EXODUS 5:4 - Lai (Hakha) Common Language Bible 2006

⁴ Izipt siangpahrang nih cun Moses le Aaron cu, “Mi an rian nan ṭhulh hna hi a sullam zeidah a si? Sal hna, nan rian ah khan kal ko u,” a ti hna.

EXODUS 5:4 Խաչաձեւ Հղումներ

EXODUS 1:11

Cucaah sal uktu bawi kha an cungah an chiah hna i rian fak ṭuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak.

LAMKALTU 24:5

Hi pa hi hnahnawhnak a tuah lengmangtu, mi ṭihnung a si tiah kan hmuh; vawleicung khuazakip ah Judah mi hna lakah khan hnahnawhnak a thawhter lengmang i amah hi mibu bu khat Nazareth khuami mibu timi a hruitu hna a si.

LUKA 23:2

Anih cu sual kha an phawt i, “Hi pa nih hin kan mi hna a pingah a hruai hna kha kan tlaih, a thawh hna i Sizar Siangpahrang sinah ngunkhuai nan pe lai lo, a ti hna i, keimah hi siangpahrang Khrih cu ka si, a ti hna,” an ti.

AMOS 7:10

Khi tikah Bethel khua i tlangbawi Amaziah nih khan Israel siangpahrang Jeroboam cu thawng a thanh i, “Israel miphun lakah nangmah doh awkah Amos nih khua a khan lengmang ko i a chimmi bia hi kan ram nih a ing kho ti lo.

JEREMIAH 38:4

Cun bawi hna nih cun siangpahrang sinah cun, “Hi mipa hi thah awk a si, zeicahtiah hi bantukin a chimnak thawng hin ralkap hna le hi khua chung i a tangmi hna hi an lung a derter hna. Hi pa hi mi ṭhatnak a kawlmi si loin an chiatnak a kawlmi tu a si deuh,” an ti.

EXODUS 2:11

Cu hnu tlawmpal, Moses cu a hung upat tikah khan, a phunhawi mi cu a va leng hna i zeitluk in dah rianhrang ṭuan an hnek hna ti kha a va hmuh. A miphun hawi pakhat Izipt mipa i a thah zong kha a va hmuh fawn.

EXODUS 6:5

Atu cu Izipt mi nih sal ah an zuatmi hna Israel mi an aihramnak kha ka theih i ka biakamnak kha ka philh lo.