GALATI 3:12 - Lai (Hakha) Common Language Bible 2006

¹² Sihmanhsehlaw Nawlbia le zumhnak cu an kalning aa dang ko; Cathiang nih, “Nawlbia nih tuah awk a si a timi paohpaoh a tuah dihmi cu, cu a tuahnak thawng cun a nung lai,” a ti ve taktak.

Laibaibal Thiang (BSI)

¹² Cuhleiah Nawlbia cu zumhnâk he â tlai lo, “Cubantukin a tuah ahcun, a tuah ningin a nung lai,” ti a si.

GALATI 3:12 Խաչաձեւ Հղումներ

LEVITIKAS 18:5

Cucaah nannih nih ka nawlbia le ka phunglam kha nan ulh hna lai, cu tuahnak thawngin mi nih an nung lai: keimah hi Bawipa cu ka si.

NEHEMIAH 9:29

Cun na phungbia leiah khan merter awkah ralrinnak na pek hna. Sihmanhsehlaw porhlawt ngaiin thil an tuah i na nawlbia kha an ngai lo; na phunglam zulhnak thawngin nunnak a simi na phunglam tu kha an buar hna i an liang kha an i ṭhawnter i an hngawng kha an i rengh i na nawl ngaih kha an duh lo.

ROM 4:14

Zeicahtiah Nawlbia a zulmi lawng kha rocotu cu an si ahcun zumhnak cu pakpalawng a si ko hnga i biakamhmi thil cu pakpalawng men a si ko hnga,

ROM 4:16

Cu biakamnak cu velngeihnak thawng lawnglawng in a si i Abraham tefa vialte hna caah khan a si, Nawlbia a zulmi hna ca lawngah khan si loin Abraham zumh bantukin a zummi hna dihlak caah khan a si ti hngalhnak caah zumhnak cungah khan a hram cu bunh a si.

EZEKIEL 20:11

Khika ah annih cu ka nawlbia kha ka pek hna i ka phunglam kha ka cawnpiak hna, annih nih zul hna seh law nung hna seh tiah.

ROM 11:6

A thim hna cu a zaangfah hna ruangah a si ko, anmah tuahmi ruangah a si lo. Zeicahtiah Pathian nih a thimmi hna cu anmah tuahmi ruangah a si ahcun a zaangfahnak cu zaangfahnak taktak a tling lomi pei a si hnga cu.

MATTHAI 19:17

Jesuh nih cun, “Zeicahdah ‘zei thil ṭha dah,’ timi cu na ka hal? A ṭhami cu pakhat lawng pei a um ko cu. Nunnak chung i luh na duh ahcun nawlbia kha tah na zulh ko hna,” tiah a leh.

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

ROM 7:10

Cun nunnak chuahpitu ding i ruahmi nawlbia cu ka caah thihnak chuahpitu lehlam a si.