EXODUS 32:2 - Lai (Hakha) Common Language Bible 2006

² Annih cu Aaron nih khan, “Nan nupile le nan fapale hna le nan fanule hna nih an i tonhmi sui tumbul kha va phoih hna u law rak pu hna u,” a ti hna.

EXODUS 32:2 Խաչաձեւ Հղումներ

HOSEA 2:8

Anih nih cun rawl le mitsur hang thar le chiti a petu kha keimah ka si kha a hngal lo i Baal siasal sernak ca i an hmanmi sui le ngun tam piin amah a petu kha keimah ka rak si kha a hngal fawn lo.

EZEKIEL 16:17

A ṭha ngaingaimi hlawn sui le ngun kan pekmi kha na lak i cucu pa siasal ah na ser hna i cu he cun nu le pa sualnak na tuah.

EXODUS 35:22

Nu he pa he an ra; rak put a duhmi paoh nih khan ṭamhnak ṭhim hna le hnatonh hna le kutdonghrolh hna le ṭhi hna le sui hlawn a phunphun kha an rak put hna. Bawipa sin pekmi thawhlawm caah tiin an pekchanhmi sui hlawn kha an rak put cio hna.

GENESIS 24:47

Ngaknu cu ka thawh i, ‘Ahodah na pa a si?’ ka ti. A ka leh i, ‘Nahor le Milkah fapa Bethuel i fanu ka si,’ a ti. Cun a hnar ah khan hnartonh ka tonh i a kut ah khan kuthruk kha ka hruk hna.

GENESIS 24:22

Kalauk kha ti a dinh dih hna hnuah Abraham salpa nih khan a man a fak ngaimi sui hnartonh pakhat kha aa chuah i a hnar ah cun a tonh, cun sui kuthrolh ngan pipi pahnih zong aa chuah i a kut ah khan a hrolh hna.

EXODUS 20:23

Keimah he biak ṭi awkah, sui in siseh, ngun in siseh pathian nan i ser hna lai lo.

EXODUS 32:3

Cucaah mi nih khan an dihlak in an sui tumbul cu an i phoih i Aaron sinah khan an rak put.

PHUNGTHLÛKBIA 25:12

Chimhringtu a fimmi cu, a bia ngaih a duhmi caah cun, Sui kutdonghrolh le sui hlawn bantuk a si.

ISAIAH 30:22

Ngun nan hutmi nan siasal hna le sui nan hutmi nan siasal hna kha nan i lak hna lai i hmunhnawm hlonh in nan hlonh hna lai i, “In hmu ti hna hlah u sih,” nan ti hna lai.

ISAIAH 3:19

an kut ah an i khihmi hlawn vialte cu a lakpiak dih hna lai. An lu an i khuhnak puan le