EZRA 10:2 - Lai (Hakha) Common Language Bible 2006

² Cun Elam fapa hna chung i Jehiel i a fapa Shekaniah nih khan Ezra cu a chawnh i: “Kannih nih kan Pathian cungah zumhawktlak loin kan um i hi ram mi hna chung hin ramdang nu kha nupi ah kan i ṭhit hna, sihmanhsehlaw atu hmanh ah hin hitihin thil a si ko nain ruahchannak a um ko rih.

EZRA 10:2 Խաչաձեւ Հղումներ

NEHEMIAH 13:27

Cucaah kannih nih nanmah bia cu ngaiin ramdang minu hna cu ṭhi in hi ṭhat lonak a nganmi vialte hi tuah in kan Pathian cungah cun zumhawktlak loin kan um awk a si hnga maw?” tiah ka ti hna.

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

EXODUS 34:12

Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

JEIM 2:9

Sihmanhsehlaw mi cu a lenglei i an langhning lawngin na ti hna ahcun na sual cang, Nawlbia nih khan nawlbia buartu ah an hmuh cang.

NEHEMIAH 3:29

Anmah chang ah cun Zadok fapa Immer nih khan amah inn zawn kha a remh. Amah chang ah cun Shekaniah fapa Shemaiah, Nichuahlei Kutka a cawngtu nih khan a remh.

EZRA 10:26

Elam tefa hna chungin: Mattaniah, Zekhariah, Jehiel, Abdi, Jeremoth, le Elijah.

NEHEMIAH 7:34

Elam dang tefa hna, thong khat za hnih sawm nga le pali.

NEHEMIAH 7:12

Elam tefa hna, thong khat za hnih le sawm nga le pali.

EZRA 2:31

Elam dang hrinthlak hna cu thong khat za hnih le sawm nga le pali an si.

EZRA 2:7

Elam hrinthlak hna cu thong khat za hnih le sawm nga le pali an si.

EZRA 8:7

Elam tefa hna chungin, Athaliah fapa Jeshaiah, amah he cun pa sawm sarih.

EZRA 9:1

Hi thil hi tuah dih an si tikah, bawi hna nih cun an ka fuh i, “Israel mi hna le tlangbawi hna le Levi mi hna nih hin hi ram miphun Kanaan mi hna le Hit mi hna le Periz mi hna le Jebus mi hna le Ammon mi hna le Moab mi hna le Izipt mi hna le Amor mi hna le an thil fihnung hna sin khan an i thleidang lo.

PHUNGTHLÛKBIA 28:13

A palhnak kha a thupmi cu khua-awng a tong lai lo, sihmanhsehlaw a phuang i a hlawmi nih cun zaangfahnak a hmuh lai.