EXODUS 7:23 - Lai (Hakha) Common Language Bible 2006

²³ Faro cu aa thawh i a inn ah a ṭin, an tuahmi cu zeihmanh ah a relpiak hna lo.

EXODUS 7:23 Խաչաձեւ Հղումներ

MALAKHI 2:2

Nannih nih ka bia kha nan ngaih lo i ka min kha nan upat lo ahcun, nan cungah chiatnak ka tlunter lai, tiah ralkapbu Bawipa nih a ti. Nannih nih zei ah nan ka rel lo caah thluachuahnak nan hmuhmi cu chiatserhnak caah ka canter lai, chiatsernak ah ka canter taktak lai.

HABAKKUK 1:5

Nannih mihlenhmang mi hna, zohhmanh u: Mah hihi nan khuaruah an hartertu hna le nan lung an suhaitu hna cu a si lai, Nanmah nan chan chungah hin thil pakhat ka tuah lai i cu thil cu an in chimh hna hmanh ah nan zum kho lai lo.

EZEKIEL 40:4

A ka thawh i, “Mipa, ṭha tein zoh law ṭha tein ngai hmanh, kan hmuhsakmi thil vialte kha ṭha tein i chingchiah hna, cucaah cun pei hika ah hin ratpi na si fam cu. Cun na hmuhmi vialte kha Israel mi va chim dih hna,” a ka ti.

JEREMIAH 36:24

Siangpahrang siseh, hi bia a theimi a sinum nih si hna seh, thinphannak a langhter i a puan a thlekmi ahohmanh an um lo.

JEREMIAH 5:3

Maw Bawipa, na mit nih biatak kha a kawl a si lo maw? Nangmah nih annih kha na tuk hna, sihmanhsehlaw an zei a poi lo, An lung kha na chunh hna, sihmanhsehlaw an i remh hlei lo. Annih nih an hmai cu ṭeklung nak hak deuh ah an ser i Ngaihchih kha an duh lo.

ISAIAH 26:11

Na ral nih, dan a kan tat lai, ti awk an hngal lo, temhinnak pe hna law na timhmi dantatnak kha inter hna. Na mi kha zeitluk in dah na dawt hna ti kha annih cu hmuhsak hna.

PHUNGTHLÛKBIA 29:1

Atu le atu chimhhrin a si ko nain a lung a ṭhawng rih komi cu, Damh khawh ti loin chikkhatte ah a kiak lai.

PHUNGTHLÛKBIA 24:32

Cun ṭha tein cucu ka zoh i khua ka ruat i hi cawnpiaknak hi kaa hmuh:

PHUNGTHLÛKBIA 22:17

Na hna chi law mifim mi bia hi kan cawnpiak lai. Cun na lungthin cu ka fimnak na hmuh nakhnga caah hmang tuah;

SALM 62:10

Zaangṭhawnnak le puarhrannak hi i bochan hlah u, mi thil chuh khawh hi i ruahchan hlah u; na rumnak hi karh lengmang hmanh seh law i bochan hlah.

JOB 7:17

Minung hi zeidah a si i hi ti ko hin biapi ah na rel i A cungah na ruahnak na chiah i

1 SAMUEL 4:20

Cun a thih dengmang lioah khan amah a zohkhentu nu hna nih cun, “Ṭih hlah, zeicahtiah fapa na hrin,” an ti. Sihmanhsehlaw a let hna lo i zei zongah a rel fawn lo.

DEUTERONOMI 32:46

annih sinah, “Nihin ah ralrinnak bia kan pekmi hna vialte hi nan lung chungah i chiah tuah u. Hi phungbia chung bia vialte cu, ṭha tein an tuah nakhnga, nan fale kha nawl pe hna u.

EXODUS 9:21

Asinain a cheu nih cun Bawipa chimmi kha zeihmanh ah an rel lo i an salle le an saṭil hna kha lo lakah cun an kaltak ko hna.

EXODUS 7:22

Cun Izipt mi camhthiam pawl nih khan cu bantuk cu an tuah ve i Faro cu hmasa bantuk ṭhiamṭhiam khan a lung a ṭhawng ko. Bawipa nih a chim bantukte khan Moses le Aaron cu an bia a ngai duh hna lo.

EXODUS 7:24

Tiva ti kha an din khawh lo caah Izipt mi vialte nih khan tiva tlang kha ti din awk ti kawlnak ah an cawh.

EXODUS 9:20

Faro bawi a cheu pawl kha cu Bawipa nih a chimmi kha an ṭih i cucaah an salle le an saṭil kha inn chungah an khumh hna.

PHUNGTHLÛKBIA 28:14

Bawipa a ṭih zungzalmi cu mi thluachuak an si, sihmanhsehlaw a lung a hahtermi cu vanchiatnak chungah an tla lai.

ISAIAH 47:7

Siangpahrang bawinu ka si zungzal rua lai tiah naa ruat i hi thil hi na lung tak in na rak ruat bal hna lo, zeitindah an dongh te lai ti zong kha na rak ruat bal lo.