FILEMON 1:12 - Lai (Hakha) Common Language Bible 2006

¹² Amah cu na sinah ka rak in kuat ṭhan i hi kan kuat ah hin ka lung kha kan kuat chih.

Laibaibal Thiang (BSI)

¹² Amah cu ka rak thlah ṭhân. Cucaah amah cu rak cohlang ko, ti hi lungthin taktak in kan nawl,

FILEMON 1:12 Խաչաձեւ Հղումներ

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

LUKA 15:20

Cucaah a tho i a pa sinlei kir ah cun aa thawh. “Lamhlatpi i a rat lio kha a pa nih cun a rak hmuh; a zaang a fak ngaingai i a hei tlikhnawh i a kuh i a hnamh.

MARKA 11:25

Cun thlacam in nan dir tikah, an cung i thinhunnak nan ngeihmi paoh kha, ngaithiam hna u, vancung nan Pa zong nih nan sualnak kha an ngaihthiam khawh ve hna nakhnga,” tiah a ti.

JEREMIAH 31:20

“Efraim, nangmah cu ka dawt bikmi fa na si. Na min ka chim fate, nangmah kha dawtnak in kan ruat tawn. Nangmah cu ka lung nih an ngai i na cungah zaangfahnak ka ngei lai,” tiah Bawipa nih a ti.

2 SAMUEL 16:11

Cun David nih Abishai le a sinum vialte cu, “Zohhmanh u, keimah ka fapa hrimhrim nih ka nunnak kha a ka kawl; cucaah hi Benjamin mi nih hin cun zeitluk tam in dah a ka kawl chinchin lai! Zei ti hmanh in ti hlah u, chiat cu ka serh ko seh; zeitintiah Bawipa nih pei a fial lai tiah.

DEUTERONOMI 13:6

“Na unaupa, na nu fapa siseh, na fapa siseh, na fanu siseh, na pom liomi na nupi siseh, na nunnak tluk a simi na hawi siseh, ahohmanh nih a thli tein an lem i, ‘Kal u sih law, pathian dang kha bia hna u sih,’ an ti ahcun nangmah nih siseh na pupa hna nih siseh, nan hngalh lomi pathian hna,

FILEMON 1:11

Hlanah cun na caah santlaihnak zeihmanh a rak ngei taktak lo, sihmanhsehlaw atu cu nangmah ca he keimah ca he santlaimi a si cang.

FILEMON 1:13

Thawngṭha ruang i thong chung i ka um lioah hin, nangmah can i a ka bawmtu dingah amah hi ka sinah um seh ti cu ka duh ko.