FILIPI 3:12 - Lai (Hakha) Common Language Bible 2006

¹² Hi thil ah hin ka tlam a tling cang ti a si lo i ka tling cang ti zong a si fawn lo. Sihmanhsehlaw a ka ngeitu cu Khrih kha a si cang caah cu thil cu ka ta a si khawh nakhnga kaa zuam lengmang.

Laibaibal Thiang (BSI)

¹² Tlâm ka tling cang ka ti lo i co awk ka co dihcang zong ka ti lo. Asinain Krih nih aka tlaihchan hi ka tlai kho ve hnga maw tiin a dawiin ka dawi.

FILIPI 3:12 Խաչաձեւ Հղումներ

SALM 138:8

Na ka kamhmi thil vialte kha tlinter ko hna, Bawipa, na dawtnak cu zungzal in a fek ko; na thawk ciami rian cu liim ko.

HOSEA 6:3

Bawipa hngalh cu i zuam u sih, Khua a dei hrimhrim lai bantukin, kan sinah a ra hrimhrim lai; Vawlei a hnawntertu ding ṭhal ruah a sur hrimhrim lai bantukin kan sinah a ra hrimhrim lai.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

ISAIAH 51:1

Bawipa nih aa thawh i, “Khamhnak hmuh a duhmi hna, ka bia ngai tuah u, bawmhnak hmuh a duh i ka sin i a rami hna, ngai tuah u. Nannih nan chuahnak lungpi kha ruat hmanh u, nannih an in cawh hnanak lungkhor kha ruat hmanh u.

HEBRU 13:21

Cun Jesuh thihnak in a thawhtertu daihnak Pathian nih cun amah duhnak nan tuah khawhnak dingah a herhmi thil vialte cu in pe hna seh law Jesuh Khrih thawngin kan chungah a duhmi paoh cu tuah ko seh. Cun Khrih cungah zungzal in zungzal tiang sunparnak cu um ko seh. Amen.

EFESA 1:4

Vawlei a ser hlan in Pathian nih kannih cu Khrih chung i amah ta si dingin a kan thim cang, cucaah a hmaiah a thiangmi le soi awk um lomi kan si awk a si.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.

JEIM 3:2

Kan dihlak hin palhnak kan tuah cio tawn. A biachim ah palhnak a tuah lomi cu mitling a si i a pum aa uk khomi a si.

HEBRU 12:14

Midang he rem i zuam u law nunnak thiang in nun i zuam u, zeicahtiah nunnak thiang ngeih loin ahohmanh nih Pathian cu an hmu kho lai lo.

GALATI 5:17

Zeicahtiah kan minung sining nih a duhmi cu Thlarau nih a duhmi he khan aa ralchanh i Thlarau nih a duhmi cu kan minung sining nih a duhmi he khan aa ralchan. Annih pahnih cu ral an si, cu a sullam cu, tuah na duhmi kha na tuah kho lo, tinak a si.

JOB 17:9

Hmaizah awk tlak ka si, aa timi hna nih cun, Kanmah hi kan hmaan, tiah an i ruat chin lengmang ko.

1 PETER 5:10

Sihmanhsehlaw caan tlawmpal nan in hnuah cun, velngeihnak in a khatmi Pathian, Khrih he nan i pehtlaihnak thawngin zungzal a hmunmi a sunparnak i hrawm dingin aan kotu hna nih cun tlinnak an pek hna lai i fehnak le thazang le a fekmi hram bunhnak an pek hna lai.

2 THESALON 2:13

U le nau hna, nanmah an dawtu hna Pathian kha zungzal in lawm ko u sih. Zeicahtiah nannih cu Pathian nih Thlarau ṭhawnnak thawngin Pathian mi ah an canter hna thawng le biatak nan zumhnak thawng khan, khamhnak hmuh awkah a rak in thim hna.

EFESA 4:12

Khrih pum kha ṭhanter awkah Pathian mi vialte cu hi bantukin Khrihfa rianṭuan awkah a timh hna.

2 KORIN 13:9

Kannih der hmanh u si law nannih nan ṭhawn ah khan kan i lawm. Cucaah mitling nan si khawh nakhnga nan caah kannih zong nih thla kan cam.

1 KORIN 13:10

a cheuchum lawnglawng a simi cu a tlingmi a phak tikah cun an loh phung a si ko.

PHUNGTHLÛKBIA 4:18

Sihmanhsehlaw miding mi hna lam cu zingka ceunak, chun laicer tiangin a ceu chin lengmangmi bantuk a si.

