EXODUS 30:20 - Lai (Hakha) Common Language Bible 2006

²⁰ Mei in khanghmi thawinak kha Bawipa sin i pekchanh awkah pumhnak thlam chung i an luh ah siseh, tlangbawi rian ṭuan in biakṭheng cu an hei fuh ah siseh, tiin an i ṭawl hmasa ahcun thihnak an huat lai lo.

EXODUS 30:20 Խաչաձեւ Հղումներ

LAMKALTU 5:5

Cu bia cu Ananias nih a theih tikah aa teng bak ko i cu thawng a theimi paoh cu ṭihnak in an khat dih.

SALM 89:7

Nangmah cu pathian hna nih an khuakhannak bu chungah khan an in upat i na kiang i a ummi vialte nih khan an in ṭih dih.

1 CHANRELNAK 13:10

Cun Bawipa thinhunnak cu Uzza cungah cun a alh i kuang kha a hei banh caah a thah i cuka ah cun Pathian hmaiah a thi.

1 SAMUEL 6:19

Cun Bawipa kuang chung kha Beth-shemesh khuami nih an bih caah tlawmpal a thah hna; annih kha mi sawm sarih a thah hna i, Bawipa nih annih kha tampi a thah hna caah an ṭap.

EXODUS 12:15

“ ‘Ni sarih chung thilnu phulh lo changreu kha nan ei lai. A hmasa bik ni ah, nan inn chung khan thilnu kha nan thianh dih hna lai, a ni hmasa bik ni in a ni sarihnak ni tiang thilnu phulhmi changreu a eimi cu Israel mi chung khan thlei an si lai.

LAMKALTU 5:10

Chikkhatte ah a kehram ah khan a tlu i a thi. Tlangval hna cu an rung lut i a thih ve kha an hmuh i an chuahpi i a va kiangah khan an va vui.

EXODUS 30:19

Aaron le a fapa hna nih khan cu ti cu an kut le an ke ṭawlnak ah an hman lai.

EXODUS 30:21

An thih sual nakhnga lo an kut le an ke kha an i ṭawl awk a si lai. Hi phung hi anmah le an tefa hna nih zungzal in an zulh awk hnga phung a si,” a ti.

EXODUS 40:31

Moses le Aaron le Aaron fapa hna nih khan an kut le an ke kha an i ṭawl.

LEVITIKAS 8:6

Cun Moses nih Aaron le a fapa hna cu a ratpi hna i ti in a kholh hna.

LEVITIKAS 16:4

la hmangṭhia angkileng cu aa hruk lai i la hmangṭhia tawhrolh cu aa hrolh lai, la hmangṭhia taisawm aa sawmh lai i la hmangṭhia lupawng aa ponh lai; mah hna hi thilpuan thiang an si. A pum cu ti in aa kholh lai i mah cucu aa hruk hna lai.