EXODUS 31:18 - Lai (Hakha) Common Language Bible 2006

¹⁸ Sinai Tlang cungah Bawipa nih Moses cu bia a chimh dih tikah, biakamnak lungtlap pahnih, Pathian hrimhrim nih a kutdong in a nawlbia a ṭialnak lungtlap kha Moses cu a pek.

EXODUS 31:18 Խաչաձեւ Հղումներ

DEUTERONOMI 4:13

Cun tuah awkah nawl an pekmi hna a biakamnak kha nannih sinah a thanh, mah cucu nawlbia pahra kha an si; lung tlap hnih cungah a ṭial hna.

DEUTERONOMI 5:22

“Mah bia hna hi Bawipa nih nan bu ning in tlang ah khan mei chung le a chahmi khuadawm chungin aw fakpi in an chimh hna i a chap ti lo. Lung tlap pahnih cungah a ṭial hna i keimah kha a ka pek hna.

EXODUS 24:12

Bawipa nih Moses cu a thawh i, “Ka sinah tlang cungah hung kai law hung um. Ka mi hna cawnpiaknak caah ka timi ka nawlbia le ka phunglam ka ṭialnak lungtlap hna kha kan pek lai,” a ti.

2 KORIN 3:3

Hi ca a ṭialtu cu Khrih kha a si i kannih hi a phortu ah a kan hmanmi kan si. Cu ca cu lung cungah cahang in ṭial si loin minung lungthin cungah a nungmi Pathian Thlarau nih a ṭialmi a si.

EXODUS 8:19

Camhthiam pawl nih khan Faro cu, “Hihi cu Pathian tuahmi a si,” an ti. Sihmanhsehlaw Faro cu a lung a hak ko i Bawipa nih a rak chim bantuk te khan Moses le Aaron cu an bia a ngai duh hna lo.

LUKA 11:20

Beelzebul ṭhawnnak in khuachia kha ka ṭhawl hna a si ṭung lo, Pathian ṭhawnnak in pei a si deuh cu, cu nih cun Pathian Pennak kha nan sin a phan cang ti kha a langhter.

MATTHAI 12:28

Nan timi hi a si lo, khuachia ṭhawl khawhnak a ka petu hi Beelzebul si loin Pathian Thlarau a si i cu nih cun Pathian Pennak cu nan sin a phan cang ti kha a langhter.

JEREMIAH 31:33

Sihmanhsehlaw cu caan cu a phak tikah, Israel mi hna he biakamnak ka ser laimi cu mah hihi a si: Ka phunglam cu an chungah ka chiah lai i an lungthin cungah ka ṭial lai. Keimah cu an Pathian ka si lai i annih cu ka mi an si lai,” tiah Bawipa nih a ti.

EXODUS 24:18

Moses cu minmei chungah khan a lut i tlang cungah cun a kai. Cuka ah cun ni sawm li le zan sawm li a um.

HEBRU 9:4

Cu chungah cun rimhmui khanghnak sui biakṭheng le sui hutmi kuang, biakamnak an chiahnak kuang kha an um. Cu kuang cungah cun manna an chiahnak sui um, Aaron ṭhiangṭhunh a corhmi le nawlbia an ṭialnak lungtlap pahnih kha an chiah hna.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

DEUTERONOMI 10:4

Cun lung tlap hna cungah cun, tlang cungah mei chungin pumh ni i Bawipa nih nan sinah a chimmi nawlbia pahra cu hmasa i a ṭial bang khan, a ṭial hna i Bawipa nih a ka pek hna.