EZEKIEL 7:3 - Lai (Hakha) Common Language Bible 2006

³ Donghnak cu atu nan cung a phan cang; nan cungah ka thinhunnak cu ka thlah lai. Nan tuahmi thil kha zeicahdah nan tuah tiah kan hal hna lai i fihnung nan tuahmi cu nanmah lu cung lila ah ka tlunter hna lai.

EZEKIEL 7:3 Խաչաձեւ Հղումներ

EZEKIEL 18:30

Cucaah cun maw Israel mi hna, Bawipa Pathian nih hitin a ti: Ahohmanh nanmahle nan tuahnak cung cio ah bia kan ceih hna lai. Nan ṭhat lonak khan i mer cang ko sawh u, cu ti a si lo ahcun nan ṭhat lonak kha nan tluknak a si lai.

EZEKIEL 5:13

Khi tikah ka thinhunnak cu a dong lai i an cung i ka thinlinhnak cu ka ṭhumh lai i ka dai lai; ka thinlinhnak kha a dih tikah an sin i bia a chimtu cu Bawipa kha ka si i ka ham tuk hna ruangah cu bantukin ka chim ti kha an hngalh lai.

EZEKIEL 33:20

Cucaah maw Israel mi hna, zeitindah nan tuahmi ning tein bia kan ceih hna tikah Bawipa cu ningcang loin rian a ṭuan nan ka ti khawh?’ tiah a ti.

EZEKIEL 16:38

Va cung pa duh le lainawn in taza kan cuai lai i nahchuah le thinhun in thisen a chuahtu tiin sual kan phawt lai.

EZEKIEL 36:19

Miphun kip sinah ka ṭhek hna i ram dangdang ah an i ṭhen dih; an ziaza le an tuahsernak nih a hlawhmi dantatnak kha an cungah ka tlunter.

EZEKIEL 7:27

Siangpahrang cu a ṭap lai, bawi cu vansangau in an um lai i zapi cu ṭihnak in an kut a ther lai. Hmuh awkah an i tlakning in an cungah ka tuah lai i zeicahdah thil an tuahmi kha an tuah tiah ka hal hna lai; cun annih nih keimah cu Bawipa ka si kha an ka hngalh lai,” tiah a ti.

GENESIS 6:13

Cun Pathian nih Noah cu a thawh i, “Minung hi an dihlak in hrawh awkah ka ruah cang. An dihlak in ka hrawh hna lai, zeicahtiah vawlei hi sualnak an tuahmi in a khat.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.

EZEKIEL 7:2

“Mipa, hi bia hi Bawipa Pathian nih Israel mi hna sinah a chim duhmi bia cu a si, a ti: A dih cang! ram cung kil li cungah donghnak cu a tlung lio.

EZEKIEL 7:4

Nannih cu kan zaangfah hna lai lo, kan zuah fawn hna lai lo. Nan tuahmi thil hna le nan lak i a um lengmangmi thil fihnung hna ruangah khan sifahnak kan inter hna lai. Cucaah nannih nih Bawipa ka si kha nan hngalh lai,” tiah a ti.

EZEKIEL 21:25

“Miṭhalopa, mithianglopa, Israel mi uktu bawipa, nangmah dohnak ah dantatnak ni cu a ra cang.

EZEKIEL 22:31

An cungah ka thinhunnak kha ka bungh i ka thinlinhnak mei chungah khan annih cu ka hrawh cikcek hna. Cuticun annih nih hmuh awkah an i tlakmi dantatnak cu an cungah ka tlunter,” tiah Bawipa Pathian nih a ti.

AMOS 8:2

“Zeidah na hmuh, Amos?” tiah a ka ti. Cun kei nih ka thawh i, “Ṭhal caan thingthei a hminmi bawm pakhat,” tiah ka ti. Cun Bawipa nih cun a ka thawh i, “Ka mi Israel mi hna caah caan cu a hmin cang. Zeitikhmanh ah ka ngaithiam ṭhan ti hna lai lo.

JEREMIAH 13:14

Cun ralca pakhat le pakhat an i khawn bantukin annih cu ka den cikcek hna lai, pale zong hual lo, fapa hna zong hual loin. An cungah zaangfahnak siseh, velngeihnak siseh, nemnak siseh, ka ngei lai lo; annih hrawh kha kaa sum hrimhrim lai lo,” tiah Bawipa nih a ti.

EZEKIEL 5:12

Na mi cheu thum cheu khat cu na chungah rai le mangṭam in an thi lai; cheu thum cheu khat cu na pawngkam ram ah vainam in an thi lai; cun cheu thum cheu khat cu khuazakip ah ka ṭhek hna lai i phawi cia vainam he ka zulh hna lai.

EZEKIEL 9:10

Sihmanhsehlaw ka zaangfah bal hna lai lo i ka zuah bal hna lai lo. An tuahmi thil vialte kha zei ruangah dah an tuah, tiah ka chimter hrimhrim hna lai,” tiah a ti.

EZEKIEL 11:21

Sihmanhsehlaw ṭhat lonak an tuahmi le thil fihnung an tuahmi cung i a lung a chia ṭheo rihmi tu cu an tuahmi kha zeicahdah an tuah tiah ka chimter hna lai, tiah Bawipa hrimhrim nih a ti,” tiah a ti.

EZEKIEL 16:43

Dai tein ka um lai i ka thin a hung ti lai lo. Na no lio caan kha na philh i na tuahmi thil vialte hin awklokchong in na ka tuah caah kei zong nih na tuahmi thil ruangah na cungah teirul chamnak kha ka tlunter ve, tiah Bawipa Pathian hrimhrim nih a ti. “Hi ningzahnak hi na tuah lo maw? Fihnungmi thil dang zong na tuah hna lo maw?

EZEKIEL 16:59

Mah hihi Bawipa Pathian bia a si. Aa thawh i, “Nangmah nih biakamnak kha na hrawh i chiatsernak kha zei ah na rel lo caah na hmuh awk hnga a sining in na cungah ka tuah lai.

EZEKIEL 24:14

“Bawipa nih ka chim cang; a caan cu a ra lio ko, ka ṭuan lai. Kaa sum lai lo, zaangfahnak zong ka ngei lai lo, a let zong kaa let lai lo; nangmah cu na ziaza le na tuahmi vialte ruangah khan bia kan ceih lai. Mah hihi Bawipa bia hrimhrim a si,” tiah a ti.

HOSEA 12:3

A nu paw chung hmanh ah khan a unau kha a chawhkanh i Upa a hung si tikah Pathian kha a zuam.