EZRA 6:15 - Lai (Hakha) Common Language Bible 2006

¹⁵ cun hi inn cu Darius siangpahrang a bawi kum ruknak kum Adar thla ni thum ni ah lim a si.

EZRA 6:15 Խաչաձեւ Հղումներ

ESTHER 3:7

Thla khatnak thla, cucu Nisan thla a si, Siangpahrang Ahasuerus a bawi kum hleihnihnak ah Haman hmaiah khan camcawh fung Pur timi kha an zuk; cun thla khat hnu thla khat in a thla hleihnihnak Adar thla tiang camcawhfung cu an zuk lengmang.

ESTHER 9:21

kum khat hnu kum khat Adar thla ni hleili ni le ni hleinga ni kha nan ulh hna lai,

ESTHER 9:19

Cucaah khuate i a ummi, kulhnak a ngei lomi khua i a ummi Judah mi hna nih cun Adar thla ni hleili ni cu lunglawmhnak le puai le dinh ni ah an ser i cu ni cu pakhat le pakhat kha laksawng a ṭhaṭha i kuatnak ah an hman.

ESTHER 9:17

Mah cucu Adar thla ni hleithum ni ah khan a si i a ni hleili ni ah cun an i din i cu ni cu puai ni le lunglawmhnak ni ah an ser.

ESTHER 9:15

Susa khua i a ummi Judah mi hna cu Adar thla a ni hleili ni zongah khan an i pum i Susa khua chungah khan mi za thum an thah hna; sihmanhsehlaw a ramh cu an ramh hna lo.

ESTHER 9:1

Cun thla hleihnihnak thla, Adar thla, a ni hleithum ni, siangpahrang nawl pekmi le biakhiahmi tuah awk a simi, Judah mi hna cu an ral pawl nih kan uk hna lai ti i an i ruahchan ni, sihmanhsehlaw Judah mi tu nih anmah a dohtu hna kha an uk hna ni i aa thleng ṭhanmi ni ah cun,

ESTHER 8:12

mah cucu ni khat nite ah Siangpahrang Ahasuerus ram chung dihlak ah, thla hleihnihnak thla, Adar thla, a ni hleithum ni ah tuah ding a si.

ESTHER 3:13

Judah mi vialte cu a no a tar in, nu he ngakchia he, ni khat ni te i an ci hmih awk le thah awk le hloh awkah le an thil kha ramh dih awkah, thla hleihnihnak thla, Adar thla, a ni hleithumnak ni ah, siangpahrang ram chung peng dihlak ah caphortu nih ca cu an kalpi.

1 SIANGPAHRANG 8:63

Bawipa sin i pekchanhmi daihnak thawinak hna caah Solomon nih cawtum sang hnih thong hnih le, tuu sing khat sang hnih a pekchanh hna. Cuticun siangpahrang le Israel mi vialte nih Bawipa inn cu an pekchanh.

EZRA 5:16

Khi tikah hi Sheshbazzar cu a ra i Pathian inn Jerusalem i a ummi hram kha a bunh; cu caan thawk in atu tiang sak lengmang a si ko i a dih rih lo,’ an ti.

ZEKHARIAH 1:1

Siangpahrang Darius a bawi kum hnih kum, thla riat thla ah, Bawipa bia cu profet Zekhariah sinah a phan; Zekhariah cu Berekhiah fapa a si, Berekhiah cu lddo fapa a si:

ZEKHARIAH 1:16

Cucaah mah hihi Bawipa bia a si: Jerusalem cu zaangfahnak he ka kirhnawh ṭhan cang i a chungah ka inn kha sak a si ṭhan lai, tahnak hri in tah a si ṭhan lai, tiah Bawipa nih a ti.

ZEKHARIAH 4:9

Zerubbabel nih Biakinn hram cu a bunh cang. Mah hihi a si tikah ka mi hna nih an sinah nangmah aan thlahtu cu keimah ka si kha an hngalh lai.

EZRA 4:24

Cucaah Bawipa inn Jerusalem i a ummi i an ṭuannak cu ngol a si; cun Persia siangpahrang Darius a bawi kum hnihnak tiang ngol a si.

EZRA 9:9

Kannih cu sal kan si ko, sihmanhsehlaw sal kan sinak chungah hin kan Pathian nih a kan philh lo i kan Pathian inn cu dirh ṭhan awk le a rawhnak kha remh awk le Judea ram le Jerusalem khua ah kannih cu huhphenhnak pek awk le nun ṭhannak kannih cu pek awkah Persia siangpahrang hna hmaiah cun a fekmi a dawtnak tu kha a kan pek.