EXODUS 40:35 - Lai (Hakha) Common Language Bible 2006

³⁵ Pumhnak thlam cungah cun minmei kha a um i Bawipa sunparnak cu a chung kha a khah caah Moses cu a lut kho lo.

EXODUS 40:35 Խաչաձեւ Հղումներ

1 SIANGPAHRANG 8:11

cucaah minmei ruangah khan rianṭuan awkah tlangbawi hna cu an dir kho lo; zeitintiah Bawipa sunparnak cu Bawipa inn kha a khat.

ISAIAH 6:4

An aw nih cun biakinn cu a hram in a hninh i biakinn cu meikhu in a khat.

2 CHANRELNAK 7:2

Cun Bawipa sunparnak cu Bawipa inn kha a khah caah tlangbawi hna cu Bawipa inn ah khan an lut kho lo.

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

BIAPHUAN 15:8

Biakinn cu Pathian sunparnak le lianhngannak meikhu in a khat i vancungmi pasarih nih hremnak pasarih an tlunpimi a dih hlantiang ahohmanh biakinn chungah cun an lut kho lo.

NAMBAR 7:89

Cun Moses nih tonnak thlam chungah Bawipa he i chawnh awk i a luh tikah khan biahngalhternak kuang cung i a ummi velngeihnak ṭhutdan cung khan, cherubim pahnih hna karlak khan amah a run chawntu aw cu a theih i cuticun amah cu a run chawnh.

1 SIANGPAHRANG 8:10

Cun tlangbawi kha hmunthiang chungin an chuah tikah Bawipa inn cu minmei a khat.

EZEKIEL 10:4

Bawipa sunparnak cu cherubim hna cung cun a tho i sangpi ah a kai i tual leiah cun a kal; cun biakinn chungah cun minmei cu aa zel i Bawipa sunparnak ceu nih cun a tual cu a ceuh.

EXODUS 16:10

Aaron nih mi zapi cu bia a chimh lio hna ah ramcar lei kha an hoih i cu lioah cun khulrang in Bawipa sunparnak cu vandawm in a rung lang.

EXODUS 29:43

Hika hmun ah hin ka mi Israel mi cu ka ton hna lai i cuka hmun cu ka sunparnak nih khan hmun zarh ah a canter lai.

NAMBAR 9:15

Puan biakinn an dirter ni ah cun, minmei nih puan biakinn, bia hngalhternak thlam cu a zelh i, zanlei ah cun puan biakinn cungah cun mei alh mui bantukin zinglei tiang a um.

ISAIAH 4:5

Cun Zion Tlang cung le khika i aa pummi vialte hna cungah Bawipa nih chun ah minmei a zamter lai i zan ah meikhu le a ceumi meizik kha a umter lai. Pathian sunparnak nih khua cu a pumpi in a khuh lai i a hum a zual lai.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

EZEKIEL 43:4

Bawipa sunparnak cu biakinn leiah cun a hung kal i nichuahlei hoih in a ummi kutka leiah khan a kal.