SALM 119:5

Na kan pekmi phunglam cu zumhawktlak tein zul kho ning law zeitluk in dik ka va lunghmuih hnga!

SALM 84:2

Cuka i um cu ka duh hringhran! Bawipa biakinn chung tual cu ka ngai hna. A nungmi Pathian cu ka nunnak dihlak in hla in ka thangṭhat.

SALM 63:8

Nangmah kha kan tlaihchan i na kut nih him tein an ka umter.

1THESALON 5:15

Ṭhat lonak kha ahohmanh nih ṭhat lonak in lehrul hlah u, sihmanhsehlaw pakhat le pakhat cungah siseh, mi vialte cungah siseh, ṭhatnak tuah tu kha i tinh u.

1TIMOTE 6:19

Cu bantukin an tuahmi cu hmailei an hram fehnak ding ca i ro an i khon a si. Cun nunnak taktak a simi nunnak cu an hmuh khawh lai.

LAMKALTU 9:15

Sihmanhsehlaw Bawipa nih cun a leh i, “Va kal ko, zeicahtiah amah cu keimah rian ṭuantu dingah, Jentail mi hna le siangpahrang hna le Israel mi hna sinah ka min hngalhter awkah ka thim cang.

1TIMOTE 5:10

rian ṭha ṭuannak leiah min ṭhami a si lai: amah cu a fale ṭha tein a cawmkengmi, khualtlung a dawmi, Pathian mi an ke a ṭawlpiakmi, harnak a tongmi hna a bawm tawnmi le thil ṭha tuahnak ah aa hmangmi a si lai.

SALM 94:15

Biaceihnak hmun ah dinnak kha a um ṭhan lai i miding paohpaoh nih an zulh lai.

HEBRU 12:23

Pathian fapa upa bikbik, vancung ah an min aa ṭial cangmi hna lunglawm in an i pumhnak kha nan phan cang. Mi vialte biaceihtu a simi Pathian le mitling i sermi hna miding mi thlarau hna sin kha nan phan cang.

SALM 42:1

Sazuk nih rial tidai a ngaih bantukin Maw Pathian nangmah cu kan ngai.

MATTHAI 5:48

Vancung khua i a ummi nan Pa a tlin bantukin nannih zong nan tlin awk a si.

ROM 8:39

cunglei vawlei nih siseh, tanglei vawlei nih hin siseh, an kan ṭhen kho lai lo — kan Bawipa Khrih Jesuh thawngin kan ta a simi Pathian dawtnak he a kan ṭhen khotu ding cu sermi thil dihlak ah hin zeihmanh a um lo.

1 KORIN 9:24

Tlik zuamnak ah an dihlak in tlik cu an i zuam nain laksawng a hmumi cu pakhat lawng a si ti kha nan hngalh. Cucaah laksawng hmu ding tein tli u.

1 KORIN 13:12

Atu i kan hmuhmi hi cu, thlalang fiang lo chung i kan mui maw chialchual in kan hmuhmi bantuk khi a si, sihmanhsehlaw cu tikah cun hmaitonh tein kan hmuh lai. Atu i ka hngalhmi hi cu a cheuchum lawnglawng a si, sihmanhsehlaw cu tikah cun Pathian nih a ka hngalhnak a tlin bantukin ka hngalhnak zong a tling ve lai.

FILIPI 1:1

Khrih Jesuh sal Paul le Timote nih, Filipi khua i a ummi Pathian mi nan dihlak, Khrih Jesuh a zummi hna cu, nan pastor hna le Khrihfa upa hna he, ca kan in kuat hna.

FILIPI 3:3

Cuarpartan taktakmi cu anmah kha si loin, kanmah hi pei kan si cu; Pathian Thlarau thawngin Pathian a bia i Khrih Jesuh he aa pehtlaimi nunnak ah aa lawm i lenglei phunglam aa bochan lomi hi pei kan si cu.

FILIPI 3:8

Cu lawng cu an si lo, a dang vialte zong kha sungh cikcek ah ka rel hna, cu thil hna nakin a sung deuh tukmi ka Bawipa Khrih Jesuh hngalhnak ruangah cun sungh cikcek ah ka rel hna. Khrih cu ka co khawh nakhnga le amah he cun kan i pehtlaih khawh nakhnga, Amah ruangah cun zeizong vialte hi ka hlonh dih hna, an dihlak in hnawmtam ah ka rel hna.