EXODUS 32:10 - Lai (Hakha) Common Language Bible 2006

¹⁰ Atu cu na ka onh ahcun, ka thinhunnak a alh in a alhmi in ka hrawh dih hna lai. Cun nangmah le na tefa cu miphun ngan ah kan ser hna lai,” a ti.

EXODUS 32:10 Խաչաձեւ Հղումներ

DEUTERONOMI 9:14

ka dawn hlah, annih cu hrawk hna ning law, an min cu vanrang tang dihlak in hlo ko hna ning; cun annih nakin a ṭhawng deuh le a ngan deuhmi miphun ah nangmah cu in ser ko ning,’ tiah a ti.

NAMBAR 14:12

Rai in ka hrem hna lai i ka hlawt hna lai, nangmah chung hin annih nak i a ngan deuh le a ṭhawng deuh miphun ka ser lai,” tiah a ti.

DEUTERONOMI 9:19

Zeitintiah nanmah kha hrawh awk tiangin Bawipa nih aa timhnak thinhunnak le lungsi lonak kha ka ṭih. Sihmanhsehlaw Bawipa nih khi tan zongah khan ka bia a ka ngaihpiak.

NAMBAR 16:22

Cun an bawk i, “Maw Pathian, titsa vialte i thlarau hna Pathian, mi pakhat nih a sual caah, nangmah cu mi zapi vialte cungah hin na thin a hung lai maw?” tiah an ti.

EXODUS 32:19

Moses cu riahhmun pawng kha a phak i cawfa le minung a lam len komi a hmuh hna tikah a thin a hung ngaingai. Aa putmi lungtlap kha a hlonh hna i tlang hram ah khan a den hna.

EXODUS 32:11

Sihmanhsehlaw Moses nih Bawipa a Pathian cu a nawl i, “Maw Bawipa, zeicahdah Izipt ram in na ṭhawnnak le na lianhngannak he na chuahpimi na mi hna cu na thinhunnak in na khangh hna lai?

EXODUS 22:24

ka thin a hung lai i raltuknak ah nan thi sual lai. Nan nupile kha nuhmei ah an cang ve ko lai i nan fale kha ngakṭah ah an cang ve ko lai.

JEIM 5:16

Cucaah cun nan sualnak kha pakhat le pakhat i chim u law pakhat le pakhat thla i campiak u, cu ti nan tuah ahcun damnak nan hmuh lai. Miṭha mi thlacamnak cu hmual a ngei.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 14:11

Cun Bawipa nih a ka thawh i, “Hi mi hna ṭhatnak caah hin thlacam hlah.

EXODUS 33:3

A ram a rum i a vawlei a ṭhami ram ah nan kal lai. Asinain keimah nih cun kan kalpi hna lai lo, zeicahtiah milungṭhawng nan si i lampi ah kan thah dih sual hna hnga,” a ti.

NAMBAR 16:21

“Hi aa pummi hna sin hin i ṭhen u, chikkhatte ah ka khangh dih khawh hna nakhnga,” tiah a ti.

SALM 106:23

Cucaah Pathian nih cun ka mi cu ka hrawh hna lai a ti; asinain a thimmi a sal Moses nih khan Pathian cu a thlauh i a thinhunnak nih khan a that hna lo.

JEREMIAH 7:16

Jeremiah, hi mi hna caah hin thlacam hlah, an caah nawlnak le thlacamnak tuah hlah, keimah zong kha ka nawl len hlah; zeicahtiah na bia cu ka ngai lai lo.

JEREMIAH 11:14

Cucaah Jeremiah, hi mi hna caah hin thlacam hlah, anmah aiawh zongin aunak siseh, nawlnak siseh, tuah hlah, zeicahtiah an harnak caan i an ka auh tikah ka ngai hna lai lo,” tiah a ti.

EZEKIEL 20:13

Sihmanhsehlaw Israel mi nih cun ramlak ah khan an ka doh; ka nawlbia kha an zul duh hna lo, ka phunglam kha an hlawt hna, zul hna seh law an nunnak ding a si nain; cun ka sabbath kha an buar hna. Cucaah ramlak ah khan ka thinhunnak cu ka bunghhnawh ko hna lai i ka hrawh ko hna lai dahra maw tiah ka ruah ṭhan.

GENESIS 12:2

Tefa tampi kan pek lai i miphun nganpi ah an cang lai. Nangmah cu thluachuah kan pek lai i na min kan thanter lai, cucaah na min cu thluachuah peknak ah an hman lai.