EZRA 6:6 - Lai (Hakha) Common Language Bible 2006

⁶ “Cucaah Tattenai, Tiva Ral ram uktu bawi, Shethar-bozenai le nan hawikom Tiva Ral ram uktu bawi a simi hna, rak naih hna hlah u;

EZRA 6:6 Խաչաձեւ Հղումներ

EZRA 5:3

Cucaah cun Tiva Ral ram a uktu bawi Tattenai le Shethar-bozenai le an hawikom hna cu an sinah khan an ra i, “Aho nih dah hi inn le hi vampang hi sak awk le lim awkah nawl an pek hna?” tiah an ti hna.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

PHUNGTHLÛKBIA 21:30

Fimnak siseh, hngalhnak siseh, chunglei thil purh khawhnak siseh, Bawipa hmaiah cun zeihmanh an si lo.

EZRA 5:6

Tiva Ral ram a uktu bawi Tattenai le Shethar-bozenai le Tiva Ral ram a uktu bawi an hawikom hna nih Darius siangpahrang sinah an kuatmi ca khawpi cu hi hi a si;

ISAIAH 27:8

Bawipa nih a mi hna dan a tat hna cu, ramdang i a kalter hna kha a si. A ṭhawngmi thli, nichuahlei thlitu kha a choihter hna.

PHUNGTHLÛKBIA 21:1

Siangpahrang lungthin cu Bawipa kut chungah a ummi a si, tilaknak tilam bantukin a duhnak lei paoh ah a mermi a si.

SALM 76:10

Minung thinhunnak nih cun nangmah thangṭhatnak tu kha a karhter chin lehlam; ral chungin a nung in a tangmi hna nih na puai kha an tuah hna lai.

NEHEMIAH 1:11

Maw Bawipa na sal ka thlacamnak hi ka ngaihpiak ko sawh; cun na sal hi nihin ah ka hlawh ka tlinter ko law hi mipa hmaiah hin zaangfahnak ka pe ko,” tiah ka ti. Cu lioah cun kei cu siangpahrang hrai putu ka rak si.

GENESIS 43:14

Lianngan Bik Pathian nih nannih cu in zaangfah hna seh law mipa nih cun nan unaupa kha le Benjamin cu ka sinah rak kirter hna seh. Ka fale nih nan ka thihtak a si ahcun thih tak pei dik a si ko lai,” a ti.

GENESIS 32:28

Mipa nih cun, “Na min cu Jakob a si ti lai lo. Pathian zong na paih, minung zong na paih hna i na tei hna; cucaah na min cu Israel a si cang lai,” a ti.

EZRA 4:9

ralbawi Rehum, caṭialtu Shimshai le an hawikom hna, biaceihtu hna, uktu bawi hna, bawi hna, Persia mi hna, Erek mi hna, Babilon mi hna, Susa mi hna, cu hna cu Elam mi an si,

EZRA 6:7

hi Pathian biakinn rian hi dawnkhan hlah u; Judah mi uktu bawi le Judah mi upa hna nih hi Pathian inn hi amah hmun te ah khan sa ṭhan ko hna seh.

EZRA 6:13

Khi tikah Darius siangpahrang nih bia a kuat hna ningin, Tattenai, Tiva Ral ram uktu bawi, Shethar-bozenai le an hawikom hna nih Darius siangpahrang nawl pekmi cu fel tein an tuah.