EXODUS 6:1 - Lai (Hakha) Common Language Bible 2006

¹ Cun Bawipa nih Moses cu a thawh i, “Atu cu Faro cungah zeidah ka tuah lai ti kha na hmuh cang lai. Annih kalter dingah khan a hnek hrimhrim in ka hnek lai. A ram chungin a ṭhawl hrimhrim in an ṭhawl hna lai,” a ti.

EXODUS 6:1 Խաչաձեւ Հղումներ

EXODUS 12:33

Izipt mi nih khan, khulrang in chuak ko u, nan chuah lo ahcun kan thi dih ko lai, tiah heh tiah an nawl hna.

SALM 136:12

A ṭhawngmi a kut le a ban in a chuahpi hna, a dawtnak cu zungzal in a hmun.

EXODUS 12:39

Izipt ram in an i chuahpimi thilnu telh lo changnawn kha changreu ah an ser. Izipt ram in khulrang tuk in an ṭhawl hna caah khan thilnu cu an phulh lo. Rawl i timhlamhnak caan zeihmanh an ngei lo.

EXODUS 12:31

Cu zan ṭhiamṭhiam ah cun Faro nih khan Moses le Aaron cu a auh hna i, “Nanmah le Israel mi hna cu khulrang in chuak u. Ka mi kha kaltak hna u law nan ti bangin nan Pathian cu va bia u.

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

EXODUS 11:1

Bawipa nih Moses cu a thawh i, “Faro le Izipt mi hna cungah hin dantatnak pakhat lawnglawng ka tlunter rih lai. Cu hnuah cun an kalter ko hna lai. An kalter hna tikah cun a ṭhawl in an ṭhawl hna lai.

ISAIAH 63:12

Zungzal hmunmi minthannak hmuh awkah, a mi hna hmaiah rili hmanh a cheu i a sal Moses thawngin thil lianngan a tuah i a ṭhawnnak a hmangmi Bawipa kha khuika ah dah a si hnga?” an ti.

SALM 89:13

Zeitluk in dah na lianhngan! Zeitluk in dah na ṭhawn!

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

2 CHANRELNAK 20:17

Hi i tuknak chungah hin nannih nih nan tuk a hau lai lo; nan um hmun kha i tlaih u law dai tein dir ko u law nanmah ca i Bawipa nih teinak an tuahpiakmi hna kha zoh ko u, maw Judah le Jerusalem hna,’ a ti. Nan thinphang hlah u, nan lungdong hlah u; thaizing ah chuahhnawh hna u law Bawipa cu nan sinah a um lai,” tiah a ti.

2 SIANGPAHRANG 7:19

ralbawipa nih cun Pathian mi kha, “Bawipa hrimhrim hmanh nih van ah khin thlalangawng a ser hna hmanh ah, mah bantuk thil cu a cang kho hnga maw?” tiah a rak leh. Cun anih nih a rak thawh i, “Na mit cun na hmuh sawk lai, sihmanhsehlaw a ei cu na ei lai lo,” a ti.

2 SIANGPAHRANG 7:2

Cun siangpahrang nih a kut aa hngatchanmi ralbawi nih khan Pathian mi cu a thawh i, “Bawipa hrimhrim hmanh nih van ah khin thlalangawng hna a ser hmanh ah, mah thil hi a si kho hnga maw?” tiah a ti. Sihmanhsehlaw anih nih, “Na mit hrimhrim in na hmuh lai, sihmanhsehlaw a ei cu na ei lai lo” tiah a ti.

DEUTERONOMI 4:34

Asiloah, pathian zei tal nih miphun dang pakhat chungin miphun pakhat cu amah ca i va kal i vaa lak awkah, hneksaknak le hmelchunhnak le khuaruahharnak le ral dohnak le a ṭhawngmi kut le samhmi ban le thil ṭihnung in, Bawipa nan Pathian nih Izipt ram ah nan mit hmuh ah an tuahpiakmi hna vialte bang khan tuah a zal bal maw?

EXODUS 14:13

Moses nih khan mi zapi cu a leh hna i, “Nan thinphang hlah u! Fek tein dir u law nanmah khamh awkah Bawipa nih zeidah nihin ah a tuah lai kha zoh tuah u: cu a tuah laimi cu hihi a si lai, nihin i nan hmuhmi Izipt mi hna hi zeitikhmanh ah nan hmu ṭhan ti hna lai lo.

EXODUS 13:3

Mi zapi kha Moses nih cun a thawh hna i, “Sal ah nan cannak inn, Izipt ram in nan chuah ni hi philh hrimhrim hlah u, zeicahtiah hi ni ah hin Bawipa nih ṭhawnnak a liannganmi he an chuahpi hna. Thilnu phulhmi changreu nan ei hrimhrim lai lo.

LAMKALTU 13:17

Hi Israel miphun Pathian nih hin, kan pupa hna kha a rak thim hna i Izipt ram chung i ramdangmi bantukin khua an vung sak lioah khan miphun nganpi ah a ser hna. Pathian nih a liannganmi a ṭhawnnak in Izipt ram in a chuahter hna i

EXODUS 7:4

na bia a ngai duh lai lo. Cu tikah ka ṭhawnnak cu Izipt ram ah khan ka langhter lai i Izipt mi kha fak piin dan ka tat hna lai; cun ka ralkapbu, Israel mi kha Izipt ram cun ka chuahpi hna lai.

EXODUS 7:5

Izipt mi nih cun an cung i ka kut ka hler tik le Israel mi kha an ram chungin ka chuahpi hna tikah, keimah cu Bawipa ka si kha an hngalh lai,” a ti.

EXODUS 15:6

Bawipa, na orhlei kut a ṭhawngmi cu khuaruahhar a si; ral pawl kha a den cikcek hna.

EXODUS 13:9

Bawipa nih ṭhawnnak nganpi in Izipt ram in an chuahpi hna caah Bawipa phungbia cu nan chim zungzal awk a si lai, cu bantukin nan chim zungzal khawh nakhnga hi phunglam cu nan ban i nan i khihmi hmelchunhnak le nan cal i nan i ṭem chihmi ruah nolhtertu bantukin, thil an theih ṭhantertu hna a si lai.

EXODUS 13:14

Hmailei ah nan fale nih, ‘Hihi a sullam zeidah a si?’ tiah an in hal hna ahcun, ‘Sal i kan cannak inn, Izipt ram chung i fater vialte kha, minung he saram he, Bawipa nih a rak thah dih hna. Cu ruangah cun fater paohpaoh Bawipa sinah raithawinak i kan pekchanh hna hi a si i kan fater hna kan tlanh hna hi a si,’ tiah nan leh hna lai.

EXODUS 13:16

Bawipa nih Izipt ram in ṭhawnnak lianngan in a kan chuahpi caah hi phunglam cu nan caah, nan ban i nan i khihmi hmelchunhnak le nan cal i nan i ṭem chihmi hmelchunhnak bantukin, thil an hngalhter ṭhantu hna a si lai,” a ti.

NAMBAR 11:23

Cun Bawipa nih Moses sinah cun, “Bawipa kut cu a tawi hlah maw? Nannih ca i ka bia bangin a tlin le tlin lo cu na hmuh ko lai,” tiah a ti.

SALM 12:6

Bawipa biakamnak cu zumhawktlak an si; somei chungah voi sarih tiang erletmi ngun tlukin an thiang.