EZRA 10:6 - Lai (Hakha) Common Language Bible 2006

⁶ Cun Ezra cu Pathian inn hmai khan a tho i Eliashib fapa Jehohanan khaan chungah khan a va kal i khika ah cu zan cu rawl zong ei lo ti zong ding loin a riak; zeicahtiah salchuak pawl zumhtlak loin an um ruangah khan a ngaih a chia.

EZRA 10:6 Խաչաձեւ Հղումներ

DEUTERONOMI 9:18

Cun Bawipa hmaiah a hlan bang khan ni sawm li le zan sawm li ka bawk; Bawipa kha a thin phawh awkah amah mithmuh ah ṭhat lo nan tuahnak thawngin sual nan tuahmi vialte ruangah rawl ei lo le ti ding loin ka um.

NEHEMIAH 12:22

Eliashib, Joiada, Johanan le Jaddua hna chan i tlangbawi innchungkhar hna lak i lu a si ciomi hna kha Persia mi Darius chan tiang khan cazin ah an min khumh a si.

NEHEMIAH 3:1

Khi tikah tlangbawi ngan Eliashib kha a unau tlangbawi hna he khan an tho i Tuu Kutka kha an remh. An thianter i a innka kha an bunh hna; Za Innsang timi tiang khan an hei remh, Hananel Innsang timi tiang khan, cun an thianter.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

ISAIAH 22:12

Bawipa Ralkapbu Pathian nih cun, ṭah awk le mitthli tlak awk le nan lu i kongh awk le buri i aih awkah an auh hna.

JOB 23:12

A hmur in a chuakmi nawlbia kha zeirello in ka um hna lo i Ka lung chungah a kaa chuak bia kha ka khon hna.

NEHEMIAH 13:28

Cun tlangbawi ngan Eliashib fapa hna lak i Jehoiada cu Horon mi Sanballat fanu va kha a si, cucaah amah cu ka sinin ka dawi.

NEHEMIAH 13:5

changvut thawinak le frankinsen le umkheng hna le rawl cheu hra cheu khat hna le mitsur hang le chiti, nawlbia in Levi mi hna le hlasatu hna le kutka cawngtu hna pek awk le tlangbawi hna ca i thawhlawm pekmi hlan i an rak chiahnak khaan nganpi kha Tobiah caah cun a timh.

NEHEMIAH 12:10

Cun Jeshua cu Joiakim pa a si, Joiakim cu Eliashib pa a si, Eliashib cu Joiada pa a si,

NEHEMIAH 3:20

Amah a hun changtu ah cun Zabbai fapa Baruk nih khattelei tan, vampang chunglei ah aa kuaihnak in tlangbawi ngan Eliashib inn i innka tiang kha a remh.

EZRA 10:1

Ezra cu thla a cam i sual phuannak a tuah i a ṭah i Pathian inn hmaiah cun a rilh ko lioah khan, mibu nganpi, nu he ngakchia he Israel mi chungin amah sinah khan an i pum i mi cu lunghno ngaiin an ṭap.

EZRA 9:4

Cun salchuak pawl zumhtlak loin an um ruang i Israel Pathian bia ah a thermi hna cu, zanlei raithawinak tiang khuaruahhar in ka ṭhut ko lioah khan ka sinah an rak i pum.

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

EZRA 10:7

Cun Judah ram dihlak le Jerusalem ah khan, Jerusalem ah nan i pum lai tiin, salchuakmi vialte sinah cun thawng thanhnak an tuah i

SALM 102:4

Ram car bangin ka nunnak cu a uai, rawl ei duhnak zeihmanh ka ngei lo.