EXODUS 32:19 - Lai (Hakha) Common Language Bible 2006

¹⁹ Moses cu riahhmun pawng kha a phak i cawfa le minung a lam len komi a hmuh hna tikah a thin a hung ngaingai. Aa putmi lungtlap kha a hlonh hna i tlang hram ah khan a den hna.

EXODUS 32:19 Խաչաձեւ Հղումներ

EFESA 4:26

Na thin a hun ahcun na thinhunnak kha sualnak chung i an luhpitu siter hlah; cun na thinhunnak cu ni tlakter hlah.

MARKA 10:14

Cucu Jesuh nih a hmuh tikah a thin a hung i a zultu hna cu, “Ngakchia cu ka sinah ratter ko hna u. Pathian Pennak cu hi bantuk mi hna ta hi a si caah, annih cu kham hna hlah u.

MARKA 3:5

Cu tlukin an lung a hah le an palh kha a hmuh hna tikah a thin a hung a ngaih a chia i mipa cu a thawh i, “Na kut kha samh,” a ti. A samh i a dam ai!

MATTHAI 5:22

Asinain kei nih cun, ‘A u a nau cung i a thin a hungmi paoh cu biaceihtu hmaiah chuahpi nan si lai i a u siseh, a nau siseh, “Zei rua ram lo,” a timi paoh cu biaceihtu bu sinah chuahpi nan si lai; cun ahohmanh, a u siseh, a nau siseh, “Mihrut” a timi paoh cu hell mei chung i tlak awkah aa tlakmi nan si lai,’ kan ti hna.

ZEKHARIAH 11:14

Khi tikah ka fung a pahnihnak Fonhnak timi kha tan hnih ah ka tan i Judah le Israel karlak i unau sinak a ummi kha ka hrawh.

ṬAHNAK HLA 5:15

Lawmhnak nih a kan zamtak cang i Kan lamnak hna cu ṭahnak ah an cang cang.

JEREMIAH 31:32

Izipt ram in chuahpi awkah an kut in ka hruaimi hna an pupa hna sinah ka tuahmi biakamnak bantuk kha a si lai lo. Ka biakamnak kha an zul lo nain an cungah ka lung a sau, tiah Bawipa nih a ti.

2 SAMUEL 6:14

Cun David cu Bawipa hmaiah a thazang dihlak in a lam; David cu la hmang ṭhia tlangbawi angki aa hruk.

DEUTERONOMI 27:26

“ ‘Hi phungbia a dirpi lo i a zul lomi cu chiat seh,’ tiah an thanh lai. Cun mi vialte nih, ‘Amen’ an ti lai.

NAMBAR 12:3

Moses cu vawleicung mi vialte lakah lungnem bik a si.

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?

EXODUS 15:20

Profetnu Miriam, Aaron far nih khan khuang aa lak i nu vialte nih khan a hnu in an zulh i khuang tum pah cun an laam.

1 KORIN 10:7

an lak i a cheu nih siasal an rak biak bangin biak ve lo awkah ralrin a kan petu ding an si. Cathiang nih a ti bantukin, “Cu mi hna cu ei awk le din awkah an ṭhu i laam awkah an tho.”

EXODUS 32:18

Moses nih, “Cu thawng cu teinak hlasak thawng zong a si lo i sungh ruang i ngaihchia in ṭahnak thawng zong a si lo; ka theihmi hi hlasak thawng a si,” tiah a ti.

EXODUS 34:1

Bawipa nih Moses cu a thawh i, “Lungtlap pahnih, hmasa i bantuk, na khuaimi bantuk kha ser ṭhan hna. An cungah cun hmasa lungtlap cung i a ummi bia kha ka ṭial ṭhan hna lai.

SALM 119:53

Miṭhalo nih na phunglam an hrawh ka hmuh tikah ka thin a hung.

DEUTERONOMI 10:2

Cun hmasa lungtlap na khuaimi hna cung i a ummi bia kha, lungtlap hna cungah cun ka ṭial hna lai i kuang chungah cun na khumh hna lai,’ tiah a ti.