EXODUS 3:1 - Lai (Hakha) Common Language Bible 2006

¹ Moses cu a nupi pa Jethro, Midian tlangbawi a simi, tuu le meheh kha a cawng hna i saṭilrun cu thetse ram pinah khan a kalpi hna i Horeb tlang, Pathian tlang timi kha a phan.

EXODUS 3:1 Խաչաձեւ Հղումներ

1 SIANGPAHRANG 19:8

Cun a tho i a ei a din i cu rawl thazang cun ni sawm li le zan sawm li, Pathian tlang Horeb leiah cun a kal.

EXODUS 17:6

Horeb tlang lungpi cungah khan na hmaiah ka rak dir lai. Lungpi cu na tuk lai i mi zapi din awkah ti a chuak lai,” a ti. Moses nih Israel mi hruaitu pawl hmaiah cun cu bantuk cun a tuah.

NAMBAR 10:29

Cun Moses pu Hobab, Midian miphun Reuel i a fapa sinah khan Moses nih, “Bawipa nih, ‘Kan pek hna lai,’ a timi hmun i kal awkah kan i thawh; kan sinah ra law, ṭhatnak kan in tuah lai; zeitintiah Bawipa nih Israel kha ṭhatnak a kamh,” tiah a ti.

MALAKHI 4:4

Ka sal Moses phungbia kha philh hlah u, Israel mi vialte na va pek hna lai, tiah Horeb tlang i ka timi nawlbia le cawnpiaknak kha philh hna hlah u,

BIACEIHTU 4:11

Ken mi Heber cu Moses pu Hobab i tefa Ken mi hna sin khan aa ṭhen i Kedesh pawng Zaanannim ram i a ummi kuhthing hmun tiangin a puan thlam cu a va bunh.

EXODUS 19:11

kiptuh caah i ralring cia hna seh. Cu ni ah cun, Bawipa cu Sinai Tlang cungah ka rung ṭum lai i cuka ah cun mi zapi nih khan an dihlak in an ka hmuh khawh lai.

LUKA 2:8

Cuka hrawngah cun, an tuurun a zohkhenh i ramlak i a riakmi tuukhal hna kha an um.

SALM 106:19

Horeb tlang ah sui cawfa kha an ser i cu siasal cu an biak;

DEUTERONOMI 4:10

Bawipa nan Pathian hmaiah Horeb ah nan dir ni ah khan Bawipa nih a ka chawnh i, ‘Mi cu ka sinah pum tuah hna, ka bia kha an theih i vawlei cung i an nunchung vialte keimah ṭih kha an hngalh i cu bantukin an fale zong an cawnpiak hna nakhnga,’ tiah a ka ti mi kha kan hngalhter hna.

DEUTERONOMI 1:6

“Bawipa kan Pathian nih Horeb ah a kan chawnh i, ‘Hi tlang ah hin sau nawn nan um ko cang;

EXODUS 24:13

Moses cu a sal Joshua he khan an i tim i Pathian tlang ah cun an hung kai.

EXODUS 19:3

Moses cu tlang cungah khan Pathian ton awkah a hung kal. Tlang cung cun Bawipa nih khan a vun auh i,

EXODUS 3:5

Pathian nih cun, “Ra naih deuh ti hlah. Na kedan kha i phoih, na dirnak hmun kha hmun thiang a si.

EXODUS 2:16

Midian tlangbawipa nih cun fanu pasarih a rak ngeih hna. Ti than awkah khan an ra i an pa tuu le meheh kha ti dinh awkah saram ti dinhnak kuang chungah khan ti cu an thlet.

AMOS 1:1

Hi bia hi Amos bia an si, amah cu Tekoa khuami, tuu zua pakhat a si ve i Israel kong ah langhnak a hmuhmi hna hi Judah siangpahrang Uzziah a bawi lio le Israel siangpahrang Jehoash fapa Jeroboam a bawi ve lio, li hninh hlan kum hnih ah khan a si.

EXODUS 4:27

Bawipa nih Aaron cu a thawh i, “Moses ton awkah thetse ram ah khan va kal tuah,” tiah a ti. Amah ton awkah cun Pathian tlang ah khan a va kal i a ton tikah a hnamh.

EXODUS 2:21

Cuka um cu Moses nih cun a duh i Reuel nih khan a fanu Zipporah kha nupi ah a pek.

EXODUS 2:18

An pa Reuel sin i an va tlun tikah a rak thawh hna i, “Zeitindah nihin cu tuante ah nan tlun khawh?” a rak ti hna.

LAMKALTU 7:30

“Cun kum sawm li a dih hnuah, Moses sinah cun vancungmi kha Sinai Tlang pawng thetse ram i burbuk a kangmi meizik in a lang.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

EXODUS 4:18

Moses cu a pu Jethro sinah khan a va kal i, “Izipt ram i ka rualchan pawl an nung rih maw ti vung zoh ka duh hna, cucaah cun ka kalter law ka vung zoh hna lai,” a ti. Jethro nih cun, dam tein vung kal ko, a ti.

EXODUS 18:12

Cun Jethro nih cun Pathian caah raithawi awk a hun i phorhmi le khanghthawinak a hun i phorhmi cu an thawi hna i Aaron le Israel mi hruaitu pawl vialte cu Moses pu sinah cun an ra i Pathian hmaika ah rawl kha an ei ṭi hna.

EXODUS 19:2

Refidim khan an chuak i Sinai ramcar kha an phan i Sinai tlang hmaiah khan an riak.

EXODUS 33:6

Cucaah Horeb tlang ri khan Israel mi nih an hlawn kha an i hruk ti hna lo.

DEUTERONOMI 1:2

Horeb in Kadesh-barnea cu Seir Tlang lei in ni hleikhat lam kal a si.

NAMBAR 10:33

Cu bangin Bawipa tlang in ni thum kal ah an kal i Bawipa biakamnak kuang kha annih ca i, i dinhnak hmun kawl awkah annih hmaiah ni thum lamkal a rak kal chung.

1 SAMUEL 16:11

Cun Samuel nih Jesse sinah cun, “Hika ah hin na fapa an dihlak in an um maw?” tiah a ti. Cun anih nih, “A ngakchia bik a um rih, sihmanhsehlaw zohhmanh, amah cu tuu a khal,” tiah a ti. Cun Samuel nih Jesse sinah cun, “Mi hei thlah hna law, amah cu va la hna seh; zeitintiah hika a phak hlantiang kan ṭhu lai lo,” tiah a ti.

1 SIANGPAHRANG 19:19

Cucaah khika khan a kal i Shafat fapa Elisha kha a hmai i cawtum tuah hleihnih he lei a rak thuan kha a hmuh, amah cu a tuah hleihnihnak sinah cun a rak um. Elijah cu a pawngin a lan i a puan khan a hei cheh.