EXODUS 32:25 - Lai (Hakha) Common Language Bible 2006

²⁵ An pawngkam ah ral ṭihnung an um ko nain, Aaron nih khan siasal biaknak leiah a thlahdorh hna caah Israel mi cu an duhduh in an um cio ko ti kha Moses nih a hmuh.

EXODUS 32:25 Խաչաձեւ Հղումներ

ISAIAH 47:3

Mi kuttang i na um le ningzahnak na in kha an in hmuh lai, salnu bantukin hnipuan loin na um kha an in hmuh lai. Teirul kan cham lai i ahohmanh nih an ka kham kho lai lo,” a ti.

BIAPHUAN 16:15

“Ngai hmanh, mifir bantukin ka ra lai. Zapi lakah taklawng in an vah nakhnga lo le ningzak in an um nakhnga lo, hngilh lo tein a rak um i a hnipuan ṭha tein a rak i fimhlawmmi cu, lunglawmmi an si,” a ti.

MIKAH 1:11

Shafir khua i a ummi hna kal tuah u; Zaanan khua i a ummi hna cu ningzak in an khua chungin an chuak cang lo maw? Beth-ezel cu ṭahnak khua a si, amah nih cun bawmhnak zeihmanh an pe kho ti hna lai lo.

ROM 6:21

asinain zeital a miak nan hmu maw? Atu i nan i zahpimi thil hna dah ti lo hi cu, zeihmanh nan hmu lo. Cu hna an donghnak cu thihnak a si.

HOSEA 2:3

Cu ti a si lo ahcun ka phoih dih lai i a chuah ni i taklawng in a um bantuk khan ka hlih dih sual lai; Ram car bantukin ka tuah lai i thetse car in ka car sual lai i tihal in ka thihter sual lai.

DANIEL 12:2

Leidip chungah a itmi hna lakin tampi cu an hun i ṭhang lai, a cheu cu zungzal nunnak chungah an hun i hlau lai i a cheu cu zungzal huatnak le ningzahnak chungah an hun i hlau lai.

EZEKIEL 16:63

Na tuahmi vialte kha kan ngaihthiam dih hnuah cun, na lung a pem lai i na ning a zak lai i na lung a ar lai i voi khat hmanh na kaa na ang ṭhan ti lai lo. Mah hihi Bawipa Pathian bia hrimhrim a si,” tiah a ti.

2 CHANRELNAK 28:19

Bawipa nih Israel siangpahrang Ahaz thawngin Judah cu a ṭumchukter, zeicahtiah Judah ram chungah khan thlahthlam in a um i Bawipa sinah khan zumhawktlak in a nung lo.

DEUTERONOMI 9:20

Cun Bawipa nih Aaron cungah a thin a hun tuk caah amah cu hrawh awkah aa tim; cun khi caan ah Aaron ca zongah thla ka cam colh.

GENESIS 3:10

Mipa nih cun, “Dum chung i naa chawh thawng kha ka theih i taklawng ka si caah ka thin a phang, kaa thup,” tiah a leh.

EXODUS 32:26

Cucaah Moses cu riahhmun kutka ah khan a dir i, “Ahodah Bawipa lei ṭang nan si? Bawipa lei i a ṭangmi cu hika ah hin ra u,” tiah a au. Levi mi vialte kha a sinah cun an i pum i

1 SIANGPAHRANG 12:28

Cucaah siangpahrang nih ruahnak a hal hna i sui cawfa pahnih a ser. Cun mizapi kha a thawh hna i, “Jerusalem i nan hung kal lengmang hi a za cang. Maw Israel mi hna, Izipt ram in a hun in chuahpitu hna nan pathian hi zoh tuah hna u,” tiah a ti.

1 SIANGPAHRANG 14:16

Cun Israel mi cu, Jeroboam amah sualnak ruang le Jeroboam nih Israel mi a sualter hnanak ruangah khan, a hlawt hna lai,” tiah a ti.

PHUNGTHLÛKBIA 29:18

Pathian nih a hruai lomi miphun cu ningcang loin khua an sa. Pathian nawlbia a zulmi cu lunglawmmi an si.

JEREMIAH 5:5

Cucaah mingan hna sinah ka kal lai i annih kha ka va chimh hna lai. Annih nih cun Bawipa lam kha an hngalh lai i An Pathian phungbia kha an hngalh lai,” ka ti. Sihmanhsehlaw annih zong nih Bawipa nawlbia kha an al i a bia kha ngaih duh loin an um ve.