GALATI 1:21 - Lai (Hakha) Common Language Bible 2006

²¹ Cu hnuah cun Siria ram le Silisia ram ah khan ka kal.

Laibaibal Thiang (BSI)

²¹ Cu hnu ah Siria le Silisia ramah ka kal ṭhân.

GALATI 1:21 Խաչաձեւ Հղումներ

LAMKALTU 15:41

Siria le Silisia ram kha an ṭol hna i khrihfabu kha an thazang an fehter hna.

LAMKALTU 9:30

Hi kong kha zultu unau rual hna nih khan an theih tikah Saul kha Sisaria khua ah an kalpi i Tarsas khua ah khan an kalter.

LAMKALTU 6:9

Sihmanhsehlaw mi cheukhat nih amah cu an al; cu hna cu Sal Luat hna pumhnak inn tiah timi i aa pum tawnmi kha an si i cu hna lakah cun Sairin le Alekzandria in a rami Judah mi kha an i tel. Cu hna le Silisia le Asia in a rami Judah mi hna nih khan Steven cu bia an hun al.

LAMKALTU 15:23

A tanglei ca hi an kut cun an kuat hna: “Kannih, lamkaltu hna le upa hna, nan unau hna nih, Antiok, Siria le Silisia i a ummi unau vialte, chuahkehnak lei in Jentail mi a simi nan kut kan in tlaih hna.

LAMKALTU 13:1

Antiok khua khrihfabu chungah khan profet hna le cawnpiaktu saya hna tlawmpal an um, cu hna cu Barnabas, Simeon (Simeon cu Pa Nak ti zongah an ti), Sairin mi Lusias, Mangki bawi Herod khukṭhi Manaen le Saul kha an si.

LAMKALTU 23:34

Mangki bawi nih cun ca kha a rel i Paul cu khuazei peng mi dah na si, tiah a hal. Silisia peng mi a si kha a hngalh tikah,

LAMKALTU 22:3

“Kei cu Judah mi, Silisia ram Tarsas khua i a chuakmi ka si, sihmanhsehlaw ka ca cawnnak cu hika Jerusalem khua ah hin Gamaliel kut tangah khan a si. Kan pupa hna Phungbia kha fel tein cawnpiak ka rak si i nihin i nanmah vialte tlukte hin Pathian leiah aa pumpemi ka rak si.

LAMKALTU 21:39

Paul nih cun, “Kei cu Judah mi, Silisia ram Tarsas khua i a chuakmi ka si; khuapi minthang fapa pei ka si ve tiah. Zaangfahnak tein mizapi sinah hin bia ka chimter ko,” tiah a leh.

LAMKALTU 21:3

Saipras tikulh a langhnak tiang kan va phan i cuka cun thlanglei ah kan vung kal i Siria ah kan lan. Tair khua ah tikam ah kan ṭum i cuka ah cun lawng nih a thil phorhmi kha a ṭhumh.

LAMKALTU 18:18

Paul cu Korinth khua ah khan ni tam nawn a um hnuah a kaltak hna i Prisilla le Akuila he khan Siria leiah lawng in an kal. Lawng i an kal hlanah cun Kenkhria khua ah biakamnak a tuah i a lu kha aa met.

MATTHAI 4:24

Amah thawng cu Siria ram zongah khan a thang dih i zawtnak a phunphun in a zawmi vialte hna le harnak a phunphun a ingmi hna kha amah sinah cun an ratpi hna: khuavang nih a tuahmi hna le mitlu a simi hna le a zengmi hna kha a damter dih hna.