EZRA 2:1 - Lai (Hakha) Common Language Bible 2006

¹ Babilon siangpahrang Nebukhadnezzar nih Babilonia ah sal ah a kalpimi hna lakin, sal cannak chungin a kir ṭhanmi Judah ram mi cu mah hna hi an si; annih cu Jerusalem le Judah ah khan an kir, anmah le an khua cio ah khan an kir.

EZRA 2:1 Խաչաձեւ Հղումներ

2 SIANGPAHRANG 25:11

Cun mi a tang rihmi khua chungah nganhtami hna le Babilon siangpahrang sin i a rak zammi hna kha le zapi a tang rihmi vialte hna kha ralvengtu haotu Nebuzaradan nih sal ah a hruai dih hna.

LAMKALTU 23:34

Mangki bawi nih cun ca kha a rel i Paul cu khuazei peng mi dah na si, tiah a hal. Silisia peng mi a si kha a hngalh tikah,

ZEFANIAH 2:7

Rilikam ram cu Judah ram mi a tangmi hna ta a si lai. Bawipa an Pathian nih a merhnawh hna lai i An vanṭhatnak kha a pek ṭhan hna lai caah An tuurun kha rilikam ah khan an tlonter hna lai i zanlei ah Ashkelon khua inn chungah khan an riak lai.

ṬAHNAK HLA 4:22

Zion fanu, na sualnak ruang i dantatnak cu a tling cang; Saltannak chungah kalpi na si ṭhan bal ti lai lo. Sihmanhsehlaw Edom fanu, nang cu, na sualnak kha dantat a si lai i na ṭhat lonak kha langhter a si lai.

ṬAHNAK HLA 1:5

A ral hna cu a bawi ah an cang, A ral hna cu nuam tein an um, Zeitintiah a tuahmi a ṭha lomi rel cawk lo ruangah khan Bawipa nih amah cu fak piin dan a tat; A fano cu an lo dih, Ral nih khan saltannak chungah an kalpi hna.

ṬAHNAK HLA 1:3

Saltang harnak chungah le A dong lo rian hrang ṭuannak chungah Judah cu a lut cang, Miphun hna lakah khua a sa i dinhnak hmun a hmu lo; Amah a harnak chungah khan A dawitu hna nih khan an phak.

ESTHER 8:9

Thla thumnak thla, Sivan thla, a ni kul le ni thum ni ah, khi caan ah siangpahrang caṭialtu kha an auh i Mordekai nawl peknak ning paoh khan, India ram in Ethiopia ram tiang siangpahrang kut tang bawi hna le ram uktu hna le bawi dangdang hna sinah khan, Judah mi kong cu ca in an kuat hna, peng za khat le peng kul le peng sarih an si, peng kip ah anmah le an ca cio in le miphun kip sinah anmahle an holh cio in an kuat hna, cun Judah mi hna zong cu anmahle an ca le an holh in an kuat ve hna.

ESTHER 1:11

Siangpahrangnu Vashti cu midawh ngai a si caah aa dawhnak cu mizapi hna le bawi hna kha hmuhsak awkah a bawi luchin he siangpahrang hmaiah cun ra chuak seh, tiah a ti hna.

ESTHER 1:8

Cun zu din cu a phung ning tein a si, ahohmanh hnek a um lo; zeicahtiah siangpahrang nih cun a siangpahrang inn bawi pawl kha nawl a pek hna i mi nih anmah duhning cio ah nan tuah lai, tiah a ti hna.

ESTHER 1:3

a bawinak kum thum kum ah khan a bawi vialte hna le a sinum hna caah puai a tuah i Persia le Media ralbawi hna le ram uktu bawi hna le tuavon hna kha a hmaiah cun an um i

ESTHER 1:1

Ahasuerus chan, India ram in Ethiopia ram tiang, ram za khat le ram kul le ram sarih a uktu Ahasuerus chan ah khan,

EZRA 6:2

Cun Media ram khuapi a simi Ekbatana khua ah khan cazual pakhat an hmuh i cu cazual chungah cun mah hihi aa ṭial: “Ken awk.

EZRA 5:8

Kannih nih Judah ram ah, a liannganmi Pathian inn ah kan va kal kha siangpahrang nih rak hngal tuah. Lung ngan pipi in an sak i a vampang ah thingah an chon lio a si; hi rian cu fel tein a kal i an rianṭuannak ah an hlawh a tling.

EZRA 1:11

sui umkheng le ngun umkheng vialte cu a dihlak ah thong nga, za li an si. Saltangmi hna cu Babilonia in Jerusalem ah hunpi an si tikah hi thil vialte hna hi Shesh-bazzar nih a hun ken hna.

EZRA 2:2

Annih cu Zerubbabel, Jeshua, Nehemiah, Seraiah, Reelaiah, Mordekai, Bilshan, Mispar, Bigvai, Rehum le Baanah sin i a kirmi an si. Israel mi cu hi zat hi an si:

EZRA 8:35

Khi caan ah khan, sal taannak in a kir cangmi, sal chuak pawl nih khan Israel Pathian sinah cun khangh thawinak, Israel mi vialte caah cawtum hleihnih, tuukawng sawm kua le paruk, tuufa sawm sarih le pasarih, cun sual thawinak caah mehehtum hleihnih an pekchanh; mah vialte hi Bawipa sin i pekchanhmi khangh thawinak a si.

NEHEMIAH 12:1

Shealtiel fapa Zerubbabel le Jeshua he a rami tlangbawi hna le Levi mi hna cu mah hna hi an si: Seraiah, Jeremiah, Ezra,

1 CHANRELNAK 9:1

Cuticun Israel mi vialte cu an chuahkehnak ning cio in minthlak an si i mah cucu Israel Siangpahrang hna Cauk chungah ṭial an si. Cun Judah cu zumhawktlak a si lo ruangah Babilon ah sal ah kalpi an si.

1 CHANRELNAK 9:2

Cun an covo an khua hna chung i a um ṭhan hmasa bik hna cu Israel mi, tlangbawi hna, Levi mi hna, le biaknak inn i rianṭuantu hna kha an si.

EZRA 2:70

Tlangbawi hna le Levi mi hna le mi a cheukhat cu Jerusalem le a pawngkam ah khan an um; cun hlasatu hna le kutka cawngtu hna le biakinn rianṭuantu hna kha anmah khua cio ah an um, cun Israel mi vialte cu anmah khua cio ah an um.

ISAIAH 48:20

Babilon in chuak tuah u, luat in kal tuah u! “Bawipa nih a sal Israel cu a khamh cang,” tiin thawngpang cu lunglawmhnak in aupi u, khuazakip ah thanh u.

JEREMIAH 50:19

Israel cu a tlon tawnnak hmun ah khan ka kirpi ṭhan lai i Karmel le Bashan ah khan a tlong ṭhan lai; Efraim ram tlang hna le Gilead ram tlang hna cungah khan a paw khim tein rawl a ei lai.