EXODUS 3:9 - Lai (Hakha) Common Language Bible 2006

⁹ Israel mi an ainak kha ka theih cang i Izipt mi nih zeitluk in dah an hrem hna kha ka hmuh.

EXODUS 3:9 Խաչաձեւ Հղումներ

EXODUS 2:23

Caan saupi hnuah Izipt siangpahrang kha a hung thi. Israel mi cu an sal cannak ah khan an hrum an ai lengmang ko i bawmhnak hal in an ṭap. An ainak cu Pathian sin kha a phan i

EXODUS 3:7

Cun Bawipa nih cun, “Zeitluk in dah ka mi hna nih Izipt ram ah temhinnak an huah ti kha fiang tein ka hmuh cang; a hremtu hna nih an cung i rian fak an khinh hna ruang i bawmhnak hal in an ainak kha ka theih. An nganfahnak cu ka hngalh dih cikcek.

EXODUS 1:11

Cucaah sal uktu bawi kha an cungah an chiah hna i rian fak ṭuan kha hnek rumro in an hnek hna, Israel mi nih cun rawl khonnak khua Pithom le Rameses kha Faro caah cun an sak.

EXODUS 1:22

Cu tikah Faro nih a mi vialte kha nawl a pek hna i, “Hebru mi nih fa an hrinmi pa paohpaoh cu tiva ah nan hlonh dih hna lai, nu lawnglawng kha nan nunh hna lai,” tiah a ti hna.

PHUNGCHIMTU 5:8

Acozah pakhatkhat nih misifak kha an hrem hna i dinnak le an hmuh awk a simi kha an pe hna lo, ti na hmuh tikah na khuaruahhar hlah; bawi paohpaoh cu an cung i a ummi bawi cio nih khan an huhphenh hna i cu hna zong cu anmah nakin a sang chin deuhmi bawi nih khan an huhphenh chin ve hna.

PHUNGCHIMTU 4:1

Cun hi vawlei cung i a um lengmangmi dinlonak hi ka zoh ṭhan. Hremmi hna cu an ṭap lengmang, sihmanhsehlaw ahohmanh nih an bawm hna lo. Anmah a hremtu hna kha thil ti khawhnak a ngeimi cu an si caah ahohmanh nih an bawm duh hna lo.

SALM 12:5

Bawipa nih aa thawh i, “Sifakmi cu an hrem hna i retheimi cu aihram lengmang in an tuah hna caah atu cu ka ra lai i an ngaihmi himnak cu ka pek hna lai,” a ti.

AMOS 4:1

Nannih Samaria tlangcung i a tlongmi Bashan caw, sifak kha a hrem i retheimi kha a rial chih i vale kha, zu rak pu u, a ti lengmangmi hna, hihi ngai tuah u:

GENESIS 16:11

Fapa pakhat na ngei lai i a min ah Ishmael na sak lai, Zeicahtiah Bawipa nih na harnak kha an theihpiak.

DEUTERONOMI 26:7

Khi tikah kannih nih Bawipa kan pupa hna i Pathian kha kan auh i Bawipa nih cun kan aw a theih i kan temhnak le kan rian hrang le an kan hremnak kha a hmuh.

1 SAMUEL 9:16

“Thaizing atu tik hrawngah hin, na sinah Benjamin peng i mipa pakhat ka rak thlah lai i amah cu ka mi Israel mi hna cung i bawi si awkah chiti na rak thuh lai. Amah nih ka mi hna cu Filistin mi kut chungin a khamh hna lai; zeitintiah an aunak kha ka sinah a phak cang caah ka mi hna nih hremnak an inmi cu ka hmuh cang,” tiah a ti.

2 SIANGPAHRANG 13:4

Khi tikah Jehoahaz nih Bawipa kha a nawl i, Israel mi an temhinnak, zeitindah Siria siangpahrang nih a hrem hna kha a hmuh caah, a bia kha a theihpiak.

GENESIS 31:12

Cun, ‘Zohhmanh, a kaihtu hna mehehtum vialte khi a ṭial le ṭial hrawl in a ṭialmi le a deh in aa dehmi an si khih. Hi bantukin thil ka siternak cu Laban nih na cung i a tuahmi vialte kha ka hmuh caah a si.

EXODUS 1:8

Siangpahrang thar, Josef a hngal lomi kha Izipt ram ah khan a hung bawi.

EXODUS 2:25

Israel mi sal an sinak kha a hmuh i annih sinah khan aa hngalhter.

2 SIANGPAHRANG 20:5

“I let law ka mi hna bawi Hezekiah sinah cun, hi bangin Bawipa, na pu David Pathian nih, ‘Na thlacamnak kha ka theih i na mitthli kha ka hmuh; zohhmanh, kan damter lai; a ni thumnak ni ah Bawipa inn ah na hung kal lai.

NEHEMIAH 9:9

“Cun kan pupa hna nih Izipt ram ah hremnak an inmi kha na hmuh i Rili Sen i an aunak kha na theihpiak hna i

SALM 9:14

Jerusalem khuami hna hmaiah ka dir lai i nangmah kha zei ruangah dah kan thangṭhat ti vialte kha ka chimh hna lai. Nangmah nih na ka chuah caah ka lung aa lawm lai.