EXODUS 30:25 - Lai (Hakha) Common Language Bible 2006

²⁵ Hi vialte hi na cawh hna lai i thuh awkah hmanmi chiti ah na ser hna lai; zihmui sertu nih a sermi zihmui bantuk a si lai i thuhnak ah hmanmi chiti thiang a si lai.

EXODUS 30:25 Խաչաձեւ Հղումներ

EXODUS 37:29

Thuhnak chiti thiang le zihmui thiang rim thawmi cu zihmui sertu nih a sermi bantukin a ser hna.

1 CHANRELNAK 9:30

A dang pawl, tlangbawi fapa hna nih khan, rimhmui cawh awk kha an timhtuah,

EXODUS 40:9

“Cun thuhnak chiti kha naa lak lai i Pathian umnak thlam le a chung i a ummi thil vialte kha na thuh hna lai. Cu thlam cu le a thilri vialte kha Pathian sinah na pek hna lai i cuticun thil zarh ah a cang lai.

SALM 133:2

Aaron luthlung in a khabe ah, a khabe in a angki hngawng ah a vung luangmi oliv chiti bantuk a si.

SALM 89:20

Ka sal David cu ka thim cang i nan siangpahrang ah ka ser cang.

HEBRU 1:9

Ahmaanmi thil cu na duh i ahmaan lomi thil cu na huat; Cucaah cun Pathian, na Pathian nih cun an thim i, Na hawile hna nih an hmuhmi nakin a ngan deuh suaumaumi upatnak lunglawmhnak kha aan pek,” tiah a ti.

NAMBAR 35:25

cun mibu nih cun mi thattu cu thisen phuhlamtu kut chungin an khamh lai i, mibu nih cun a zamnak khua himnak khua ah khan an kirter ṭhan lai i, a thiangmi chiti thuhmi tlangbawi ngan kha a thih hlantiang cu ka ah cun a um lai.

EXODUS 29:7

Cun thuh awk chiti kha na lak lai i a lu ah khan na toih lai i amah cu na thuh lai.

EXODUS 29:21

Biakṭheng cung i a ummi thi le thuhnak chiti kha naa lak hna lai i Aaron le a thilpuan kha na theh hna lai, Aaron fapa hna le an thilpuan zong kha na theh fawn hna lai. Aaron le a fapa hna le an thilthuam hna cu, cuticun thianh an si lai.

EXODUS 30:24

kassia zihmui pawng kul, (hi vialte hi biakinn i hmanmi cuaithlainak in tah an si lai), cun oliv chiti pawng hleihnih.

EXODUS 30:32

Mi sawhsawh kha nan toih hrimhrim hna lai lo i hi chiti he aa lomi chiti dang ser awkah hi bantuk cawhmi zong nan hmang fawn lai lo. Chiti thiang a si i cucaah cun a thiang in nan ruah awk a si lai.

EXODUS 30:35

zihmui sertu nih a ser bangin zihmui ser tuah. Cite na thlah lai, a thiangmi le a zarhmi zihmui a si lai.

EXODUS 35:15

zihmui khanghnak biakṭheng le a zawnhnak lang, thuhnak chiti, a rim a thawmi zihmui, Pathian umnak thlam chung luhnak innka ca puanzar,

LEVITIKAS 8:2

“Aaron cu a fapa hna he kalpi hna law, puan hna le thuhnak chiti le thilnu telh lo changreu bawm khat le sual thawinak cawtum le tuukawng pahnih hna kha kalpi ve hna;

LEVITIKAS 8:10

Cun Moses nih thuhnak chiti kha a lak i puan biakinn le a chungah a ummi thil vialte kha a thuh hna i a thianter hna.

PHUNGCHIMTU 10:1

Tho thi nih zihmui cu a thawl ning piin a thutter khawh, Cu bantukin hruhnak hmete nih fimnak ngan bik kha a hrawh khawh.

EXODUS 28:41

Hi thuam hi na u Aaron le a fapa hna cu na hrukter hna lai. Cun chiti na toih hna lai, na thleidan hna lai i na thianter hna lai, cun ka tlangbawi rian kha an ṭuan lai.

1 SIANGPAHRANG 1:39

Khika ah tlangbawi Zadok nih thlam chung khan chiti chiahnak ki cu a lak i Solomon kha a thuh. Cun muko kha an tum i, mi vialte nih khan, “Solomon Siangpahrang cu saupi nung ko seh!” an ti.