EXODUS 5:2 - Lai (Hakha) Common Language Bible 2006

² Faro nih cun, “Bawipa cu ahodah a si?” tiah a leh hna. “Zeicahdah a bia cu ka ngaih lai i Israel mi cu ka kalter hna lai? Bawipa cu ka hngal lo; Israel mi cu ka kalter hrimhrim hna lai lo,” a ti.

EXODUS 5:2 Խաչաձեւ Հղումներ

EXODUS 3:19

Hramhram in hnek lo ahcun Izipt siangpahrang nih cun an kalter duh hna lai lo ti cu ka hngalh ko.

JOB 21:15

Lianngan Bik cu an i thawh i, ‘Ahodah na si i na rian kan ṭuan hnga cu? Na sin i thla kan cam ah zei miaknak dah kan hmuh?’ an ti.

2 SIANGPAHRANG 18:35

Jerusalem cu Bawipa nih ka kut chungin a chuahter nakhnga ding caah, hi ram vialte hna pathian hna lakah hin ka kut chungin an ram a chuahter khotu aho tal an um maw?” a ti,” tiah a ti.

2 THESALON 1:8

meizik he, Pathian a hngal lomi hna le Bawipa Jesuh kong Thawngṭha a ngai duh lomi hna dantat awkah, a rung ṭum tikah ding tein a tuah lai.

ROM 1:28

Pathian kong hngalh taktak cu minung nih khan an lung chung i chiah an duh lo caah a thurhnawmmi lungthin ngeih awkah khan a thlah hna i cucaah cun tuah awk a si lomi thil kha an tuah.

JOHAN 16:3

Ka Pa zong, keimah zong an kan hngalh lo caah hi bantukin nan cungah an tuah lai.

SALM 14:1

Mihrut nih cun an i thawh i, “Pathian a um lo,” an ti. An dihlak in an thu, thil ṭhalo kha an tuah; ahmaanmi thil a tuahmi ahohmanh an um lo.

SALM 12:4

Annih nih an i thawh i, “Kan duhmi paoh kan chim ko lai, ahohmanh nih an kan kham kho lai lo. Aho nih dah, cucu nan chim awk a si, tiah an kan chimh khawh lai?” an ti.

SALM 10:4

A ruam a kai caah miṭhalo nih cun aa thawh i, “Pathian nih cun dan a ka tat lai lo, ka duhnak ṭhalo kha a zeihmanh a poi lem lai lo,” a ti. Miṭhalopa nih a ruahmi cu cucu a si.

2 CHANRELNAK 32:19

Cun vawlei cung miphun hna pathian, mi kut sermi a simi hna an ti hna bantuk khan Jerusalem khua Pathian cu an ti ve.

2 CHANRELNAK 32:15

Cucaah Hezekiah cu hi bantukin i hlenter hlah u law a pingah i hruaiter hlah u, cun amah kha zum hlah u, zeicahtiah mi zei miphun pathian siseh, zei ram pathian siseh, ka pupa hna kut chungin siseh keimah kut chungin siseh a mi a chanh khotu hna an um lo. Zeitindah nan Pathian chinchin nih cun ka kut chung cun an chuah khawh hna lai!’ a ti,” tiah an ti.

1 SAMUEL 2:12

Cun Eli fapa hna cu mizeiruaramlo an si; Bawipa kha an hmaizah lo.

EXODUS 7:17

Cucaah Bawipa chimmi cu, “Ka tuah laimi thil thawng hin Bawipa ka si cu na hngalh lai,” ti hi a si. Zohhmanh, hi ṭhiangṭhunh hin tiva ti kha ka tuk lai i thisen ah a cang lai.

BIACEIHTU 2:10

Cun cu chan mi vialte zong cu an pupa hna sinah pumh an si; cun annih hnuah Bawipa siseh, Israel ca i a tuahmi rian siseh, a hngal lomi chan thar a hung chuak.

2 CHANRELNAK 32:14

Nan Pathian nih hin ka kut chungin an chuah khawh hna nakhnga ah hin, ka pa nih a hrawh cikcekmi miphun hna i an pathian hna lakah khan aho tal nih a miphun cu ka kut chungin a chuah kho hna maw?

NEHEMIAH 9:10

kan pupa hna kha zeirello in an ti hna kha na hngalh caah Faro le sinum hna le a ram mi vialte hna cungah hmelchunhnak le khuaruahhar kha na tuah i nihin ni tiangah a si bang hin min pakhat naa ser.

JEREMIAH 42:13

Sihmanhsehlaw nannih nih, Bawipa nan Pathian cu a nawl ngai loin nan um sual ko hnga i, ‘Hi ram ah hin kan um lai lo.

JEREMIAH 48:26

“Moab kha, Bawipa cu zei i a rel lo caah ritter law a luak ah khan i bual seh law nihsawhnak hmu seh.

DANIEL 3:15

Nannih nih muko thawng le tingtang thawng le tummi a phunphun le hlasak thawng kha nan theih tikah, kan bawk lai i na phunmi milem cu kan biak lai, nan ti ahcun a ṭha ko lai. Sihmanhsehlaw nan biak lo ahcun, a alh hluahmahmi meiphu chungah nannih cu paih nan si colh ko lai; ka ṭhawnnak chungin an chuah khotu hna zei pathian tal a um lai, tiah nan ruat maw?” tiah a ti.

1 SAMUEL 25:10

Cun Nabal nih David sinum hna cu a leh hna i, “David cu ahodah a si? Jesse fapa cu ahodah a si? Atu caan lioah hin an bawile sinin a zammi sal tampi an um.

JOB 15:25

Amah nih cun Pathian kha a kuttum a chuahhnawh i Lianngan Bik cu zeirello in a um;

JOB 15:26

A lu aa khun riangmang i a phaw laipawng chahpi he cun a zuanhnawh.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

PHUNGTHLÛKBIA 30:9

Zeicahtiah tam tuk ka ngeih ahcun kan hlawt sual lai i, “Bawipa cu aho hen dah a si?” ka ti sual lai; ka si a fah ahcun ka fir sual lai i ka Pathian min cu ka thurhhnawmh sual lai.