EZRA 8:18 - Lai (Hakha) Common Language Bible 2006

¹⁸ Cun kan cung i a ummi kan Pathian kut velngeihnak thawngin, Israel fapa Levi fapa Mahli fapa hna chungin mifim ngaingai a simi Sherebiah le a fapa hna le a rualchan hna, hleiriat kha ka sinah an ratpi hna;

EZRA 8:18 Խաչաձեւ Հղումներ

JEREMIAH 3:15

Cun ka lung a ka tongmi tuukhal kan pek hna lai i Fimnak le hngalhthiamnak in an in cawm hna lai.

NEHEMIAH 2:8

cun biakinn kulhnak kutka ca kaan le khua kulhnak vampang caah le keimah umnak ding inn caah thing a ka pek nakhnga, siangpahrang tupi uktu Asaf cu va pek awkah ca pakhat in ka pe fawn,” tiah ka ti. Cun ka Pathian velngeihnak cu ka sinah a um caah ka halmi cu siangpahrang nih a ka pek.

EZRA 7:28

amah nih siangpahrang le a ruahnak petu hna hmai le siangpahrang bawi a ṭhawngmi vialte hna hmaiah khan a fekmi a dawtnak cu ka cungah a chuan. Bawipa, ka Pathian kut cu ka cungah a um caah ka ral a ṭha i Israel mi hna lakin keimah sin i kal awkah hruitu deuhdeuh kha ka thim hna,” a ti.

DANIEL 1:20

Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.

EZRA 8:22

Cun kannih nih, “Kan Pathian kut cu amah a kawltu hna cung paoh ah cun ṭhatnak caah a um i amah a hlawtu hna paoh cu a thinhunnak ṭhawnnak kha a chuahhnawh hna,” tiin siangpahrang kha kan rak chimh cang caah, kan lam i kan ral hna sinin a kan vengtu dingah ralkap bu khat le rangcung ralkap kha siangpahrang cu hal awkah ka ning a zak.

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

1 CHANRELNAK 6:19

Merari fapa hna: Mahli le Mushi. Mah hna hi Levi mi innchungkhar hna, an pupa hna ning cio ah an si.

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

PHUNGTHLÛKBIA 24:3

Fimnak nih inn cu a sak, hngalhthiamnak nih a fehter;

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

NEHEMIAH 12:24

Pathian mi David nawl peknak ning khan, phu khat le phu khat nih aa chaang lengmang in thangṭhatnak le lawmhnak pek awk ah; an unau hna he hmaitonh in a ummi Levi mi upa bikbik hna cu Hashabiah, Sherebiah le Kadmiel fapa Jeshua an si.

NEHEMIAH 10:12

Zakkur, Sherebiah, Shebaniah,

NEHEMIAH 8:7

Cun mi zapi cu an umnak hmun i an um lio cio ah khan Levi mi Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, Pelaiah, hna zong nih khan mi zapi cu phungbia kha an hngalh nakhnga an bawmh hna.

EZRA 8:24

Cun tlangbawi upa bikbik hleihnih, Sherebiah, Hashabiah le an unau hna pahra kha a dang tein ka chiah hna.

EZRA 8:16

Cun mi hruitu Eliezer, Ariel, Shemaiah, Elnathan, Jarib, Elnathan, Nathan, Zekhariah, le Meshullam le mifim Joiarib le Elnathan kha ka cah hna i

NAMBAR 3:20

Cun Merari fapa hna cu an chung cio ningin: Mahli le Mushi. Mah hna hi Levi chungkhar hna cu an si, an phun ning cio ah.

2 CHANRELNAK 30:22

Cun Bawipa rian ṭuannak i thiamnak ṭha a langhtertu Levi mi kha Hezekiah nih a forh chin hna. Cucaah cu puai rawl cu mi zapi nih khan ni sarih an ei i Bawipa an pupa hna Pathian sinah khan daihnak thawinak an pekchanh i lawmhnak kha an pek.

EZRA 8:19

Hashabiah zong Merari fapa hna chung i Jeshaiah le a rualchan hna le a fapa hna, pakul hna he tiah an ratpi;

1 CHANRELNAK 6:1

Levi fapa hna: Gershom, Kohath, le Merari.

1 CHANRELNAK 6:4

Eleazar cu Phinehas pa a si, Phinehas cu Abishua pa a si,

EZRA 7:9

thla khatnak thla a ni khatnak ni ah Babilonia in aa thawh i thla nganak thla a ni khatnak ni ah Jerusalem cu a phan, zeicahtiah a Pathian kut velngeihnak cu a cungah khan a um.