EZRA 9:2 - Lai (Hakha) Common Language Bible 2006

² An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

EZRA 9:2 Խաչաձեւ Հղումներ

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

EXODUS 34:16

An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

EZRA 10:2

Cun Elam fapa hna chung i Jehiel i a fapa Shekaniah nih khan Ezra cu a chawnh i: “Kannih nih kan Pathian cungah zumhawktlak loin kan um i hi ram mi hna chung hin ramdang nu kha nupi ah kan i ṭhit hna, sihmanhsehlaw atu hmanh ah hin hitihin thil a si ko nain ruahchannak a um ko rih.

1 KORIN 7:14

Zeicahtiah a zummi a si lomipa cu a nupi he an i pehtlaihnak thawng khan Pathian cohlan awk tlak ah a cang i zumtu a si lomi nu cu a va Khrihfa a simi he an i pehtlaihnak thawngin Pathian cohlan awk tlak ah a cang. Hitihin rak si hlah seh law an fale cu lawkih fale bantuk an rak si hnga; asinain atu cu Pathian cohlan awk tlakmi an si.

MALAKHI 2:15

Pathian nih nangmah cu amah he pum khat le thlarau khat in an ser lo maw? Cu bantukin a tuahmi ah cun aa tinhmi zeidah a si? Aa tinhmi cu Pathian a ṭihzahmi fale ngeih kha a si. Cucaah ahohmanh nih nan nupile kha zumhawktlak loin nan umtak hna lai lo.

MALAKHI 2:11

Judah cu zumhawktlak lo a si ko, Israel ram chung le Jerusalem khua chungah mi nih fihnung a simi thil kha an tuah hna; Judah nih ramdang pathian fanu kha a duh hna i a ṭhit hna ruangah Bawipa thiannak kha a buar cang.

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

EXODUS 22:31

“Nannih cu keimah sin i pekchanhmi nan si lai caah ramlak ah sa nih a sehmi sa kha nan ei lai lo, uico kha nan pek hna lai.

EXODUS 19:6

Nannih cu tlangbawi bantukin ka rian a ṭuanmi miphun nan si lai i keimah sin i pekchanhmi nan si lai,’ a ti, tiah chim hna. Cucu Israel mi cu na chimh hrimhrim hna lai,” a ti.

2 KORIN 6:14

A zum lomi hna he i fon cetcut tuk in rian ṭuan ṭi hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um ṭi khawh lai?

GENESIS 6:2

Cu fanu hna an i dawh cu pathian fapa hna nih khan an hmuh hna i cucaah an duhmi kha an i thim hna i an ṭhit hna.

ISAIAH 6:13

Ram chungah hin mi pahra an taan hmanh ah cu hna zong cu thah an si ṭhiamṭhiam lai; annih cu mi nih an haumi kuhthing chumhmui bantuk an si lai,” a ti. (Cu thing chumhmui cu Pathian miphun a thar in an i thawk ṭhannak ding hmelchunhnak a si.)

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

NEHEMIAH 13:17

Khi tikah Judah ram tuavon pawl kha ka caak hna i, “Hi thil ṭhalo nan tuah i sabbath ni nan buar hi zeidah a si?

JOSHUA 23:12

Nan i mer i hika ah nannih lakah a tang rihmi miphun hna hi nan fonh hna i nan ṭhit nan lak hna i an nu hna kha nan ṭhit hna i annih nih an in ṭhit ve hna ahcun,

EZRA 9:12

Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan ṭhawng lai i ram chung thil ṭha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,’ tiah na timi kha kan hlawt hna.

EZRA 9:14

na nawlbia hna kha buar ṭhan in hi thil fihnung a tuahmi hna he hin kan i ṭhi-um ko rih lai maw? A tangmi siseh, a luatmi siseh, kan um lo tiangin kannih kha hrawh dih awkah kan cungah na thin a hung lai lo maw?

LEVITIKAS 21:15

a fale kha a mi hna lakah a thurhhnawmhter hna lai lo; zeitintiah keimah cu Bawipa ka si, keimah nih ka thianter.”

JOSHUA 22:15

Cun Gilead ram i Reuben mi hna le Gad mi hna le Manasseh phun cheu hna sinah khan an ra i annih cu,

1 SIANGPAHRANG 11:1

Siangpahrang Solomon nih cun miphun dang minu tampi a duh hna: Faro fanu tehna, Moab mi tehna, Ammon mi tehna, Edom mi tehna, Sidon mi tehna, Hit mi tehna kha a duh hna;