GALATI 3:13 - Lai (Hakha) Common Language Bible 2006

¹³ Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

Laibaibal Thiang (BSI)

¹³ Krih cu kan ai awh-in chiatserh a si i nawlbia chiatserhnâk chungin a kan tlanh cang (zeitintiah thingkung cungah thlaimi pauh cu chiatserhmi an si,” tiah ṭial a rak si,)

GALATI 3:13 Խաչաձեւ Հղումներ

1 PETER 2:24

Khrih nih a pum hrimhrim in kan sualnak cu vailam tahnak ah khan a kalpi i cucaah kannih cu sualnak ah khan kan thi cang i dinnak ah kan nung cang. A hma in nan dam cang.

DEUTERONOMI 21:23

a ruak cu thingkung cungah cun zan khuadei in a um lai lo, sihmanhsehlaw cu ni lila ah cun nan phum lai, zeitintiah thlaimi cu Pathian chiatserhmi a si; ro caah Bawipa nan Pathian nih an pekmi hna nan ram cu nan thurhhnawmh lai lo.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

HEBRU 9:15

Pathian kawhmi hna nih Pathian kamhmi zungzal thluachuahnak kha an hmuh khawh nakhnga, biakamnak thar cu Khrih nih khan a ser. Sihmanhsehlaw cu biakamnak cu thihnak a um hnu lawngah a si kho i cu thihnak nih aa tinhmi cu biakamnak hmasa tang i a rak ummi hna nih cu biakamnak tang i an um lio i an rak tuahmi palhnak chung khan luatter kha a si.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.

MATTHAI 26:28

Hihi ka thi a si, biakam fehternak thisen, sual ngaihthiamnak ca i mi tampi ca i thletmi cu a si.

GALATI 4:5

cucu Nawlbia tang i a ummi hna kha luatter awk le kannih kha Pathian fa i canter awk caah a si.

BIAPHUAN 1:5

Jesuh Khrih cu zumh awk a tlakmi tehte, hrin hmasa bikmi Fapa, thihnak in thawhter a simi a si i vawlei cung siangpahrang hna a uktu zong a si fawn. Kannih cu a kan dawt i a thihnak thawngin kan sualnak chung khan a kan chuah i

1JOHAN 4:10

Dawtnak cu, Pathian kan rak dawt hi a si lo, amah nih a kan dawt i kan sual ngaihthiamnak caah a Fapa kan sinah a run thlah hi a si.

1 PETER 3:18

zeicahtiah Khrih hrimhrim zong kha nanmah caah a thi i sualnak ruangah khan voi khat ah za lakin a thi; nannih cu Pathian sin i kalpi awk caah khan, miṭha cu miṭhalo mi hna ruangah a thi. Pum cun thihnak a huat, sihmanhsehlaw thlarau cun a nung i

HEBRU 9:28

Cu bantuk ṭhiamṭhiam in mi tampi sualnak lakpiak awkah Khrih cu voi khat raithawinak ah pek a si. Cun a hung lang ṭhan lai i cu a hung langh ṭhan cu sualnak kongah si ti loin amah a hngakmi hna khamh awkah a si lai.

HEBRU 9:26

cu ti tuah a herh a si ahcun, vawlei ser hramthawk in voi tam tuk a in cang hnga. Amah le amah raithawinak i aa hmannak thawngin sualnak kha a hloh khawh nakhnga chan vialte nih donghnak an phak dengmang caan ah hin voi khat ah za lak in a hung lang.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

GALATI 3:10

Nawlbia zulh aa bochanmi cu chiatserhnak tangah an um. Zeicahtiah Cathiang nih, “Nawlbia cauk chungah aa ṭialmi a dihlak in a zul zungzal lomi cu Pathian nih chiat a serh hna,” a ti.

2 KORIN 5:21

Khrih cu sualnak zeihmanh a ngei lo, sihmanhsehlaw kanmah ruangah Pathian nih kan sualnak kha a hrawmter i cucaah amah he kan i peh ahcun Pathian dinnak kha kan i hrawm ve lai.

LAMKALTU 5:30

Nannih nih Jesuh cu vailamtahnak i nan thah hnuah kan pupa hna Pathian nih thihnak in a thawhter ṭhan.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

ROM 4:25

Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.

