EXODUS 34:11 - Lai (Hakha) Common Language Bible 2006

¹¹ Nihin ah kan pek hna laimi nawlbia hi zul hna u. Nan hmai in Amor mi le Kanaan mi le Hit mi le Periz mi le Hiv mi le Jebus mi kha ka ṭhawl hna lai.

EXODUS 34:11 Խաչաձեւ Հղումներ

EXODUS 33:2

Nan hmaiah vancungmi pakhat ka thlah lai i Kanaan mi hna le Amor mi hna le Hit mi hna le Periz mi hna le Hiv mi hna le Jebus mi hna kha ka ṭhawl hna lai.

EXODUS 3:17

cucaah nannih cu an in hrem hnanak Izipt ram khan kan chuahpi hna lai i Kanaan mi le Hit mi le Amor mi le Periz mi le Hiv mi le Jebus mi an umnak ram ah khan kan kalpi hna lai. Cu ram cu ram rum le vawlei a ṭhatnak hmun a si,” a ti,’ tiah va chim hna.

DEUTERONOMI 6:25

Nawl a kan pek bangin Bawipa kan Pathian hmaiah hi nawlbia vialte cu ṭha tein kan tuah ahcun kannih caah dinnak a si lai,’ tiah na ti lai.

DEUTERONOMI 6:3

Cucaah, maw Israel, Bawipa na pupa Pathian nih bia an kam bangin, cawhnuk le khuaihliti in a luangmi ram chungah cun, nan i remrel i tam piin nan karh nakhnga, thei tuah law, ṭha tein zul tuah hna u.

EXODUS 3:8

Izipt mi hna sinin chanh i a vawlei a ṭhami le a hmun a kaumi ram i annih cu kalpi awkah ka rung ṭum cang. Cu ram cu ram rum le ram ṭha a si i atu ah Kanaan mi hna le Hit mi hna le Amor mi hna le Periz mi hna le Hiv mi hna le Jebus mi hna kha cuka ah cun an um.

JOHAN 14:21

“Ka nawlbia kha a cohlang i a zulmi paoh cu keimah a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai,” tiah a ti.

MATTHAI 28:20

kan fialmi vialte hna hi an zulh nakhnga va cawnpiak hna u. Cun hihi philh hlah u: nan sinah a zungzal in, caan dongh tiangin ka um lai,” tiah a ti hna.

DEUTERONOMI 28:1

“Bawipa nan Pathian aw kha nan ngaih i nihin ah kan pekmi hna nawlbia vialte cu ṭha tein nan tuah ahcun, vawleicung miphun vialte hna cungpi ah khin Bawipa nan Pathian nih an chiah hna lai.

DEUTERONOMI 12:32

“Nawl kan pekmi hna thil vialte kha ralring tein nan tuah hna lai; nan chap lai lo, nan zuk fawn lai lo.

DEUTERONOMI 12:28

Bawipa nan Pathian mithmuh ah a dik le a ṭha kha nan tuah tikah, nanmah caah a ṭhat nakhnga, hi nawl kan pekmi hna bia vialte hi ṭha tein ruat tuah u.

DEUTERONOMI 7:19

nan mi nih a hmuhmi hneksaknak ngan le hmelchunhnak le khuaruahharnak le a ṭhawngmi kut le samhmi ban in Bawipa nan Pathian nih an chuahpi hnanak kha hngal camcin ko u; cu bangin Bawipa nan Pathian nih nan ṭihmi miphun vialte hna cungah a tuah lai.

DEUTERONOMI 5:32

Cucaah Bawipa nan Pathian nih nawl an pek hna bangin ṭha tein nan tuah lai; orhlei ah siseh; kehlei ah siseh nan i mer lai lo.

DEUTERONOMI 4:40

Cucaah nihin ah kan pekmi hna a nawlbia le a phungbia hna cu ul tuah hna u, nanmah le nan hnu i nan tefa hna caah aa remrel i Bawipa nih zungzal ca in an pekmi hna ram ah hin nan chan cu nan sauter nakhnga,” tiah a ti.

EXODUS 23:28

Ka ṭihnunnak kha nan hmaiah ka kalter lai i Hiv mi le Kanaan mi le Hit mi kha a rak dawi dih hna lai.

DEUTERONOMI 33:27

Zungzal hmunmi Pathian cu na umnak hmun a si i Na tangah zungzal hmunmi ban kha an um. Cun ral kha na hmaiah a dawi i ‘Hrawk tuah,’ tiah a ti.

NEHEMIAH 13:23

Khi caan ah khan Judah mi Ashdod khuami nu hna le Ammon mi nu hna le Moab mi nu hna a ṭhimi ka hmuh fawn hna;

EXODUS 8:27

Cucaah cun Bawipa kan Pathian nih a kan fial bantukin thetse ram chung ni thum lamkal ah kan kal hrimhrim awk a si lai i cuka ah cun Bawipa kan Pathian sinah khan rai cu kan vaa thawi lai,” a ti.

JOSHUA 23:5

Bawipa nan Pathian nih nan hmaiah a dawi hna lai i nan mit hmuh phak lo tiang a ṭhawl hna lai; cun Bawipa nan Pathian nih bia an kam hna bangin an ram cu nan co lai.

1 CHANRELNAK 1:14

le Jebus mi hna le Amor mi hna le Girgash mi hna le