EXODUS 34:16 - Lai (Hakha) Common Language Bible 2006

¹⁶ An fanule kha nan fapale nupi ah nan ṭhit sual hna lai i hi ramdang mi nu hna nih hin an pathian an biak hna tikah hlawhhlangnu bantukin um hna lai fawh kaw nan fapale kha keimah cungah zumhawktlak loin an umter hna lai i an pathian tu kha an biakter sual hna lai.

EXODUS 34:16 Խաչաձեւ Հղումներ

EZRA 9:2

An fanu hna kha nupi caah le an fapale hna nupi caah an lak hna i cucaah phun thiang cu hi ram mi hna he hin cawh a si cang. Cun hi zumhtlak loin umnak ah hin bawi hna le upapa hna kha an zualhma,” tiah an ti.

NEHEMIAH 13:25

Cun ka sik hna i chiat ka serh hna i a cheu cu ka velh hna i an sam kha ka tiao hna; cun Pathian min chalh in chiat ka serter hna i, “An fapa hna cu nan fanu hna kha nan pe hna lai lo i an fanu hna zong nan fapa hna caah siseh, nanmah caah siseh, nan la hna lai lo.

NEHEMIAH 13:23

Khi caan ah khan Judah mi Ashdod khuami nu hna le Ammon mi nu hna le Moab mi nu hna a ṭhimi ka hmuh fawn hna;

JOSHUA 23:12

Nan i mer i hika ah nannih lakah a tang rihmi miphun hna hi nan fonh hna i nan ṭhit nan lak hna i an nu hna kha nan ṭhit hna i annih nih an in ṭhit ve hna ahcun,

JOSHUA 23:13

Bawipa nan Pathian nih hi miphun hna hi nan hmai in a ṭhawl lan hna lai lo ti kha fiang tein hngal ko u; Bawipa nan Pathian nih an pekmi hna hi ram ṭha chung hin nan loh hlantiang nan caah rap le thang le, nan hnak i tuknak fung le nan mit chung i hling an si lai.

BIACEIHTU 3:6

an fanule cu nupi ah an ṭhit hna i an fanu hrimhrim hna cu, cu hna i an fapale sinah khan an pek hna; cun an pathian zong kha an biak hna.

BIACEIHTU 14:3

Sihmanhsehlaw a nu le a pa nih, “Na rualchan hna i an fanu hna lakah siseh, kan miphun vialte hna lakah siseh, nu an um lo caah maw cuarpar tan lomi Filistin mi hna lak i nupi ṭhit awkah na kal ko lai?” tiah amah cu an ti. Sihmanhsehlaw Samson nih a pa cu, “Ka ṭhitpiak ko, ka duh tuk cu ta,” tiah a ti.

1 SIANGPAHRANG 11:1

Siangpahrang Solomon nih cun miphun dang minu tampi a duh hna: Faro fanu tehna, Moab mi tehna, Ammon mi tehna, Edom mi tehna, Sidon mi tehna, Hit mi tehna kha a duh hna;

EZRA 9:12

Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan ṭhawng lai i ram chung thil ṭha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,’ tiah na timi kha kan hlawt hna.

NEHEMIAH 10:30

“Hi ram mi hna kha kan fanule cu nupi caah kan pe hna lai lo i an fanule hna zong kan fapale hna nupi caah kan la hna lai lo;

GENESIS 24:3

Van le vawlei uktu Pathian Bawipa min in chiatser in, ka sinah bia i kam ti kan duh. Cu bia kamter kan duhmi cu hihi a si: atu i ka umnak Kanaan ram mi hi ka fapa Isak nupi caah na ṭhi hrimhrim hna lai lo.

LEVITIKAS 21:15

a fale kha a mi hna lakah a thurhhnawmhter hna lai lo; zeitintiah keimah cu Bawipa ka si, keimah nih ka thianter.”

BIACEIHTU 3:5

Cuticun Israel mi hna cu Kanaan mi le Hit mi le Amor mi le Periz mi le Hiv mi le Jebus mi hna lakah cun an um i,

BIACEIHTU 8:27

Cun mah cu cun Gideon nih tlangbawi angki a ser i amah khua, Ofrah khua ah cun a chiah; cun mah cucu Israel mi vialte nih hlawhhlang an celhhnawh i Gideon le a innchungkhar caah foihnak ah a cang.

1 SIANGPAHRANG 21:25

(Bawipa mithmuh i thil ṭha lo tuah awkah aa pemi Ahab bantuk ahohmanh an um lo — cu vialte cu a nupi Jezebel nih a forh ruangah a si.

2 CHANRELNAK 21:11

Cuhleiah Judah tlang ram ah khan khuahrum bo a ser hna i Jerusalem khuami kha zumhawktlak lo sinak chungah a luhpi hna i Judah mi kha lam a pialter hna.

NEHEMIAH 10:31

cun hi ram mi hna nih sabbath ni ah thilri siseh, rawl siseh, zuar awkah an ratpi ahcun kannih nih sabbath ni le nizarh ni ahcun kan caw hna lai lo; cun kum sarihnak kum theipar hna cu kan la hna lai lo i leiba ca biahrennak ca i hrenmi hna cu kan chuah dih hna lai.

SALM 106:39

An thil tuahmi nih hin anmah cu a thurhnawmhter hna i Pathian sinah khan zumhawktlak in khua an sa lo.

HOSEA 1:2

Bawipa nih Hosea sinin Israel sinah a hmasa bik bia a chim tikah, Bawipa nih amah cu a thawh i, “Va kal law mizuangzamnu kha va ṭhi law cu mizuangzamnu he cun fa va ngei u; zeicahtiah hi ram hi Bawipa sinah zumhawktlak loin a um caah mizuangzamnu bantuk a si cang,” tiah a ti.