EZRA 9:8 - Lai (Hakha) Common Language Bible 2006

⁸ Sihmanhsehlaw atu cu caan tawite chung kha Bawipa kan Pathian nih zaangfahnak kan cungah a langhter, kannih cu Pathian nih kan mit kha a ceuter i kan saltannak chungah khan nun ṭhannak tlawmte a kan pek nakhnga, a tangmi a kan nganhpiak i a hmunthiang chungah a himmi hmun a kan pek.

EZRA 9:8 Խաչաձեւ Հղումներ

SALM 13:3

Maw Bawipa ka Pathian, ka zoh law ka let tuah. ka thih nakhnga lo, ka thazang kha ka pe ṭhan tuah.

HOSEA 6:2

Amah hmaiah kan um khawh nakhnga Ni hnih hnuah cun a kan nunter ṭhan lai i A ni thum ni ah hmasa kan sining ah khan a kan chiah ṭhan lai.

HABAKKUK 3:2

Maw Bawipa, na thil tuahmi kha ka rak theih hna; Maw Bawipa, na rianṭuanmi kha ka rak hmuh. Hi kum vialte hna chungah hin nangmah cu naa langhter i Na thinhunnak chung zongah zaangfahnak kha na philh lo.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

SALM 85:6

Thazang thar kan pe law, na mi nih kan in thangṭhat lai.

BIAPHUAN 3:12

Teitu a simi cu ka Pathian biaknak inn chungah khan tungpi ah ka ser lai i cu biakinn cu zeitikhmanh ah a chuahtak lai lo. Amah cungah cun ka Pathian min kha ka ṭial lai i ka Pathian khualipi, a min Jerusalem thar a simi zong kha a cungah cun ka ṭial lai. Cu khualipi cu ka Pathian sinin vancung khin a rung ṭum lai. Cun a cungah cun ka min thar zong ka ṭial fawn lai.

ROM 9:27

Cun Isaiah nih Israel kong ah, “Israel mi cu rili kam thetse zat in tam hmanh hna seh law tlawmte lawnglawng khamh an si lai,

ZEKHARIAH 10:4

Annih cu innkil lung le thlam hrennak khenhfial an si lai, Annih cu raltuk awk i timh cia in a ummi likuk an si lai, Haotu paohpaoh cu anmah chungin a chuakmi an si lai.

ZEKHARIAH 8:12

Hnangam tein thlaici kha an thlak cang lai; mitsur ruang nih a thei kha a tlai lai i vawlei nih theipar a chuahter lai, van nih dap cu an surter lai; hi thil vialte hi hi miphun chungin a tangmi hna cu ka pek hna lai.

ZEKHARIAH 8:6

Mah hihi ralkapbu Bawipa bia cu a si: “Hi miphun chungin a tangmi hna caah, cucu cu ni ah cun a si kho lomi thil lo hmanh seh law, ka caah tah a si kho lomi thil a lo ve hnga maw?” ti hi ralkapbu Bawipa bia hrimhrim a si.

EZEKIEL 14:22

Tlawmpal cu a chungah nganh an si lai, a tangmi tlawmpal cu fapa si hna seh fanu si hna seh, chuahpi an si lai. Nangmah sin i an ra chuah ah khan rak zoh hna hmanh, zeitindah an umtuning a si i zeidah an tuahmi a si kha rak zoh hmanh. Jerusalem cung i harnak ka tluntermi vialte le a cung i sifahnak ka tluntermi vialte kongah hin mah nih hin tlawmpal cu na lung an daihter lai.

JEREMIAH 44:14

Judah ram i a tangmi hna nih khan Judah ram ah kan kir ṭhan te lai i khika ah kan um ṭhan te lai ti ruahchannak in Izipt ram i um hmun khuar awkah an ra; sihmanhsehlaw an kir ṭhan ti lai lo, pakhat hmanh an nung lai lo, pakhat hmanh an luat lai lo.

JEREMIAH 42:2

profet Jeremiah cu an thawh i, “Zaangfah kan in halnak hi kan cohlanpiak ko: Kanmah aiawh in le hi a tangmi hna aiawh hin Bawipa na Pathian sinah thlacam tuah; zeicahtiah nangmah nih na kan hmuh bangin mi tampi chung khan a tangmi cu tlawmte lawng kan si.

ISAIAH 56:5

nan min cu ka Biakinn chungah le ka mi hna lakah, fapa fanu nan ngeih i nan min cinken a si nak hmanh khin, sau deuh cinken a si lai. Zeitikhmanh ah kan philh hna lai lo,” a ti.

ISAIAH 1:9

Ralkapbu Bawipa nih mi kha tlawmte tanter hna hlah seh law, Jerusalem cu a rawk dih cikcek taktak cang hnga, Sodom le Gomorrah an rawh dih cikcek bantuk khan a rawk dih cikcek ve cang hnga.

PHUNGCHIMTU 12:11

Mifim mi hna bia cu tuukhal nih tuu khalhnak caah an hmanmi fung zum bantuk an si, kan dihlak in a kan zohkhenhtu Tuukhal a simi Pathian nih khan annih cu a pek hna.

SALM 138:7

Harnak nih a kulh in a ka kulh hmanh ah, him tein na ka umter ko, a thin a linh in a linmi ka ral kha na doh hna i na ṭhawnnak in na ka khamh.

SALM 34:5

Hremnak a ingmi nih amah cu an zoh, zeitikhmanh ah a deuh hna lai lo.

JOB 33:30

Nunnak ceunak tling cu hmuh awkah Khor chungin a chuah ṭhan tawn hna,” tiah a ti.

NEHEMIAH 9:31

Sihmanhsehlaw nangmah cu vel a ngei i zaangfah a thiammi Pathian na si caah le na vel ngeihnak cu a ngan caah an donghnak kha na phakter hna lo i na hlaw hna lo.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

EZRA 9:9

Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh ṭhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun ṭhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

1 SAMUEL 14:29

Cun Jonathan nih aa thawh i, “Ka pa nih ram hi harnak a pek ko hih. Khuaihliti tlawmpalte ka teh caah ka mit au a fian ṭhan hi zoh tuah ngat u.

1 SAMUEL 14:27

Sihmanhsehlaw Jonathan nih a pa nih mi kha chiatserhnak in bia a beuh hna ti kha a thei lo; cucaah a kut in aa putmi fung par cun khuai thlar cu a sawh i a kut in aa tuh i a mit a hung fiang ṭhan.

PHUNGTHLÛKBIA 29:13

Misifak le anmah a hremtu hna nih khan aa khat in an ngeihmi cu hihi a si: Bawipa nih an pahnih in mit a pek veve hna.

ISAIAH 14:3

Bawipa nih Israel mi cu fahnak le temhnak an inmi chung le an duh na lo i an hnekmi hna rian chung khan dinhnak a pek hna lai.

SALM 13:4

Cu ti na ka tuah ahcun ka ral nih, “Amah cu kan tei cang,” an ti kho lai lo i ka sunghnak ah khan an di a riam kho lai lo.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

ZEFANIAH 3:12

Cuka ah cun nunnem le toidormi kha ka umter hna lai i Bawipa min ah cun himnak an kawl lai i ka sinah bawmhnak hal awkah a ra duhmi an si lai.