EXODUS 34:12 - Lai (Hakha) Common Language Bible 2006

¹² Nan va luh lainak ram chung i a ummi miphun hna he khan biakamnak zeihmanh tuah hlah u, zeicahtiah cu bantukin nan tuah ahcun nan tuahmi biakamnak nih cun rawhnak an phakter hna lai.

EXODUS 34:12 Խաչաձեւ Հղումներ

DEUTERONOMI 7:2

Bawipa na Pathian nih annih cu nangmah kha an pek i na tei hna tikah, khi tikah annih cu na hrawh cikcek hna lai; annih he biakamnak na ser lai lo i an cungah zaangfahnak na ngei lai lo.

DEUTERONOMI 7:16

Cun Bawipa nan Pathian nih an pek laimi hna miphun vialte cu nan hrawh hna lai, nan mit nih zaangfah hna hlah seh; an pathian zong nan bia hna lai lo, zeitintiah mah cucu nan caah rap a si lai.

SALM 106:36

Pathian mi nih cun siasal kha an biak hna i cucu an rawhnak a chuahtertu kha a si.

BIACEIHTU 8:27

Cun mah cu cun Gideon nih tlangbawi angki a ser i amah khua, Ofrah khua ah cun a chiah; cun mah cucu Israel mi vialte nih hlawhhlang an celhhnawh i Gideon le a innchungkhar caah foihnak ah a cang.

DEUTERONOMI 20:18

zeicahtiah, annih nih an pathian hna biaknak ah an tuah tawnmi thil fihnung hna cu an in cawnpiak sual hna hnga i Bawipa nan Pathian cungah nan sual sual hnga.

1 SIANGPAHRANG 11:2

Bawipa nih Israel mi sinah, “Nannih nih nan ṭhi hna in nan la hna lai lo i annih zong nih in ṭhi hna in, in la ve hna hlah seh, zeitintiah annih nih nan lung kha an pathian hna leiah an in mer hrimhrim ko hna lai,” tiin a rak chimmi miphun hna nu kha a duh hna i aa tlaih peng hna.

2 SIANGPAHRANG 17:10

lungphun hna le Asherim kha tlang sang kip cung le thingkung hring tang kip ah an i ser hna i

2 CHANRELNAK 24:18

Cun annih nih Bawipa, an pupa hna Pathian inn kha an hlawt i Asherim le siasal kha an rian an ṭuan hna. Cun hi an mawhnak ruangah hin Judah le Jerusalem cungah thinhunnak a tlung.

NAMBAR 33:52

nan hmai in cu ram i a ummi vialte cu nan dawi hna lai i an lung ṭial vialte kha nan hrawh lai i, thletmi an siasal vialte kha nan hrawh lai i, an khuahrum bo vialte kha nan chimh dih lai.

DEUTERONOMI 31:5

Bawipa nih annih cu an pek hna lai i, kan pekmi hna nawlbia vialte bantuk khan an cungah nan tuah lai.

JOSHUA 9:7

Sihmanhsehlaw Israel mi hna nih cun Hiv mi hna sinah cun, “Kanmah lak i a ummi nan si sual men ko hnga; cu ti a si ahcun zeitindah nannih he biakamnak kan tuah khawh lai?” tiah an ti.

BIACEIHTU 6:10

cun nannih sinah, ‘Keimah cu Bawipa nan Pathian cu ka si; an ram chung i nan umnak Amor mi hna pathian hna cu upatnak nan pe hna lai lo, ka ti; sihmanhsehlaw ka aw kha zei ah nan rel lo,’ a ti,” tiah a ti.