EXODUS 30:10 - Lai (Hakha) Common Language Bible 2006

¹⁰ Kum khat ah voi khat in Aaron nih sual ngaihthiamnak thawinak kha a ki cungah hin a tuah lai. Sualnak ca le sual ngaihthiamnak ca i thawimi saram thisen khan Aaron nih hi biakṭheng caah hin ngaihthiamnak a hmuhpiak lai. Hmailei i a ra ding chan zongah hihi tuah hrimhrim awk a si lai. Hi biakṭheng cu a zarh hringhranmi biakṭheng a si, Bawipa sin i pekchanhmi biakṭheng a si.”

EXODUS 30:10 Խաչաձեւ Հղումներ

LEVITIKAS 16:18

Cun Bawipa hmai i a ummi biakṭheng leiah cun a chuak lai i cu biakṭheng caah cun remnak a ser lai, cawtum le meheh thi kha tlawmpal in a lak hna lai i biakṭheng ki cu a velchum in a thuh hna lai.

HEBRU 9:25

Judah mi Tlang Bawi Ngan cu kum fate in Hmun Thiang Bik chungah khan sa thi he a lut lengmang. Sihmanhsehlaw Khrih cu amah le amah i thawi awkah voi tampi a luh a herh lo,

LEVITIKAS 23:27

“Hi thla sarihnak thla a ni hra ni hi remnak ni a si; nannih caah pumhnak thiang caan a si lai i nannih nih nanmah lila cu nan i temhinter lai i Bawipa sinah mei in thawinak nan pek lai.

HEBRU 9:7

asinain chungchin thlam ah khan cun Tlangbawi Ngan lawng a lut kho i cu zong cu kum khat ah voi khat lawng a si. Thisen kha aa put i amah caah le mi nih hngalh loin an tuahmi sualnak caah Pathian sinah khan a pek.

HEBRU 1:3

Amah cu Pathian sunparnak in a ceu i Pathian he aa lo taktakmi kha a si; cun van le vawlei kha, ṭhawnnak a ngeimi a bia in a domhtlaih hna. Minung cu an sualnak kha a thianhpiak dih hna hnu in vancung ah khin Lianngan Bik Pathian orhlei kamah a ṭhu.

BIAPHUAN 9:13

Cun vancungmi paruknak nih khan a muko cu a vun tum, Pathian hmai i a dirmi sui biakṭheng kap khan aw pakhat ka theih.

EXODUS 30:9

Hi biakṭheng cungah hin khammi zihmui zeihmanh nan khang lai lo, saram khangh thawinak zeihmanh nan khang lai lo i ei awk thawinak zong zeihmanh nan pechan lai lo. Cun din awk thawinak zong zeihmanh a cungah hin nan thle lai lo.

EXODUS 30:11

Bawipa nih Moses cu a thawh i,

LEVITIKAS 16:2

Moses sinah hi bangin Bawipa nih a ti: “Na u Aaron cu va chim law, puanzar chung hmunthiang ah, kuang cung i a ummi velngeihnak ṭhutdan hmaiah cun zeitikhmanh ah lut hlah seh, a thi sual lai; zeitintiah velngeihnak ṭhutdan cungah cun minmei in ka lang lai.

LEVITIKAS 16:16

Israel mi an thian lonak ruang le an phungbuarnak, an sualnak vialte ruangah, cu bangin hmunthiang caah cun remnak a ser lai; cu bantuk ṭhiamṭhiam in an thian lonak chung i annih he a um camcinmi tonnak thlam caah cun a tuah lai.

1 SIANGPAHRANG 1:50

Cun Adonijah nih Solomon kha a ṭih i cucaah a tho i a kal i biakṭheng ki kha aa tlaih hna.

1 CHANRELNAK 6:49

Sihmanhsehlaw Aaron le a fapa hna nih khan, Pathian sal Moses nih nawl a rak chiahmi vialte ning khan, a thiang bik hmun rian vialte ca le Israel mi caah remnak ser awkah, khangh thawinak biakṭheng cungah le zihmui biakṭheng cungah pekchanhnak kha an tuah.

LEVITIKAS 4:7

Cun tlangbawi nih tonnak thlam chung a ummi rimthaw zihmui biakṭheng ki hna ah cun, Bawipa hmaika ah, thi cu tlawmpal a thuh lai. Cun cawtum thi a taang mi cu tonnak thlam innka ah a ummi khangh thawinak biakṭheng hram ah cun a thlet lai.

LEVITIKAS 4:18

Cun sathi cu tlawmpal in tonnak thlam chungah a ummi biakṭheng ki ah cun a thuh lai, Bawipa hmaika ah cun; cu sathi a taangmi cu tonnak thlam innka ah a ummi khangh thawinak biakṭheng hram ah cun a thlet lai.