EZRA 3:12 - Lai (Hakha) Common Language Bible 2006

¹² Sihmanhsehlaw tlangbawi tampi hna le Levi mi tampi hna le pale innchungkhar lu a si ciomi tampi hna, tar pawl hmasa inn a rak hmutu hna kha cu, inn hram bunh an hmuh tikah khan, mi tampi cu lunglawm in fak piin an au nain, annih cu fak piin an ṭap i,

EZRA 3:12 Խաչաձեւ Հղումներ

HAGGAI 2:3

“Hi inn hi hmasa i a rak sunpar lioah a hmumi atu ah hin nan um rih maw? Atu ah hin tah zeidah a lawh cang? Pakpalawng a si cang ko lo maw?

ZEKHARIAH 4:10

Rian kha a kal khawh lo caah an hnabei a rak dong; sihmanhsehlaw Zerubbabel nih Biakinn cu a sak peng ko ti kha an hmuh lai i an lung aa lawm lai.

ISAIAH 60:22

Nan innchungkhar hna lak i a hme bik le santlailo bik hna hmanh kha a ṭhawngmi miphun tluk ah an i cang lai. Amah le a caan te ah hi thil cu khulrang in ka umter lai. Keimah cu Bawipa ka si,” a ti.

ISAIAH 41:14

Bawipa nih aa thawh i, “Israel, na hmete ko i na der ngai ko nain na thinphang hlah. Kan bawmh lai. Keimah Israel Pathian thiang hi nangmah an khamhtu cu ka si.

SALM 126:6

Ṭah buin thlaici aa phorhmi hna nih lunglawmhnak hlasa le facang phal i put in an ra kir lai!

JOB 8:7

Cun naa thawknak cu hme hmanh seh law, na donghnak lei cu a ngan lai.

EZRA 3:13

cucaah lunglawmhnak au thawng le mi an ṭahnak thawng cu mi nih an thleidang kho lo; zeicahtiah mi cu fak piin an au i an au thawng cu lamhlat piin aa thei.

JEREMIAH 50:4

Khi ni le khi caan ah cun Israel mi hna le Judah mi hna cu hmun khat ah an ra ṭi lai i Bawipa an Pathian cu mitthli he an kawl lai;

SALM 147:1

Bawipa cu thangṭhat u! Kan Pathian cu hla in thangṭhat hi a ṭha; amah thangṭhat hi a nuam i ahmaan.