EXODUS 9:4 - Lai (Hakha) Common Language Bible 2006

⁴ Israel mi hna saṭil le Izipt mi hna saṭil kha ka thleidan hna lai i Israel mi ta a simi cu pakhat hmanh an thi lai lo.

EXODUS 9:4 Խաչաձեւ Հղումներ

EXODUS 8:22

Cu ni ah cun ka mi hna umnak Goshen ram kha cu ka zuah lai i cuka ah cun tho pakhat hmanh an um lai lo, zeicahdah cuticun a si lai ti ahcun, Faro nih keimah Bawipa nih hi ram ah rian ka ṭuan kha a hngalh khawh nakhnga caah a si lai.

MALAKHI 3:18

Miṭha kha miṭhalo sinin nan thleidan khawh ṭhan hna lai i Pathian rian a ṭuanmi kha a ṭuan lomi sinin nan thleidan khawh ṭhan hna lai.

EXODUS 12:13

Thisen hi nannih nan umnak inn hmelchunhnak a si lai. Thisen kha ka hmuh tikah nannih cu kan lanhtak hna lai i Izipt ram ka hrem tikah dantatnak nih a chuahtermi rawhralnak cu nan cungah a tlung lai lo.

EXODUS 10:23

Izipt mi cu pakhat le pakhat an i hmu kho lo i ni thum chung ahohmanh an inn in a chuak kho an um lo. Asinain Israel mi an umnak ah khan cun ceunak a um ko.

EXODUS 9:5

Bawipa nih caan ka khiah cang; thaizing ah ka tuah lai,’ a ti, tiah na va chimh lai,” a ti.

EXODUS 9:6

A thaizing ah Bawipa nih a chim bantuk cun a tuah taktak i Izipt mi saṭil vialte cu an thi dih, sihmanhsehlaw Israel mi hna saṭil cu pakhat hmanh an thi lo.

EXODUS 9:26

Israel mi an umnak Goshen ram lawnglawng kha rial a tlak lonak hmun cu a si.

AMOS 4:7

Rawl ṭuannak caan tiangah thla thum a duh rih lioah, Nan cungah ruah sur loin a khamtu cu keimah ka si; Khua pakhat cungah cun ruah cu ka surter ko lai i Khua dang pakhat cungah cun sur loin ka umter ko lai; Lo pakhat cu ruah nih a surh ko lai i Sihmanhsehlaw lo dang pakhat cu a surh lo caah a car ko lai.

EXODUS 8:19

Camhthiam pawl nih khan Faro cu, “Hihi cu Pathian tuahmi a si,” an ti. Sihmanhsehlaw Faro cu a lung a hak ko i Bawipa nih a rak chim bantuk te khan Moses le Aaron cu an bia a ngai duh hna lo.