EZRA 10:8 - Lai (Hakha) Common Language Bible 2006

⁸ ni thum chung i a chuak lomi paoh cu bawi hna le upa hna nawl in a thil vialte chuh a si lai i amah cu salchuak pawl bu chung luh kha donh a si lai, tiah ti a si.

EZRA 10:8 Խաչաձեւ Հղումներ

EZRA 7:26

Cun na Pathian phungbia le siangpahrang nawlbia a ngai lomi paoh cu thah awk siseh, ram chungin ṭhawl awk siseh, a thil chuh awk siseh, thong thlak awk siseh, a cungah biakhiahnak kha fek tein tuah a si lai,” tiah a ti.

JOHAN 16:2

An pumhnak inn in an in ṭhawl hna lai. Cun nanmah thah hi Pathian rian ṭuan a si tiah mi nih an ruah caan a phan lai.

JOHAN 9:34

“A nangmah sual in hrin i sual in cawmmi nih hin maw kanmah cu cawnpiak na hei kan timh,” tiah an ti i pumhnak inn khan an ṭhawl.

JOHAN 9:22

Cu bantukin a nu le a pa nih an chim cu zeicahdah a si ti ahcun, Judah upa hna nih khan Jesuh cu Messiah a si tiah a titu paoh cu pumhnak inn khan kan chuah hna lai tiah hnatlaknak an rak tuah cang i cu hna cu an ṭih hna caah a si.

MATTHAI 18:17

Sihmanhsehlaw an bia zong kha a ngaih hlei lo ahcun, cu thil cu Khrihfabu kha na chimh hna lai. Cun Khrihfabu bia kha a ngaih duh ṭhiamṭhiam lo ahcun, lawkihmi maw, ngunkhuai khawltu maw, cu bantuk mi ah cun va zoh.

NEHEMIAH 13:3

Mi zapi nih phungbia kha an theih tikah, ramdangmi hrinsor a simi vialte kha an thleidan hna.

1 SAMUEL 11:7

Cawtum khuah khat kha aa lak hna i a can cikcek hna i lamkaltu hna kut in Israel ram chung vialte ah a kuat dih hna i, “Saul le Samuel zulh awkah a chuak duh lo paoh cu a cawtum hna cungah hi bantukin tuah a si lai!” tiah a ti. Khi tikah Bawipa ṭihnak kha mi cungah khan a tlung i annih nih mi pakhat bantukin an chuak.

BIACEIHTU 21:5

Cun Israel mi nih, “Israel miphun vialte lakah ahodah Bawipa sin i i pumhnak ah a chuak lo?” tiah an ti. Zeitintiah annih nih Mizpah ah Bawipa sin i a ra lomi kongah khan chiatsernak nganpi pakhat an ser i, “Thah a si lai,” an ti.

JOSHUA 6:19

Sihmanhsehlaw sui le ngun vialte le thir le dar umkheng hna cu Bawipa ca thil thiang an si lai; Bawipa chawva chungah an lut ve lai,” tiah a ti

LEVITIKAS 27:28

“Sihmanhsehlaw ulh-amhmi thil, Bawipa sinah mi pakhatkhat nih a pekchanhmi paohpaoh cu, a ngeihmi chungin zeihmanh siseh, minung a si ah, saram a si ah, ro i a comi a lo a si ah, zuarh awk zong a si lai lo i tlanh awk zong a si lai lo; ulh-amhmi thil paohpaoh cu Bawipa caah a thiang bik a si.

EZRA 10:7

Cun Judah ram dihlak le Jerusalem ah khan, Jerusalem ah nan i pum lai tiin, salchuakmi vialte sinah cun thawng thanhnak an tuah i

EZRA 10:9

Khi tikah Judah le Benjamin mi vialte cu ni thum chungah Jerusalem ah an i pum; thla kuanak thla, a ni kul ni ah a si. Cun mi vialte cu Pathian inn hmai i tual ah cun an i pum i hi thil kong ah hin le ruah tampi a sur caah an ther ko.

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.