah cun, phungthlukbia bangin, “thaizing ah pei kan thih ko lai cu, ei in ding ko ngat u sih.”

LAMKALTU 1:15

Cu hnu ni tlawmpal ah khan Jesuh a zummi hna kha an i pum i an dihlak ah za khat le kul tluk an si; cu pumhnak ah cun Peter cu a tho i,

ROM 1:13

Ka u le ka nau hna, hihi rak ka hngalhpiak u ti kan duh hna: nanmah tlawn hi voi tampi kaa tim tawn, sihmanhsehlaw zei nih dik a ka donh zungzal. Jentail mi a dang hna lak i lungthlengmi ka umter hna bantukin nannih lak zong i lungthlengmi umter ve cu ka duh hringhranmi a si.

GALATI 6:18

Ka u le ka nau hna, kan Bawipa Jesuh Khrih vel cu nan dihlak cungah um ko seh. Amen.

HEBRU 6:13

Pathian nih Abraham bia a rak kamh ah khan, aa kammi cu ka tuah hrimhrim lai tinak ah khan chiat a rak ser. Cun amah nakin a ngan deuhmi an um lo caah cu chiatsernak ah cun amah min kha a hman i,

HEBRU 6:16

Minung nih chiatsernak an tuah tikah minung nakin a ngan deuhmi min kha an hman i cu chiatsernak nih cun pakhat le pakhat bia an i alnak kha a chah tawn.

1 CHANRELNAK 16:16

Abraham he biakamnak a tuah, Isak sinah chiatser in bia a kam;