EXODUS 36:1 - Lai (Hakha) Common Language Bible 2006

¹ “Bazalel le Oholiab le Bawipa nih thiamnak le hngalhnak a pekmi zungthiammi vialte hna, biakinn saknak caah a herhmi thil paohpaoh tuah a thiammi hna nih khan, zeizong vialte cu Bawipa nih a chimning tein an ser awk a si lai,” a ti hna.

EXODUS 36:1 Խաչաձեւ Հղումներ

EXODUS 28:3

Keimah nih thiamnak ka pekmi hna zungthiam vialte kha Aaron thuam cu serter hna law Aaron nih cun ka tlangbawi rian cu ṭuan seh.

EXODUS 39:1

Tuuhmul a dum, a sendung le a senmi khan tlangbawi nih biakinn chung rian ṭuannak ca i a hman ding puan kha an ser hna. Bawipa nih Moses a chimhning khan Aaron ca puan thiang cu an ser hna.

EXODUS 25:8

Biakinn pakhat an ka serpiak lai i cuticun an lakah ka um lai.

LUKA 1:6

An pahnih in Pathian hmaiah nuncan ṭha in a nung i Bawipa nawlbia vialte le phunglam vialte tlamtling tein a zulmi an si.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

HEBRU 8:2

Hmun Thiang Bik chungah khan Tlangbawi Ngan rian kha a ṭuan i cu a ṭuannak cu minung sakmi si loin Pathian sakmi biaknak thlam taktak chungah khan a si.

SALM 119:6

Na nawlbia vialte kha ṭha tein kaa zohchih hna ahcun ningzahnak ka phan lai lo.

NAMBAR 7:9

Sihmanhsehlaw Kohath fapa cu zeihmanh a pe hna lo, zeicahtiah annih cu thil thiang, liang i put awk a simi hna zohkhenh kha thiah an si.

EXODUS 36:2

Moses nih Bezalel le Oholiab le Bawipa nih thiamnak a pekmi zungthiam pawl vialte, rianṭuan awk caah timhcia in a ummi vialte hna kha a auh hna i rian cu thawk cang u tiah a ti hna.

1 SIANGPAHRANG 7:14

Amah cu Naftali phun chung i nuhmei pakhat i a fapa a si i a pa cu Tair mi a si, amah cu dar lei i zungthiam a si; amah cu dar leiah cun fimnak le hngalhthiamnak le zung thiamnak in a khatmi a si. Siangpahrang Solomon sinah khan a ra i a rian vialte kha a ṭuanpiak.

1 CHANRELNAK 28:21

Cun Pathian inn rianṭuannak vialte ca i tlangbawi bu hna le Levi mibu hna hi zoh tuah hna; cun hi rian vialte ah hin zungthiammi paoh nih anmah le an thiamnak zawn rian paoh ah khan an in ṭanpi lai i bawi hna le mi vialte hna zong hi nangmah nawl tangah an um dih lai,” tiah a ti.

EXODUS 12:28

Israel mi cu an kal i mahticun an tuah; Bawipa nih Moses le Aaron a fial hna ning khan an tuah.

EXODUS 31:11

thuhnak chiti le hmunthiang ca zihmui, hi an si. Hi thil vialte hi keimah nih kan chimhningte khan an tuah dih awk a si lai,” a ti.

EXODUS 38:23

Amah a bawmtu Dan phun chung mi Ahisamak fapa Oholiab kha lung ṭial thiam, pungsan suai thiam le tuuhmul a dum, sendung, a sen le khumla hmangṭhia tah thiam a si.

1 CHANRELNAK 2:20

Hur cu Uri pa kha a si i Uri cu Bezalel pa kha a si.