EXODUS 34:5 - Lai (Hakha) Common Language Bible 2006

⁵ Bawipa cu khuadawm in a rung ṭum i a sinah cun a rung dir i ka min cu Bawipa a si, tiah a ti.

EXODUS 34:5 Խաչաձեւ Հղումներ

EXODUS 33:19

Bawipa nih cun, “Kaa dawhnak vialte kha na hmai in ka lanhter duahmah hna lai i na theih hngan hrimhrim ah ka min cu Bawipa a si ti kha ka chim lai. Zaangfah ka duhmi kha ka zaangfah hna lai i vel ngeih ka duhmi kha vel ka ngeih ko hna lai,” a ti.

NAMBAR 11:25

Cu tikah Bawipa cu minmei khan a rung ṭum i amah cu a chawnh i amah cung i a ummi thlarau kha tlawmpal in a lak i upa sawm sarih cungah khan a chiah; cun thlarau nih annih cungah a um tikah annih nih bia an chim cukmak. Sihmanhsehlaw cu bantuk cun an tuah ṭhan ti lo.

EXODUS 33:9

Moses a vung luh tikah khan, minmei tom kha a rung ṭum i thlam kaa ah cun a um i Bawipa nih Moses cu minmei chung cun a chawnh.

NAMBAR 11:17

Cun ka rung ṭum lai i khika ah nangmah he kan i chawn lai; cun nangmah cungah a ummi thlarau cu tlawmpal in ka lak lai i an cungah ka chiah lai i nangmah lawng nih na phorh nakhnga lo, mi hna thil cu an in phorhpi lai.

ISAIAH 1:10

Jerusalem, na uktu bawi hna le na mi hna hi Sodom le Gomorrah khuami bantuk kha an si. Bawipa nih an chimhmi bia hi ngai tuah. Kan Pathian nih an cawnpiak mi hi ṭha tein ruat tuah.

PHUNGTHLÛKBIA 18:10

Bawipa min cu a fekmi innsang a si, miding cu khika ah khan an va tli i an him.

SALM 102:21

Cucaah Bawipa min cu mi nih Zion ah an chim lai i Jerusalem ah amah cu an lawmh lai;

DEUTERONOMI 32:3

Zeitintiah Bawipa min kha ka thanh lai. Lianngannak cu kan Pathian pe ko u!

EXODUS 19:18

Bawipa cu Sinai Tlang cungah khan mei in a rung ṭum caah Sinai Tlang cu a dihlak in meikhu nih a zelh. Meikhu cu meiphu meikhu bantuk khin a kai hluahmah i mi zapi cu an dihlak in a ther in an ther.

NAMBAR 14:17

Cucaah Bawipa, nangmah nih, ‘Bawipa cu a thin a fual i a fekmi dawtnak tampi a ngei, ṭhat lonak le phung buarnak cu a ngaihthiam khawh, sihmanhsehlaw a sualmi cu zei ti hmanh in a luatter men lai lo; an pale ṭhat lonak cu an fale cungah a tlunter lai, chan thum chan li tiangin,’ ti i bia na rak kamnak a lianhngan tluk khan na ṭhawnnak cu lianngan ko seh tiah kan nawl.

EXODUS 19:9

Bawipa nih Moses cu, “Mi zapi nih nangmah he bia kan i ruah kha an theih i nangmah kha an in zumh zungzal nakhnga, na sinah a chahmi khuadawm in ka ra lai,” a ti. Mi zapi nih an lehnak kha Moses nih Bawipa cu a chimh.

EXODUS 23:21

Amah chimmi kha ngai u law a chimmi kha zul u. Amah cu keimah min in rian a ṭuanmi a si caah rak doh hlah u; cu bantuk palhnak cu an ngaithiam kho hna lai lo.

NAMBAR 12:5

Cun Bawipa cu minmei tung in a rung ṭum i thlam innka ah cun a dir i, Aaron le Miriam kha a kawh hna i an pahnih in hmailei ah an ra.

1 SAMUEL 3:18

Cucaah Samuel nih zeizong vialte a chimh dih i a sinin zeihmanh a thup lo. Cun anih nih, “Mah cucu Bawipa a si; a ṭha tiah a timi cu tuah ko seh,” tiah a ti.