EXODUS 7:1 - Lai (Hakha) Common Language Bible 2006

¹ Bawipa nih khan Moses cu a thawh i, “Zohhmanh, nangmah cu Faro caah Pathian bantuk ah kan ser lai i na u Aaron nih na profet bantukin a sinah bia a chim lai.

EXODUS 7:1 Խաչաձեւ Հղումներ

SALM 82:6

Nannih cu pathian nan si, Cungnung Bik fapa nan si, kan ti hna.

JEREMIAH 1:10

Zohhmanh nihin ah hin nangmah cu miphun hna cung le pennak hna cungah, phawi awk le ṭheh awkah, hrawh awk le hral awkah, sak awk le phun awkah kan chiah cang,” tiah a ti.

1 SIANGPAHRANG 17:23

Cun Elijah nih ngakchia cu a lak i cungdot cun inn chungah a runpi i a nu kha a pek; cun Elijah nih a thawh i, “Zohhmanh, na fapa a nung hih,” tiah a ti.

2 SIANGPAHRANG 6:32

Elisha cu a inn ah khan a ṭhu ko i upa hna cu amah sinah khan an ṭhu ve. Cun siangpahrang nih amah sinin mi pakhat a thlah i lamkaltu kha a ra phak hlanah khan Elisha nih cun upa hna cu, “Zeitindah lainawngpa nih hin keimah lu kha tan awkah a mi a thlah ti kha nan hngal maw? Zohhmanh u, lamkaltu kha a rat tikah, innka kha khar u law innka kha fek tein hrenhkanh u. A bawipa ke lamh thawng nih amah cu a zulh colh a si lo mei?” tiah a ti.

EXODUS 16:29

Dinh ni an petu hna cu Bawipa ka si kha philh hlah u, dinh ni a si ruangah cun pei ni ruk ni ah ni hnih ca za dingin rawl kan pek hna cu. Nan umnak hmun cio ah nan um awk a si, ahohmanh nan inn in nan chuak lai lo,” a ti.

GENESIS 19:21

Anih nih aa thawh i, “Cucu ka hna a tla; khi khua cu ka hrawk lai lo.

PHUNGCHIMTU 1:10

“Zohhmanh, mah hihi a thar a si,” an ti; sihmanhsehlaw cucu hlanpi ah, kan chuah hlanpi ah a rak um diam cangmi a si.

SALM 78:12

An pupa hna mithmuh hrimhrim ah khan Pathian nih khuaruahharmi thil pakhat a tuah, Zoan lo ah, Izipt ram ah khan a tuah.

LAMKALTU 7:7

Sihmanhsehlaw an rianhmi hna miphun cu bia ka ceih hna lai,’ ti hi a si i, ‘Cun a hnuah cu ram cun an chuak lai i hi hmun ah hin an ka biak lai,’ ti zongah Pathian nih cun a ti fawn.