EZEKIEL 2:3 - Lai (Hakha) Common Language Bible 2006

³ A ka thawh i, “Mipa, nangmah cu Israel mi hna sinah khan kan thlah lai, annih cu ralthawh hmang miphun, keimah a ka doh tawnmi miphun an si.

EZEKIEL 2:3 Խաչաձեւ Հղումներ

JEREMIAH 3:25

Ningzak in it ko u sih, kan mualphonak nih khan kan khuh ko seh, Zeicahtiah kanmah le kan pupa hna nih Bawipa kan Pathian cungah khan Hlanpi in atu tiang kan sual i Bawipa kan Pathian kha a bia kan ngai lo,” nan ti.

DEUTERONOMI 9:24

Kan hngalh hna ni ri in nannih cu Bawipa kha a ralchanhmi nan si ko.

ROM 10:15

Cun lamkaltu kha an thlah hna lo ahcun zeitindah bia cu thanh a si khawh lai? Cathiang nih, “Thawngṭha a chimtu hna ke cu a vaa dawh dah,” a ti bantuk khan a si taktak.

LAMKALTU 7:51

“Zeitluk lung hakmi dah nan si rih? Zeitluk in dah lungchung in cuarpar aa tan lomi le Pathian bia theihnak leiah a hna aa chehmi nan si rih! Nannih cu nan pupa hna hlikhlekte kha nan si ko, nannih zong nih Thiang Thlarau kha nan donh zungzal ko!

JEREMIAH 44:21

‘Nanmah le nan pupa hna le nan siangpahrang hna le nan bawile hna le hi ramchung mi hna nih Judah ramchung khua hna ah le Jerusalem khuachung lam ah nan tuahmi raithawinak kha Bawipa nih a philh hna lo,

JEREMIAH 36:2

“Cazual pakhat in i lak law Israel kong le Judah kong le miphun vialte hna kong ah kan chimhmi bia vialte kha, Josiah chan i kan chimh hmasa bik ni thawk in atu tiang ka chimmi kha ṭial tuah.

JEREMIAH 7:2

Bawipa inn kutka ah khan va dir law khika ah khan va thanh tuah: Bawipa biak awkah hi kutka hna chungah a lutmi Judah mi vialte hna, Bawipa bia hi thei tuah u, va ti.

JEREMIAH 1:7

Sihmanhsehlaw Bawipa nih a ka thawh i, “Ngakchiate men ka si, ti hlah; Zeicahtiah cu hna sinah cun va kal, tiah kan tinak ah na kal lai i nawl kan pekmi paoh kha na chim lai.

SALM 106:28

Cun Pathian mi pawl nih khan Peor ah cun Baal kha an biak ve i nunnak a ngei lomi pathian hna sinah rai an thawimi sa kha an ei ve.

NEHEMIAH 9:26

“Sihmanhsehlaw nawl ngai loin an um i nangmah kha an in ral i na phungbia kha an hnulei ah an hlonh i annih cu nangmah lei ah merter ṭhan awkah ralrinnak a petu hna profet hna kha an thah hna i thangchiatnak nganpi kha an tuah.

EZRA 9:7

Kan pupa hna chan in nihin tiang mawhnak nganpi kan tuah lengmang ko; cun kan ṭhat lonak caah cun kanmah le kan siangpahrang hna le kan tlangbawi hna cu ramdang siangpahrang hna kut chungah pek kan si i vainam le saltannak le ramhnak le mualphonak cu nihin i bang hin rak in lengmang kan si.

DEUTERONOMI 9:27

Na sal Abraham, Isak le Jakob kha cingkeng hna law; hi mi hna an lung khonnak siseh, an ṭhat lonak siseh, an sualnak siseh zei ah rel sawh hlah;

NAMBAR 20:10

Cun Moses le Aaron nih mibu cu hmunkhat ah lungpi hmaiah cun an pumh hna i annih sinah, “Nannih ralchanh hmangmi hna, ngai tuah u; hi lungpi chung hin nan caah ti kan chuahter lai maw?” tiah a ti.

EZEKIEL 17:12

“Ralthawh hmangmi hna kha, hi bianabia sullam hi nan hngal maw? tiah hal tuah hna. Babilon siangpahrang kha Jerusalem ah a ra i an siangpahrang le a bawi pawl kha Babilonia ah a kalpi hna tiah chim hna.

EZEKIEL 24:3

Hi ral thawh hmangmi hna hi hla phuah hna law annih cu, hihi Bawipa bia cu an si tiah chim hna: Mei cungah um nganpi kha khing tuah, Khing law a chungah ti toih tuah;

EZEKIEL 40:4

A ka thawh i, “Mipa, ṭha tein zoh law ṭha tein ngai hmanh, kan hmuhsakmi thil vialte kha ṭha tein i chingchiah hna, cucaah cun pei hika ah hin ratpi na si fam cu. Cun na hmuhmi vialte kha Israel mi va chim dih hna,” a ka ti.

AMOS 7:15

Sihmanhsehlaw saṭil ka khalh lio hna ah khan Bawipa nih a ka lak riangmang i, “Va kal law ka mi Israel mi kha va chim hna,” tiah a ka ti.

2 SIANGPAHRANG 17:14

Sihmanhsehlaw annih nih ngaih an duh lo, Bawipa an Pathian a rak zum lomi an pupa hna an lung a hah bantuk khan an lung a hak ve.

2 SIANGPAHRANG 17:15

Annih nih a nawlbia hna le an pupa hna he a rak tuahmi a biakamnak le ralrinnak a pekmi hna cu zeihmanh ah an rel lo. A deu a simi thil, siasal kha an zulh hna i annih zong a deu ah an i cang, cun Bawipa nih anmah tuah bantukin nan tuah ve lai lo, tiin nawl a pekmi hna an pawngkam i a ummi miphun hna kha an zulh hna.

ISAIAH 30:1

Bawipa nih aa thawh i, “Keimah kha an ka doh caah Judah ram a uktu hna cu an lo cang. Ka khuakhanmi a si lomi kha an zulh i ka duh lo nain hnatlak ṭinak an tuah, sualnak pakhat cungah a dang pakhat an chap chin lengmang.

JEREMIAH 44:20

Cun Jeremiah nih hi nu hna le pa hna le mi vialte sinin cu bantuk lehnak kha a hmuh tikah aa thawh i,

MALAKHI 3:7

Nan pupa chan in nannih cu lampial hmangmi nan si i ka phunglam kha nan zul hna lo. Ka sinah nan ra kir ahcun, nan sinah ka ra kir ve lai, tiah ralkapbu Bawipa nih a ti. Nannih nih nan i thawh i, “Zeitindah kan kir khawh lai?” nan ti.