EZRA 9:11 - Lai (Hakha) Common Language Bible 2006

¹¹ na sal profet hna sinin na kan pek i, ‘Va co awkah nan va luhhnawh laimi ram cu, cu ram i a ummi hna thian lonak thawngin a thurhnawm i khattelei kam in khattelei kam tiang an fihnunnak le an thian lonak in a khatmi ram a si.

EZRA 9:11 Խաչաձեւ Հղումներ

EZRA 6:21

Israel mi saltannak in a kirmi hna le Bawipa, Israel Pathian biak awkah anmah sinah khan aa fon i cu ram mi hna thurhnawmhnak in aa thleidangmi vialte hna zong nih an ei ve.

2 KORIN 7:1

Ka dawtmi ka hawile hna, hi biakamnak vialte hi kanmah pei pek kan si cu. Cucaah pum siseh, thlarau siseh, a thurhnawmhtertu paohpaoh kha i thianh u sih law Pathian ṭih bu tein um u sih.

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

2 CHANRELNAK 33:2

Bawipa nih Israel mi hna hmai in a dawimi hna miphun hna phunglam fihnungmi ning khan Bawipa mithmuh ah ṭhat lonak a tuah.

DEUTERONOMI 18:12

Zeicahtiah hi thil a tuahmi hna cu Bawipa caah fihnung an si i, hi fihnung tuahnak ruangah hin Bawipa nan Pathian nih nan hmai in a dawi dih hna lai.

DEUTERONOMI 12:31

Cu bantuk cun Bawipa nan Pathian cungah nan tuah lai lo; zeitintiah Bawipa nih a huatmi thil fihnung vialte cu an pathian hna cungah khan an tuah; zeitintiah an fapale hna le an fanule hna hmanh kha an pathian hna biaknak caah mei chungah an khangh hna.

2 SIANGPAHRANG 21:16

Cu hleiah Manasseh nih Judah mi kha a sualter hna caah Bawipa mithmuh i ṭhat lonak kha an tuah i, kha a sualternak hna a sualnak hleiah khan, a sual lomi thisen tampi a chuah fawn, Jerusalem cu khattelei deng in khattelei deng tiang a khat.

EZRA 9:10

“Maw kan Pathian, atu cu mah hnuah hin zeidah kan chim ti lai? Zeicahtiah na nawlbia,

JEREMIAH 26:5

nan sinah ka thlahmi ka profet hna bia kha zei ah nan rel lo ahcun, zei ah nan rel bal hna lo va si kaw,