EZRA 5:11 - Lai (Hakha) Common Language Bible 2006

¹¹ Cun mah hihi an kan lehnak cu a si: ‘Kannih cu van le vawlei hna i an Pathian sal kan si i Israel siangpahrang a liannganmi pakhat nih a rak sak i a rak limmi inn, kan hnulei hlanpi i rak sakmi inn kha kan remh ṭhan.

EZRA 5:11 Խաչաձեւ Հղումներ

GALATI 6:14

Kei tu cu Bawipa Jesuh Khrih vailam lawng hi kaa porhlawtpi ko lai, zeicahtiah Khrih vailam thawng hin vawlei hi ka caah a thimi thil a si cang i kei zong hi vawlei caah cun a thimi ka si ve.

ROM 6:16

Bawi pakhatkhat sinah na nawl kan ngaih lai, tiin nan i pek ahcun nannih cu cu bawi a nawl nan zulhmi sal cu nan si — cu bantukin sualnak cu a nawl nan zulh ahcun, sualnak sal cu nan si i sualnak nih a chuahpimi cu thihnak a si; cun cu bantuk ṭhiamṭhiam cun Pathian cu a nawl nan zulh ahcun, cu nawlngaihnak nih a chuahpimi cu Pathian he i remnak kha a si.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

LAMKALTU 27:23

Zeicahtiah ka biak i a ta ka simi Pathian vancungmi kha zahan ah ka sinah a ra i,

LUKA 12:8

“Hihi kan chimh hna: mizapi hmaiah a ka ṭanhmi cu Mi Fapa nih, Pathian vancungmi hna hmaiah, a ṭanh ve hna lai.

MATTHAI 10:32

“Amah mi ka si, tiah zapi hmaiah a phuang ngammi cu vancung khua i ka Pa hmaiah kei zong nih cuticun amah cu ka ti ve lai.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

DANIEL 3:26

Nebukhadnezzar nih cun a alh hluahmahmi meiphu a kaa cu a hei naih i mi cu a hei auh hna i, “Shadrak, Meshak le Abednego, Cung Nung Bik Pathian sal hna, hung chuak u law hika ah hin ra tuah u,” tiah a ti hna. Cun Shadrak, Meshak le Abednego cu mei chung cun an hung chuak.

SALM 119:46

Na nawlbia cu siangpahrang kha ka chimh hna lai i cu tuah cu ka ning a zak lai lo.

JOSHUA 24:15

Cun Bawipa biak kha nan duh lo a si ahcun nihin ni ah hin nan biak ding cu i thim u; Tiva khattelei ral ram ah nan pupa hna nih an biakmi pathian hna maw, asiloah, an ram nan umnak a simi Amor mi pathian hna dah nan i thim lai; kei le kan innchungkhar tu nih cun Bawipa kha kan biak ko lai,” tiah a ti

1 SIANGPAHRANG 6:38

Cun a kum hleikhatnak, thla riatnak thla a simi Bul thla ah inn cu a dihlak in le rak tuakning te khan, lim a si. Kum sarih chung a saknak ah a rau.

EZRA 5:10

Cun nangmah theihter awkah an lu a simi hna min kha kan ṭial nakhnga an min zong kha kan hal hna.

SALM 136:26

Vancung Pathian hi lawm tuah u, a dawtnak cu zungzal in a hmun. a dawtnak cu zungzal in a hmun.

GENESIS 24:3

Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

1 SIANGPAHRANG 9:10

Solomon nih Bawipa inn le siangpahrang inn a sak chung kha kum kul a rau.