EZRA 7:6 - Lai (Hakha) Common Language Bible 2006

⁶ hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

EZRA 7:6 Խաչաձեւ Հղումներ

EZRA 8:22

Cun kannih nih, “Kan Pathian kut cu amah a kawltu hna cung paoh ah cun ṭhatnak caah a um i amah a hlawtu hna paoh cu a thinhunnak ṭhawnnak kha a chuahhnawh hna,” tiin siangpahrang kha kan rak chimh cang caah, kan lam i kan ral hna sinin a kan vengtu dingah ralkap bu khat le rangcung ralkap kha siangpahrang cu hal awkah ka ning a zak.

EZRA 7:28

amah nih siangpahrang le a ruahnak petu hna hmai le siangpahrang bawi a ṭhawngmi vialte hna hmaiah khan a fekmi a dawtnak cu ka cungah a chuan. Bawipa, ka Pathian kut cu ka cungah a um caah ka ral a ṭha i Israel mi hna lakin keimah sin i kal awkah hruitu deuhdeuh kha ka thim hna,” a ti.

EZRA 8:31

Cun kannih cu Jerusalem i kal awkah cun thla khatnak thla a ni hleihnih ni ah cun Ahava tiva cun kan i thawh; kan Pathian kut cu kan cungah a um i kan ral hna kut chung le lam i lamhruang a rak kan ahtu hna kut chungin a kan khamh.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

NEHEMIAH 2:18

Cun ka Pathian kut ka cung i ṭhatnak caah a ummi le siangpahrang nih ka sinah a chimmi bia hna kha annih cu ka chimh hna. Cun annih nih an i thawh i, “Tho u si law sa u sih,” an ti. Cuticun rian ṭha ṭuan awk caah cun an kut cu an i ṭhawnter.

NEHEMIAH 2:8

cun biakinn kulhnak kutka ca kaan le khua kulhnak vampang caah le keimah umnak ding inn caah thing a ka pek nakhnga, siangpahrang tupi uktu Asaf cu va pek awkah ca pakhat in ka pe fawn,” tiah ka ti. Cun ka Pathian velngeihnak cu ka sinah a um caah ka halmi cu siangpahrang nih a ka pek.

EZRA 8:18

Cun kan cung i a ummi kan Pathian kut velngeihnak thawngin, Israel fapa Levi fapa Mahli fapa hna chungin mifim ngaingai a simi Sherebiah le a fapa hna le a rualchan hna, hleiriat kha ka sinah an ratpi hna;

EZRA 7:21

“Cun keimah Artazaksis siangpahrang nih Tiva Ral ram i a ummi tangka kengtu vialte hna sinah nawlbia ka chuah cang i: Vancung Pathian phungbia cazi tlangbawi Ezra nih an halmi hna paoh cu,

EZRA 7:9

thla khatnak thla a ni khatnak ni ah Babilonia in aa thawh i thla nganak thla a ni khatnak ni ah Jerusalem cu a phan, zeicahtiah a Pathian kut velngeihnak cu a cungah khan a um.

PHUNGTHLÛKBIA 3:6

Na kalnak lam kip ah amah kha hngal law Amah nih na lam kha a tluanter hna lai.

DEUTERONOMI 28:1

“Bawipa nan Pathian aw kha nan ngaih i nihin ah kan pekmi hna nawlbia vialte cu ṭha tein nan tuah ahcun, vawleicung miphun vialte hna cungpi ah khin Bawipa nan Pathian nih an chiah hna lai.

DEUTERONOMI 4:5

Zohhmanh, nannih nih co awk i nan luhhnawhmi ram ah nan tuah hna nakhnga, Bawipa ka Pathian nih nawl a ka pek bangin nawlbia le phunglam hna cu kan cawnpiak cang hna.

1 KORIN 15:1

Atu cu ka u le ka nau hna, nannih kan chimhmi hna Thawngṭha kha hngalhter ṭhan kan duh hna; cucu nannih nih nan rak cohlan cangmi Thawngṭha, nan zumhnak nan bunhnak Thawngṭha kha a si i cu nih cun khamhnak kha an pek hna.

1 KORIN 1:20

Cucaah cu nih cun nan mifim hna cu khuazei ah dah a chiah hna? Nan cathiam hna zong cu tah? Vawlei fimnak in bia al a thiammi hna kha tah? Vawlei fimnak hi cu hruhnak a si ti kha Pathian nih a langhter.

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

ISAIAH 59:1

Bawipa cu nanmah khamh awkah a kut a tawi lo, bawmhnak nan halmi theihnak caah a hna a chet lo.

