EXODUS 32:5 - Lai (Hakha) Common Language Bible 2006

⁵ Cun Aaron cu a thin a phang i sui cawfa hmaiah cun biakṭheng pakhat a ser i mi zapi cu, “Thaizing ah Bawipa upatnak caah puai a um lai,” tiah a thanh hna.

EXODUS 32:5 Խաչաձեւ Հղումներ

2 SIANGPAHRANG 10:20

Cun Jehu nih, “Baal caah pumhnak thiang pakhat tuah u,” tiah nawl a pek. Cucaah mah cucu an thanh.

LEVITIKAS 23:37

Hi puai hna hi Bawipa puai caan khiahmi puai cu an si i pumhnak thiang in nan hman hna lai; Mei in khanghmi thawinak hna pekchanh caan a si lai — cu thawinak hna cu khanghthawinak, changvut thawinak, raithawinak, thlet thawinak an si i anmah nite cio ah tuahmi an si — cun puai hna cu Bawipa sabbath hna hlei le Bawipa sinah na pekmi biakamnak thawinak le mah lungtho tein pekchanhmi thawinak hleiah khan a si.

LEVITIKAS 23:2

“Israel mi cu, a caan khiahmi Bawipa puai, nannih nih pumhnak thiang caah nan thanh ding, a caan khiahmi ka puai hna cu, mah hihi an si, tiah chim hna.

1 KORIN 5:8

Cucaah kan puai cu thilnu hlun, sualnak le ṭhat lonak thilnu hlun he cawhmi changreu he khan si loin thilnu aa tel lomi changreu, thiannak le biatak changreu he khan tuah u sih.

HOSEA 8:14

Israel nih inn ṭhaṭha kha a sak hna, sihmanhsehlaw a Sertu kha a philh cang. Judah nih kulhnak ralhau a ngeimi a khua kha a karhter luaimai hna, Sihmanhsehlaw a khua cu mei in ka duah hna lai i a inn ṭhaṭha hna cu a kangh dih hna lai.

HOSEA 8:11

Sual thianhnak caah tiin Israel mi nih biakṭheng tam deuh an ngeih deuh paoh ah, sualnak hmun kha a karh chin lengmang ve a si ko!

2 CHANRELNAK 30:5

Cucaah Israel ram chung dihlak khan, Beersheba in Dan tiang thawng thanh i Jerusalem ah nan ra lai i Bawipa, Israel Pathian i Lanhtak Puai cu nan hman lai tiin mizapi kha thawngthanh awkah khan bia an chuah; zeicahtiah an tining bang khan tampi nih an hmang lo.

2 SIANGPAHRANG 16:11

Cun tlangbawi Urijah nih biakṭheng kha a ser; Siangpahrang Ahaz nih Damaskas khua in a kuatning te khan, Siangpahrang Ahaz cu Damaskas khua in a ra phak hlanah, Urijah tlangbawi nih a rak ser dih.

1 SIANGPAHRANG 21:9

Cun ca chungah cun, “Rawl ulhnak thanh u law, Naboth kha mizapi lakah sang ngai ah hlorh u;

1 SAMUEL 14:35

Cun Bawipa caah Saul nih biakṭheng pakhat a sak; mah cucu Bawipa ca i a sak hmasa bikmi biakṭheng a si.

LEVITIKAS 23:21

Cu ni theng ah cun thawngthanhnak nan ser lai; a thiangmi pumhnak nan tuah lai; rian fak zeihmanh nan ṭuan lai lo: nan techin fapar tiangin nan umnak kip ah zungzal ca nawlbia a si.

LEVITIKAS 23:4

“Mah hna hi a caan khiahmi Bawipa puai, a thiangmi pumhkhawmhnak, an ca i khiahmi caan cio i nan thanh hngami cu an si.

EXODUS 32:4

Tumbul cu a lak hna i a tit hna i a thlet i cawfa pakhat ah a ser. “Maw Israel mi hna hihi nan pathian cu a si, Izipt ram in an chuahtertu hna nan pathian cu a si,” a ti.

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

EXODUS 10:9

Moses nih cun, “Kan dihlak in kan kal lai, kan ngakchia hna he, kan tar hna he, kan fapa hna he ka fanu hna he, kan tuu hna he kan meheh hna he kan caw hna he kan kal lai, zeicahtiah Bawipa sinah biaknak puai kan ngeih awk a herh,” a ti.

EXODUS 32:6

A thaizing zingkate ah cun khangh thawinak sa kha an thawi hna i hawikomhnak thawinak caah saṭil kha an rak put hna. Mi zapi cu ei awk le din awkah an ṭhu i i nuam ngaiin an um.

EXODUS 17:15

Moses nih biakṭheng pakhat a ser i a min ah, “Bawipa cu ka hmelchunhnak puanzar a si,” a ti.