EZRA 7:5 - Lai (Hakha) Common Language Bible 2006

⁵ Bukki cu Abishua fapa a si, Abishua cu Finehas fapa a si, Finehas cu Eleazar fapa a si, Eleazar cu tlangbawi bik Aaron fapa a si —

EZRA 7:5 Խաչաձեւ Հղումներ

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

2 CHANRELNAK 26:20

Cun tlangbawi upa bik Azariah le tlangbawi vialte nih khan amah cu an zoh i zohhmanh, amah cu a cal ah thinghmui zawtnak a ngei! Cun annih nih khulrang in an nam i amah zong kha chuah aa nam ve, zeicahtiah Bawipa nih a tuk cang.

2 CHANRELNAK 19:11

Cun zohhmanh u, Bawipa lei thil vialte ah tlangbawi upa bik Amariah cu nan cungah a um; cun siangpahrang lei thil vialte ah Judah innchungkhar uktu Zebadiah, Ishmael fapa cu nan cungah a um; cun Levi mi hna cu nan biaceihtu bawi hme deuh an si lai. Ralṭha tein tuah u law Bawipa cu miding mi hna sinah cun um ko seh!” tiah a ti.

1 CHANRELNAK 6:4

Eleazar cu Phinehas pa a si, Phinehas cu Abishua pa a si,

BIACEIHTU 20:28

Aaron fapa Eleazar i fapa Phinehas nih khi caan lioah a hmaiah rian a ṭuan) annih nih, “Kan unau Benjamin mi hna kha doh awkah kan chuak rih lai maw, asiloah kan ngol lai dah?” tiah an ti. Cun Bawipa nih, “Hung kal u; zeitintiah thaizing ah cun annih cu nan kut chungah kan pek hna lai,” a ti.

JOSHUA 24:33

Cun Aaron fapa Eleazar zong a thi i amah fapa Phinehas nih Efraim tlangram chung i a comi Gibeah khua ah an vui.

JOSHUA 22:31

Cun tlangbawi Eleazar fapa Phinehas nih Reuben mi hna le Gad mi hna le Manasseh mi hna cu, “Bawipa cungah rawinak nan tuah lo caah, Bawipa cu kan lakah a um, tiah nihin ah kan hngalh; Israel mi hna cu Bawipa kut chungin nan khamh cang hna,” tiah a ti hna.

JOSHUA 22:13

Cun Israel mi nih Gilead ram i Reuben mi hna le Gad mi hna le Manasseh phun cheu sinah cun tlangbawi Eleazar fapa Phinehas kha an thlah,

JOSHUA 14:1

Cun mah hna hi Kanaan ram chungah Israel mi nih an comi ram cu an si, tlangbawi Eleazar le Num fapa Joshua le Israel tefa hna chung i an phun cio lu hna nih an phawtmi hna cu an si.

NAMBAR 31:54

Cun Moses le tlangbawi Eleazar nih a thong pawl le a za pawl haotu hna sinin sui kha an lak i Bawipa hmai i Israel mi hngalh camcinnak caah tonnak thlam chungah an luhpi.

NAMBAR 31:31

Cun Bawipa nih Moses nawl a pek bangin Moses le tlangbawi Eleazar nih an tuah.

NAMBAR 31:6

Moses nih phun khat chungin thong khat cio cu le, tlangbawi Eleazar fapa Phinehas a kut in hmunthiang umkheng le ralrin peknak muko aa putmi cu, raldohnak ah a thlah hna.

NAMBAR 27:2

Cun Moses le tlangbawi Eleazar le mi bupi le an hruaitu hna hmaiah cun, tonnak thlam innka ah cun an dir i,

NAMBAR 3:32

Cun tlangbawi Aaron fapa Eleazar cu Levi mi hna a hruitu hna lak i upa bik a si lai i, hmunthiang zohkhenh awk an rian a simi hna a hruitu a si lai.

LEVITIKAS 10:16

Cun Moses nih sual thawinak meheh kong kha fel tein a hlat i zohhmanh, an rak khangh diam cang ai! Cun Aaron fapa a taangmi hna Eleazar le Ithamar cungah a thin a hung i,

LEVITIKAS 10:12

Cun Moses nih, Aaron le a tangmi a fapa hna Eleazar le Ithamar sinah, “Bawipa sinah mei in thawinak hna chungin a tangmi changvut thawinak kha la u law, biakṭheng pawngah thilnu telh loin ei u, zeitintiah mah cucu a thiang bik a si.

LEVITIKAS 10:6

Cun Moses nih Aaron le a fapa hna Eleazar le Ithamar sinah, “Nan sam i thlah hlah u, nan puan kha thlek hna hlah u, nan thih sual i mibu dihlak cungah thinhunnak a rat sual nakhnga lo; sihmanhsehlaw Bawipa nih a kanghtermi mei kanghnak cu nan unau, Israel chungkhar dihlak nih khan, ṭah hna seh.

EXODUS 6:25

Aaron fapa Eleazar nih khan Putiel fanu pakhat kha a ṭhit i cu nih cun Finehas a hrinpiak. Hi hna hi Levi innchungkhar lu cu, an phun ning cio in an si.

EZRA 7:4

Meraioth cu Zerahiah fapa a si, Zerahiah cu Uzzi fapa a si, Uzzi cu Bukki fapa a si,

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.