ISAIAH 50:2

Ka mi hna cu anmah khamh awk i ka hei fuh hna tikah khan, zeicahdah an ka leh duh lo? Ka auh hna tikah khan, zeicahdah an ka chawnh duh lo? Anmah khamhtu dingah ka der tuk maw? Ka bia in rili kha ka kaoter khawh i tiva kha thetse ram ah ka canter khawh hna; an chung i a ummi nga kha ti an hmuh lo caah an thi.

SALM 45:1

Hi hla siangpahrang ka phuah ah hin, ka lungthin cu holh dawh in a khat; ka lei cu ca ṭial thiammi cafung bantuk a si.

NEHEMIAH 8:13

A ni hnihnak ni ah cun mi vialte hna chung i chungkhar lak lu a si ciomi kha tlangbawi hna le Levi mi hna he tiah cazi Ezra sinah khan phungbia chung bia cu cawn awkah hmunkhat ah an ra.

NEHEMIAH 4:15

Zeizong vialte kan theih dih kha kan ral hna nih an theih i Pathian nih an khuakhannak cu a hrawhpiak hna i kulhnak vampang ah cun kan kir i kan dihlak in kanmah le kan rian cio kha kan ṭuan ṭhan.

NEHEMIAH 2:12

Cun zan ah keimah sin i a ummi mi tlawmpal he khan ka tho; sihmanhsehlaw Jerusalem khua ca i tuah awkah Pathian nih ka lung chungah a chuahtermi tu cu ahohmanh ka chim hna lo. Kaa citmi saṭil dah ti lo cu ka sinah saṭil zeihmanh an um lo.

EZRA 6:22

Cun thilnu telh lo changreu puai kha ni sarih lunglawmhnak in an tuah; zeicahtiah Pathian nih an lung a lawmhter hna i Assiria siangpahrang lung cu anmah leiah khan a merter, cucaah anih nih khan Pathian, Israel mi hna Pathian inn rian ah khan, a bawmh hna.

EZRA 5:5

Sihmanhsehlaw an Pathian mit cu Judah upa hna cungah khan a um i Darius sinah thawng theihternak a phak hlan le cu kong i lehnak ca in a kir hlantiang cu an ngolter kho hna lo.

JEREMIAH 8:8

Zeitindah, ‘Kannih cu kan fim i Bawipa phungbia kha kan ngei’ nan ti khawh? Cazi hna nih pei an hlennak cafung in lih ah an ser cang hi.

NEHEMIAH 12:26

Jozadak fapa Jeshua i a fapa Joiakim chan le ram uktu bawi Nehemiah le tlangbawi le cazi a si kemhmi Ezra hna chan i thil umtuning cu mah hihi a si.

NEHEMIAH 8:9

Cun ram uktu bawi a simi Nehemiah le tlangbawi le cazi a simi Ezra le mi zapi a cawnpiaktu hna Levi mi hna nih khan mi vialte cu an thawh hna i, “Nihin hi Bawipa, nan Pathian ca i ni thiang a si; nan ngaihchia hlah u; a ṭah zong ṭap hlah u,” an ti hna.

NEHEMIAH 8:4

Cu bantuk biachimnak ca i an sermi thing donhhlei ah cun cazi Ezra cu a dir i a pawngah cun a orhlei kamah Mattithiah, Shema, Anaiah, Uriah, Hilkiah le Maaseiah; cun a kehlei kamah Pedaiah, Mishael, Malkhijah, Hashum, Hashbaddanah, Zekhariah le Meshullam an dir.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

MATTHAI 23:2

“Phungbia cawnpiaktu saya hna hi le Farasi mi hna hi, Moses Nawlbia hi a sullam cucu a si, tiah a ti tu an si.

EZRA 7:5

Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu tlangbawi bik Aaron fapa a si —

NEHEMIAH 8:1

Cun thla sarihnak thla a hung chuah i Israel mi hna cu an khua cio ah khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.

EZRA 8:1

Siangpahrang Artazaksis a bawi lio i Babilonia in keimah sinah a hung kal vemi hna cu pale chungkhar lu cio kha an si i mah hihi an tefa hna cu an si:

NEHEMIAH 9:13

Sinai Tlang cungah khan na rung ṭum i vancung khin annih cu na run chawnh hna i phunglam dikdik le phungbia taktak le phung ṭhaṭha le nawlbia ṭhaṭha kha na pek hna i

SALM 80:18

Nangmah cu zeitikhmanh ah kan in mertak ti lai lo; nungdam in kan umter law kan in thangṭhat lai.

SALM 109:27

A ka khamhtu cu nangmah na si kha, ka ral cu hngalhter hna.

SALM 147:19

Jakob cu a bia kha a chimh, Israel cu a nawlbia le a phunglam kha a pek.