EXODUS 33:18 - Lai (Hakha) Common Language Bible 2006

¹⁸ Moses nih cun, “Na sunparnak ka hmuhter tuah,” tiah a hal.

EXODUS 33:18 Խաչաձեւ Հղումներ

EXODUS 33:20

Cun Bawipa nih cun aa thawh ṭhan i, “Ka hmai cu na hmu kho lai lo, zeicahtiah ka hmai a hmumi cu ahohmanh an nung kho lo.

BIAPHUAN 21:23

Khuapi nih cun ni ceunak siseh, thlapa ceunak siseh a herh lo, zeicahtiah Pathian sunparnak nih cun a ceuh i Tuufa cu a meiinn a si.

TITAS 2:13

A liannganmi kan Pathian le kan Khamhtu Khrih Jesuh sunparnak kha a langh tikah kan i ruahchanmi cu a tling lai, cu a tlin lai Ni cu ngangngan ngaiin kan hngak ko.

1TIMOTE 6:16

Amah lawnglawng cu thih a thiam lomi, a naih in naih ngam lomi ceunak chung i a ummi a si. Amah cu ahohmanh nih an hmu bal lo, ahohmanh nih an hmu kho lai lo. Amah cungah cun upatnak le thil ti khawhnak zungzal in um ko seh! Amen.

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

2 KORIN 3:18

Kannih caah hmai khuhnak puan kha a um ti lo caah kan dihlak in Bawipa sunparnak cu thlalang chung i kan mui a langh bang khin kan langhter; cuticun sungpar chin lengmang in amah lo chin lengmang ah thlen kan si i cucu Thlarau a simi Bawipa rianṭuannak cu a si.

SALM 4:6

“Thluachuahnak hmu u si law kan hei duh hringhran dah,” a timi tampi an um. Maw Bawipa, kan cungah zaangfahnak run ngei ko.

JOHAN 14:21

“Ka nawlbia kha a cohlang i a zulmi paoh cu keimah a ka dawmi an si. A ka dawmi cu ka Pa nih a dawt ve hna lai; kei zong nih ka dawt ve hna lai i an sinah kaa phuang lai,” tiah a ti.

SALM 63:3

A fekmi na dawtnak cu nunnak nakin a ṭha deuh, cucaah cun nangmah cu kan thangṭhat lai.