EFESA 5:2

Khrih nih a kan dawt i a nunnak kha kan caah a pek bantukin, kannih zong kan nunnak cu dawtnak nih a uk ve awk a si. Khrih nih kan ca i a pekmi a nunnak cu Pathian duhmi raithawinak le pekchanhmi rimhmui cu a si.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

2 SIANGPAHRANG 22:19

hi hmun le hika i a ummi hna cu an ṭiao lai i chiatserhnak an ing lai ti in ka chimmi bia kha na theih tikah na lung cu aa ngaihchih i Bawipa hmaiah toidor in na um ca le na hnipuan na thleh hna i ka hmai i na ṭah caah, kei zong nih na bia cu kan theihpiak ve, tiah Bawipa nih a ti.

ROM 9:3

Anmah ca i a ṭha ding a si ahcun keimah hi Pathian chiatserhnak in i Khrih he i ṭhen hmanh kha ka duh deuh.

2 SAMUEL 18:10

Cun mipa pakhat nih a hmuh i Joab kha a chimh i, “Zohhmanh, Absalom cu kuhthing kung ah aa thlai ko,” tiah a ti.

BIAPHUAN 13:8

Vawlei cung i a ummi vialte hna nih amah cu an biak lai, sihmanhsehlaw vawlei ser hlan in nunnak cauk chung i an min ṭial a simi hna nih cun an bia lai lo, cu nunnak cauk cu thahmi Tuufa ta kha a si.

MATTHAI 27:5

Judas nih tangka cu hmunthiang chungah khan a vun hlonh i a kaltak; cun a chuak i a vaa awk.

DANIEL 9:26

Zarh sawm ruk le zarh hnih a dongh tikah cun chiti thuhmi kha ahohmanh a hmun rolhtu um loin thah a si lai. A hun namtu bawi i a ralkapbu hna nih cun khuapi le Biakinn cu an hrawh hna lai. Donghnak cu tilian bantukin a ra lai i ahohmanh luat khawh lomi raldohnak rawhralnak a si lai.

JEREMIAH 49:13

Bozrah khua cu tuksapur le ṭiaotakmi khua ah a cang lai i mi nih an nihsawh lai i a min cu chiatsernak ah an hman lai. A pawngkam khuate vialte cu zungzal in an rawk lai, tiin keimah nih chiat ka ser cang,” tiah Bawipa nih a ti.

JEREMIAH 44:22

a in khawh ti lo tiangin a lung chungah cun an kai luaimai. Nan tuahnak cu an ṭhalo tuk hringhran i nan tuahmi thil cu fih an nung tuk hringhran. Nan ram cu ṭiaotakmi hmun pakpalawng ah a cang i nihin i a si ko rih bantuk hin tuksapur le nihsawh awk, ahohmanh um lonak hmun a si ko rih.

2 SAMUEL 21:3

Cun David nih Gibeon mi cu a thawh hna i, “Zeidah kan tuahpiak hna lai? Cun nannih nih Bawipa ro kha thluachuah nan pek naklai kei nih zeitindah sual thianhnak kha ka tuah lai?” tiah a ti.

ZEKHARIAH 13:7

Mah hihi ralkapbu Bawipa bia hrimhrim a si: “Maw vainam, ka tuukhal le keimah he rian a ṭuan ṭimi doh awkah i hlau tuah. Tuukhal kha tu law tuu cu i ṭhek hna seh, an fale kha ka kut ka lekhnawh hna lai,” a ti.

ESTHER 9:14

Cucaah mah cucu tuah awkah siangpahrang nih nawlbia a ser i Susa khua chungah cun biakhiahnak a chuah i Haman fapa pahra hna cu an thlai hna.

2 SAMUEL 17:23

Ahithophel nih a ruahnak chuahmi kha an zul lo ti a hmuh tikah, a laa kha a danh i inn leiah a khua ah a tlung. Cun a innchungkhar khuasak ding ning kha a ningcang tein a tuahpiak tak hna i amah le amah cu aa awk; cun a thi i a pa thlan ah khan an vui.

2 SAMUEL 21:9

Gibeon mi kut chungah cun a pek hna i annih nih Bawipa tlang cungah an thlai hna i an pasarih cun hmunkhatte ah an thi. Annih cu barli ṭuan domhka te ah khin an thah hna.