EXODUS 34:1 - Lai (Hakha) Common Language Bible 2006

¹ Bawipa nih Moses cu a thawh i, “Lungtlap pahnih, hmasa i bantuk, na khuaimi bantuk kha ser ṭhan hna. An cungah cun hmasa lungtlap cung i a ummi bia kha ka ṭial ṭhan hna lai.

EXODUS 34:1 Խաչաձեւ Հղումներ

EXODUS 32:19

Moses cu riahhmun pawng kha a phak i cawfa le minung a lam len komi a hmuh hna tikah a thin a hung ngaingai. Aa putmi lungtlap kha a hlonh hna i tlang hram ah khan a den hna.

SALM 119:89

Bawipa, na bia cu zungzal in a hmun lai; vancung ah khin fek tein a um.

EXODUS 31:18

Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 34:28

Moses cu Bawipa sinah khan ni sawm li le zan sawm li a um i zeihmanh a ding lo i a ei lo. Lungtlap cungah khan biakamnak bia cu a ṭial hna — nawlbia pahra cu.

EXODUS 32:16

Pathian sermi an si i an cung i aa ṭialmi cu Pathian ṭialmi an si.

EXODUS 24:12

Bawipa nih Moses cu a thawh i, “Ka sinah tlang cungah hung kai law hung um. Ka mi hna cawnpiaknak caah ka timi ka nawlbia le ka phunglam ka ṭialnak lungtlap hna kha kan pek lai,” a ti.

EXODUS 34:4

Cucaah Moses nih cun hmasa i bantuk kha lungtlap pahnih cu a ser ṭhan hna i a thaizing zingkate ah Bawipa nih a fial bangin Sinai Tlang cungah cun a kai i lungtlap pahnih cu aa put hna.

DEUTERONOMI 4:13

Cun tuah awkah nawl an pekmi hna a biakamnak kha nannih sinah a thanh, mah cucu nawlbia pahra kha an si; lung tlap hnih cungah a ṭial hna.

JEREMIAH 36:32

Cun Jeremiah nih cazual dang pakhat kha aa lak i caṭialtu Baruk, Neriah fapa kha a pek i Judah siangpahrang Jehoiakim nih mei ah a khanghmi cazual chung i a ummi bia vialte kha Jeremiah nih a auhning in a ṭial ṭhan; cun cu bantuk bia cu Jeremiah nih tampi a chap.